溝通小事分享

最近見到件小事, 令我頗有感受。

話說偶然有空會幫侄仔跟下功課,
老實講, 香港好多教師除左依書直說, 學養真係有待改善,
但這不是重點。

有次睇完侄仔篇作文, 修辭用字俾左少許意見, 侄仔跟住照改。
後來聽番, 修改既地方俾佢老師羞辱一番之後,
仲加左句類似「邊個垃圾補習老師教你架？」 既評語。
修改之處, 我十分肯定正確無誤, 因為錯誤太常見, 幾年前特地請教過幾位文學院教授。
事實此非個別例子, 各行各業都不難發現。

以前我讀書年代, 師長輩會教有錯應勇於指正,
但亦有教要免人尷尬, 有必要可私下講, 更唔會教人睬低人地抬高自己。

溝通本是一門學問, 好多人凡事去到盡,
到頭來處處樹敵, 反而調轉話人地針對佢, 甚有天下人皆負我之感。
或者受網絡文化影響, 講野唔駛負責任,
說話習慣尖酸刻薄者多, 大方得體者少,
不少人打幾年工仍然唔識講說話, 得罪人多稱呼人少。

各位後生站友, 有時間不妨多點觀察其他人的說話技巧,
刻薄串人易學, 婉轉有條理就學一世都仲可以改進,
學壞方法, 就好難改得到。

小弟廿幾年來ge體會.讀左十幾年書,一向覺得香港為人師表ge,除左有d初出道的熱血教師,
或者個別一d幾十年來真心作育英才ge先生,全心真係為學生之外,

好大部份先生自己人格品格都好有問題, 偏見,政治,小圈子,歧視...呢d全部都不亞真實社會.
連我口中所講的一兩個好先生,我畢業後私下同佢地飲茶閒談,佢地自己都好無奈爆晒學校d黑幕出來.
結黨營私,分黨互插,用學生做籌碼,罅詐手段拉人落馬去上台, 逼害忠良....無所不用其極.
徨論作用英材,向學生教個正確價值觀.

呢d先生完全當教書係一份工, 收ge係份錢唔係份熱誠. 有d典型就係8點準時番學,
每當照書讀, 鍾意就用學生出氣或者羞辱d能力弱ge學生, 放學3點準時唔見人.唔洗諗學生會問得到書.
好難怪ge...本來要教下一代,先要搵品德好,高學歷的人.
偏偏呢個社會,教書不討好,JUPAS八校,教院仲地位低過嶺大.
講句唔好聽d...... 真心教書都去港大讀BA再教啦. 入得教院咪又係果d JUPAS刀下死左大半死唔晒全身ge人.
水準唔高, 點教學生.

我出身某排名頭十的名男校, 成績一直中上.所以一直都唔係受逼害對象
但我鄙視名校,鄙視果d誤人子弟的所謂師表. 一直睇住佢地點去帶頭逼害/歧視/放棄果d能力稍低ge同學
所以我真正看破所謂作育英才的沽名釣譽的背後.
聽見d人點話愛校愛校,我丕一句: 你讀書廢柴的話你去乃學校隻鞋去愛校佢都踢開你
但你試下你10A, 你做左局長司長, 係佢做狗來乃你隻鞋同你拉關係,話你係度讀...
金慷係邊個比邊個.只係睇你邊個能力高價值好. 我踏出左呢個社會,我頭也不回. 更唔會用呢間校名來拉關係.


我非去貶低老師呢個職業. 我係無奈好大量老師都不守本份.
我一生人都有幾個老師我好尊敬.
我小學某班主任,賞罰分明,不畏家長/高層強權,不姑息富貴/聰明學生.又好關心學生,自願留低補課,會打電話去慰問學生狀況.
我中學某班住同上, 年少時更加覺得佢煩厭不坎. 關注的係學生品格同做人態度..成績不代表什麼. 什至為學生激心比任何人都勞氣.
我中學的一位呀sir,係學校係"風頭躉",因為表達能力唔太叻又林善,比學生藐視.小弟曾經都對過佢不敬
但一次我因為一條好簡單的數學題解極都唔明,呢位呀sir 放學後3點留到五點去教我一個. 又成日親自同我補課,
我雖然成績中上, 唯一肥科數學.係初中年代唯一數學會合格就係佢果年.一直我就好尊敬呢個呀sir.佢係真正用心教學生的老師.到咁多年喇,我仲係會間中同佢飲茶.

