10珍寶!

原帖由 DW8306 於 2012-6-16 11:11 發表

咁講咪即係之前既相唔係你影?

你見我既相最早都係97年7 8月到個時我先16歲  當年係巴士總站有幾多人
拿住部傻瓜機影相

見到架3BL或S3BL 泊係隧巴101或104條坑 ,想問所有九記紅隧線是否
於97年幾時全冷晒 ?

原帖由 ma2 於 2012-6-16 15:39 發表
見到架3BL或S3BL 泊係隧巴101或104條坑 ,想問所有九記紅隧線是否
於97年幾時全冷晒 ?

102同104九巴班次係98年全冷


source:


http://hkbus.wikia.com/wiki/%E9%81%8E%E6%B5%B7%E9%9A%A7%E5%B7%B4102%E7%B7%9A

http://hkbus.wikia.com/wiki/%E9%81%8E%E6%B5%B7%E9%9A%A7%E5%B7%B4104%E7%B7%9A

講起圓頂寶同埋隧巴，之前買左以下呢兩隻野黎睇 http://www.ebay.com.hk/itm/PMP-DVD-1714-HONG-KONG-ISLAND-TRAM-BUS-1997-CMB-/260310147139http://www.ebay.co.uk/itm/PMP-DVD-1711-HONG-KONG-ISLAND-BUS-TRAM-1997-CHINA-/260310143339
1997 年尾 (拍攝時估計係星期日，好多中巴冷馬行 101 104，好似見到有中巴 309，同埋好多閒日線埋晒係總站)


細個住開東區，有一年住過東區邊緣既天后同埋大角咀，一路覺得中巴服務都過得去
即使係其他區，每次出街時經過港島九龍其他有中巴既地方，睇落都唔覺得有咩大問題
但"當局者迷，旁觀者清"，當年覺得中巴無得做巴士實在係一大憾事，而家睇翻當年 d 片又唔同睇法


95 年尾自己住天后個陣，5 號重係全線坡柴，同時日日搭中巴 10/19/38/42/99 返學，最常搭到 10 號圓頂寶，
內籠油漆都唔知翻油過幾多次，停車打冷震以當代巴士中最誇張，日日中午返學時都近乎包車
個陣覺得城巴其實同九巴一樣贏在識玩形象，九巴早期雞鴨車門同個樣望落去比中巴同期車更古老，
但多得大大個九巴 logo 同埋口號 (應該算係本人甚至好多同齡普通人最早學識既中文字之一)，起碼俾到人一種肯跟上時代既服務態度


到片段中既 97 年尾，城巴係港島已經無乜熱狗行 (片主分別係 1991 年尾 / 1997 年尾影過香港交通，但港島佢影既部分只限電車都有服務既地方 )
無論 5號、8x、摩頓台香隧線系列、薄扶林道系列同埋隧巴 (簡單講即係港島北岸幾乎全部路線) 全部城巴都係新車
九巴參差少少，新既有最新 TD/D10A 豪行 104/106/110，但其他隧巴線重係出 3+2 多，中西區一帶似乎亦唔難見到 3BL
中巴係星期日有好多冷馬行 101 104 112 601 甚至 690，部分路線間中重比九巴高檔或者感覺相若
(例如西環一帶 113 中巴係出 ML，九巴雖然出冷馬但都只係出埋晒 d 3+2 短龍；104 唔難見到 3BL，不過中巴時段似乎咁岩影到既幾乎都係 DA VA，又或者 LM)
城巴係中環金鐘出晒低地台版 13xx 14xx 行 11、511、12系、260，中巴 25 25M 309 都起碼識得出 DC
(雖然後兩者理應係全冷線，而最適合用車亦只得 DC；但話分兩頭，去到 97 年尾時 DC 無論偈聲定車身顏色其實都顯得幾殘舊下)
東區一帶九巴 102 仍然出緊 DD 牌 3N，當日中巴出 ML31 行 102，睇落唔算太失禮


但中巴派車 cheap 起上黎實在令人唔知講咩好
係中上環一帶沿路慢慢影，只得隧巴線較有睇頭，其次係中巴 80 號，有大大架睇落好新淨既 DL
其餘 2、10、20、26 等既市區線重係出埋晒 d 一路行個車頭 dup 下 dup 下咁既珍寶，偈聲聽落去亦唔算精神
最深刻係係經過中環碼頭既 20 號 LF、路線牌攪著 3A 但前後門全開既私牌 SF 同埋 914 既 MB27
唔止偈聲聽落竟然被近一兩年被保留既珍寶、MB 最新行車片段更爛更殘
連車身顏色亦似日久失修無人保養咁既衰樣 (雖然十幾年前攝錄器材畫象較差，睇落淡色 d 暗啞 d
但只對比翻同樣係片中既城、九巴，就算畫質爭少少都明顯睇到分別)