老師的修維..本來就係應該要咁. 但有幾多個熱血教師做得到.有幾多學校同老師係有教無類
所謂,教不嚴,師之惰. 我地年輕一代的責任,做老師做學校的,係咪應該都負番d責任?
*看見有台灣人在網上說, 教不嚴非師之惰，師指剁也.
點指教書失職要斬手指. 佛家話, 誤人子弟落地獄添呀.

多言了.要插就隨便.

[ 本帖最後由 cn2661_2d32 於 2012-6-10 18:35 編輯 ]

溝通問題不單只見教育界, 但只說教育界, 基本上有兩大問題︰
1) 學養見識俱淺； 2) 自我感覺太好。

曾在教育行業待過數年, 接觸過若干人之患,
學養淺、見識差, 比比皆是, 以新一代教師為甚。

誠如閣下所言, 入讀教院, 多是半生不死之士。
即使是滿腔熱血, 教院的同學平均質素如何, 日久浸淫,
難保不變庸懶愚昩。

再者, 香港教師多為畢業新生亦有問題,
缺乏人生經驗, 又豈能教學生修身立德？
當然, 不是從其他行業投身教育, 就必然見多識廣,
但有其他範疇衝擊, 會胡亂批評別人「垃圾補習老師/ 叔仔」的機會必減。

年前知道以前法律系的同窗棄律師高薪, 投身教育, 實在肅然起敬。
語文能力、分析能力必較一般老師高, 溝通表達亦定能裨益學生。
聘請她的學校有福了。

至於自我感覺太好, 我也不知怎說。
有若干教通識的中學同學 / 前同事, 聽其說話邏輯混亂,
但給我感覺是有點飄飄然, 自以為了不起。
事實卻是, 於其他行業看來, 根本是不合標準。

為釋疑慮, 在此無意批評所有老師。
盡責、有料的, 當然還有。我只是說一般情況。
教育界沒很多人口中說的好, 感化學生、春風化雨仍是少數。

我都有此感慨，某年放榜，睇電視某考生話，成績唔好就去教院，
我當時已過要放榜的年齡，聽到真係晴天霹靂，
原來教院係水泡，去教院的都係籮底橙！

而家想找到一個可以用「春風化雨」來形容的教師，難矣。

幸好我自己同系同學，走去做教師的，都睇得出真係好有愛心，
有人甚至做到好似女王的教室咁要摸熟所有學生脾性同家庭背景。

[ 本帖最後由 DIH 於 2012-6-10 21:54 編輯 ]

如果係教小學的，的確又唔需要一個真係好叻的人去教，
但係最起碼要做到明辨是非、有良好品格、說話做事條理分明，否則真係會教壞學生。

有個成績麻麻、說話又不甚了得的中學同學，A-level肥左pure math同中化，
入唔到大學。結果？自修多年，達到入大學基本要求，考入教院數學教育系
雖則話小學數學都係基本加減乘除同代數，教小學數學的唔需要識太多微積分，
一個數學PhD亦唔一定教得曉小學生一加一等於二，
但係我如果有朝一日作為家長，知道自己個仔既數學老師，
當年肥過數學，我諗都好難接受到。
呢位同學今年無記錯做緊實習，但係據知佢同時自修緊會計，想考牌，
諗住考到牌就轉行，實行一招騎牛搵馬咁喎

小學還可以，教院質素的走去教中學，那怕是初中，恐怕都係誤人子弟，
香港學生質素每況愈下，中英文水平惡劣，事必有因。
試諗下，如果一個會考同高考英文都C左或者D左既人入到大學英文系，
跟住出來教書，但係文法錯誤依舊，Chinglish、廣東音完全甩唔到，咁會對學生有咩影響？

我自己對呢樣野都有過深刻感受，當年作為中學生的日子，
的而且確有過衝動，將來想投身教育界。
我中學時代曾經受過良師影響，啟發我對科學的興趣同熱誠
（如果唔係呢位老師，I might not be who I am today，
我一直就此相當感恩，近年一直都仲有同呢位老師聯絡），
而我亦有感於香港的課程教唔到學生咩係science、咩係scientific method、點樣諗野，
所以我曾經好想投身其中，帶來一d改變。
我亦好相信，大部分成績優秀的學生，
在學期間必然受過良師啟發，必然有過執起教鞭的衝動，
只係後來基於種種現實原因，付諸實行的少之又少。

但係，當年會考放榜之後，屋企人知道我想揀咩科，
即刻鬧話「你係咪想一世教書？讀你呢科，將來唯一出路就係教書！」
仲要好鄙視果隻，由我先斬後奏遞上揀科表格開始，一直鬧足成年。
「唯一出路就係教書」當然不合乎事實，但至少係街上唔少師奶的觀感，
據知長輩的朋友都有微言，惋惜我浪費左我張會考成績單。
直到我後尾拎到sponsorship，出去交流，真正見識世界、擴闊眼界，
加上之後考到入外國學校讀postgrad之後，屋企人先至完全收聲

社會一方面對教師質素要求高，家長一方面想子女受到良好教育，
但係一方面又對教師極盡鄙視，唔想成績好的學生去教書，
只係推崇BBA，要個個叻仔叻女走去商場打滾，極盡欺詐之能事。
呢種前後不一，實在好悲哀。
睇下人地芬蘭，佢地成績最好的學生，唔少都走去中小學教書，
社會對教師地位尊崇，學生水平確實優勝。

我自己香港讀中、小學，混飯食、有熱誠的老師都見過唔少。
當中有一位，我心裏相當尊敬的，中四、五教我英文，中六教我通識的老師，
本身係讀biochem出身的，但見識廣博，對世界格局了解尤其深入，令人欽佩。
記得中五時佢曾經在課堂上講過，
If we don't teach you how to be a person -- and how to understand human relationships and our society -- as part of your language classes, there is no other subject that can serve that purpose. And I think that is a vital part of your education.
呢句說話絕對係真理。
雖然我而家無教中學的打算，但係我一直都相信，
無論中、小學定係大學都好，老師係應該「以生命影響生命」。

[ 本帖最後由 S3BL100 於 2012-6-10 23:54 編輯 ]

原帖由 S3BL100 於 2012-6-10 23:53 發表
如果係教小學的，的確又唔需要一個真係好叻的人去教，
但係最起碼要做到明辨是非、有良好品格、說話做事條理分明，否則真係會教壞學生。

有個成績麻麻、說話又不甚了得的中學同學，A-level肥左pure math同中化，
入唔到大學。 ...

言之甚是......小學需要的不是高深學歷...而是好的價值觀和品格.
小朋友最緊要係呢個階段shape晒成個人的character...否則就一世.
偏偏好多小學老師自己都好小學雞........細細個對住d小朋友已教晒佢地乜叫唔公平,乜叫黑暗偏私,小圈子欽點(成積,愛將,班長,罰企,鬧死蠢,請自行link埋一齊邊個人打邊個)
你話, 小朋友大左,個人格點會離得開呢d野.邊識明辨是非.

閣下一句,我都記得當年我果位上述的數學老師都鬧過我
話說當年,我對有興趣的中史,中文,地理,有諗過大學揀呢d科.
比呢位呀sir大鬧: 讀呢d把鬼呀.出來做乜呀,讀到Master又點.你係咪想學我做個兜教書佬,唔受人尊重冇前途.