有樣野可惜既係咁長段片竟然都影唔到 DL1 2 AL1 2 行 914，只有一個 DL2 行 914 既鏡頭，聽唔到聲
但重點係撇除 DL2 既特殊身份後，由灣仔至上環一帶有大量曬命線相比之下，中巴用車實在顯得特別殘舊
雖然中巴既車身顏色如果撞正年驗後翻過油的確特別搶眼，但係舊車殘車數目更多，整幾架靚仔既都無法減退一般市民對中巴車隊既印象


記得 09年去過澳門玩兩日，短短兩日間望見街上面兩大巴士公司新褔利同澳巴，已經有好深印象
覺得後者 d 車架架都殘舊不堪，而且雖然自己唔多識澳門個堆非英國製巴士型號，但仍然凝著該公司即使睇落較新既車車齡都比新褔利高得多
上網查下呢間公司咩來頭，原來澳巴近年都係被批評為車隊老舊、服務欠佳，
甚至差到因為保養問題曾經短期內連續撞車而搞到好大件事，有少少類似 80 年代中巴幾單大野
從旁觀角度一睇，當下即刻明白到點解中巴 98年後無得再做巴士
(雖然當中或會牽涉政治原因，但睇翻當年報紙訪問市民，大家反應幾乎係一面倒覺得中巴抵死的)


不過而家圓頂寶一架不留的確有少少可惜，雖然呢批珍寶係咁耐以黎都恨不得早日全退既車種，但連實物都無埋始終有少少可惜
另外，唔知係咪錯覺，細個見親中巴司機渣珍寶，轉波手勢都係一野直落下一波，好似唔會先入一入空波，而且好似撥算盤咁輕而易舉
前幾日無意中經過英國 Manchester 間交通博物館，上車玩過其中一架珍寶
(算係灰色地帶，車頭有館方明文講明歡迎上車，而小朋友有家長同職員陪同下更可坐上司機位禁下掣踩下油扮渣車)
個算盤子似乎都要用翻咁上下力先轉得郁，大約係開著公廁舊款禁掣式水喉或者用開瓶器一野直接開到樽裝汽水蓋所需力度
後波保險掣都唔見得可以輕易單手同時做晒拔掣同轉後波既動作，個彈弓都幾重下，如果控制得唔好
有機會俾個保險掣回彈一野夾落手指度，而且後波轉翻空波或者前波時唔慢慢夾著個保險掣，個掣回彈既聲響到成間館都聽到
雖然機械調較可以有鬆有緊，操控亦係功多藝熟，但尤其 2 轉 3、3 轉 2 波實在比想象中難，以前搭親珍寶都唔知點解班司機好似一野就撥到碌棍仔去正確波段

10隔離係104坑!

原帖由 tomchen 於 2012-6-16 04:03 發表


有幸坐個一次，龜速上山

圓頂一次都未坐過,
亞記就坐得多, 次次坐15,起上僑福道斜路, 慢到有一種好似部車就黎向後碌,跌落山既感覺,
果種慢係慢到有D驚驚地既感覺...

原帖由 ME19andG316 於 2012-6-19 16:38 發表


圓頂一次都未坐過,
亞記就坐得多, 次次坐15,起上僑福道斜路, 慢到有一種好似部車就黎向後碌,跌落山既感覺,
果種慢係慢到有D驚驚地既感覺...

如果坐正XF呢，就
以前10號咩寳都有。
唔係，應該話咩車都有。

記得好細過個陣搭中記10 還有AV1-AV8 其中幾架行走 , 我記得
個時上左架AV的10 成日當左係LV.. 但啲坐位係毛椅來... 另問
以前中記RT.10 有冇行過LX2XX同LX3XX ?

原帖由 Choi 於 2012-6-19 18:27 發表


如果坐正XF呢，就
以前10號咩寳都有。
唔係，應該話咩車都有。

但我聽說XF的攀斜表現不俗……

原帖由 fatku 於 2012-6-20 09:28 發表


但我聽說XF的攀斜表現不俗……

以前間唔中坐到部XF163行81，朝早繁忙時間大致坐滿由筲箕灣道衝上柴灣道都可以谷到差唔多明華大廈個位先落返一波。
但係又唔係部部XF都咁好(例如87批XF就好廢)，不過感覺整體上都好力過LF。