1997年八佰伴全線結業+與吉之島嘅比較?

如題,聽聞當年八佰伴全線結業搞到滿城風雨,仲曾經有大平賣
各板友可否分享下當時嘅情況?
有冇有關當年八佰伴結業嘅新聞報道或剪報,其結果造成嘅影響有幾大?
以前八佰伴嘅舖位而家係咩用途?

另外我都想問,八佰伴同而家嘅吉之島有咩分別?
而家嘅黃埔同太古城吉之島都人來人住,同當年嘅八佰伴有冇得比?
聽講八佰伴仲可以玩機動遊戲? 唔知係點嘅樣?

thx!

藍田: 間細舖
黃埔: 吉之島
元朗: 安老院
馬鞍山新港城: 千色店
馬鞍山廣場: 間細舖
荃灣: 變左熊貓百貨，其後間細舖
天水圍: 間細舖
將軍澳: 間細舖
沙田: 間細舖
屯門: 吉之島
執左既歡樂天地好似都係八佰伴集團?

歡樂天地、聖安娜同大滿貫都曾經係八佰伴旗下

當年嘅歡樂天地其實同依家冒險樂園差唔多，不過中/大型機動遊戲相對無咁多.....
無記錯的話，響八佰伴執笠後，歡樂天地好似仲營業左一段時間先消失？

當時八佰伴旗下的加工食品業務為「香港火腿控股」（金妹牌火腿製品商標），現為四洲集團業務之一。
原八佰伴分店，部分變成中國永旺吉之島分店：黃埔、荃灣悅來、屯門。
其他分店，還原成恆基、新地、領匯等商場業務。

當時八佰伴還外判了購物積分制度：彩龍印花 --> 翡翠印花，但被消費者所詬病。

原帖由 jpoon 於 2012-6-16 19:51 發表
藍田: 間細舖
馬鞍山新港城: 千色店
馬鞍山廣場: 間細舖
沙田: 間細舖

.

沙田 : 新城市廣場一至四樓
三四樓先撤出, 先變左馬沙同一埋旅行社
一二樓初初變左散店, 有大眾書局同惠康超級廣場, 又有堆食肆
到商場大裝修後就變左citysuper

馬鞍山新港城 : 一大部份短期內就變左千色店,
另一部分就間細, 到hold左好耐先開番
間細的一部份工程係牽涉到改電梯位置,
現時租戶有惠康超級廣場, 恆生銀行, 數碼通等

馬鞍山廣場 : 間細舖
部分舖位係包括今日的百佳超級廣場, 中銀

藍田 : 間細舖
當年舖位係包括五樓全層, 百佳超級廣場

原帖由 12A 於 2012-6-17 19:21 發表
間細的一部份工程係牽涉到改電梯位置

是否指加裝了兩條自動行人斜道？最記得新港城中心初期是沒有那四條自動行人斜道，後來恆基計劃預留新港城中心及新都城廣場第三期（即都會豪庭）商場部份位置給家樂福進駐，新港城中心便加裝了那四條自動行人斜道（兩條往停車場、兩條往現時的惠康超級廣場），而都會豪庭商場其中一個出入口加裝了兩條自動行人斜道通往當時的預留空間（現時變成惠康超級廣場及德爾斯）。

原帖由 hkaiw 於 2012-6-17 21:36 發表

是否指加裝了兩條自動行人斜道？最記得新港城中心初期是沒有那四條自動行人斜道，後來恆基計劃預留新港城中心及新都城廣場第三期（即都會豪庭）商場部份位置給家樂福進駐，新港城中心便加裝了那四條自動行人斜道（兩條往停車場 ...

無錯, 最初期係得兩條普通的扶手電梯, 二樓入口的位置是在今日數碼通附近
三樓位置真的無跡可尋, 個出口好可能在店內

印象中在八百伴年代, 呢區樓面中, 二樓係超市, 三樓就係賣傢俱
千色店接手後開初都有接埋這些舖面, 超市有繼續營運, 只是轉了名字
但無耐就開始大裝修, 騰空番這些舖面出來
[補充 : 當年交接係好快, 結業無一個月, 千色店就已經開張]

講開新港城中心的扶手電梯, 最近大裝修, 拆左匯豐銀行轉右條扶手電梯後
金滿庭出面通向地下條扶手電梯又做緊工程, 圍哂板, 連個出口都封埋
有無人知係整天花, 還其是換扶手電梯

原帖由 UCR683 於 2012-6-17 12:55 發表
當時八佰伴旗下的加工食品業務為「香港火腿控股」（金妹牌火腿製品商標），現為四洲集團業務之一。
原八佰伴分店，部分變成中國永旺吉之島分店：黃埔、荃灣悅來、屯門。
其他分店，還原成恆基、新地、領匯等商場業務。

當時八佰 ...

悅來係先變成熊貓百貨，然後先間細舖，最近先由吉之島承租，唔係直接由吉之島接手既

原帖由 jpoon 於 2012-6-16 19:51 發表
藍田: 間細舖
黃埔: 吉之島
元朗: 安老院
馬鞍山新港城: 千色店
馬鞍山廣場: 間細舖
荃灣: 變左熊貓百貨，其後間細舖
天水圍: 間細舖
將軍澳: 間細舖
沙田: 間細舖
屯門: 吉之島
執左既歡樂天地好似都係八佰伴集團? ...

屯門吉之島比起當年八佰伴係細得多, 以前連現在的東海堂, 佐丹奴, H&M, 甚至地下的百老匯, 中原, 國美, 蘇寧果度都係八佰伴範圍, 最經典係八佰伴的電器部是外判予香港最好電器經營, 當年八佰伴的電器部位置就是後來香港最好電器, 即現在蘇寧的位置, 即是果個位置由屯門市廣場開幕至今都係賣電器.

咁多個前身係八佰伴的地方, 最恐佈都係天水圍的舊址, 果度搞到好似葵涌廣場咁.

歡樂天地都係八佰伴集團的, 雖然獨立於八佰伴百貨本身, 但當年人們都對它失去信心, 拎晒D獎票去換禮品, 當時八佰伴結業不久已叫家人清晒D歡樂天地獎票, 因為眼見當時的禮品比起當時已開業的冒險樂園已經唔吸引, 加上八佰伴百貨結業, 估佢唔捱得耐, 結果家人清走晒D歡樂天地獎票後兩個月就全線結業.

同樣當年屬於八佰伴飲食的聖安娜都有餅卡擠提事件, 間間聖安娜都迫爆換餅人潮, 八佰伴飲食當年都有登報澄清自己同八佰伴百貨完全獨立, 並且即將易名為香港飲食管理(即後來的駿昇飲食集團), 而聖安娜最後在2008年才賣給香港OK便利店及玩具反斗城的母公司利豐集團.

[ 本帖最後由 gordon 於 2012-6-18 09:32 編輯 ]

原帖由 12A 於 2012-6-17 19:21 發表


沙田 : 新城市廣場一至四樓
三四樓先撤出, 先變左馬沙同一埋旅行社
一二樓初初變左散店, 有大眾書局同惠康超級廣場, 又有堆食肆
到商場大裝修後就變左citysuper

馬鞍山新港城 : 一大部份短期內就變左千色店,
另 ...

馬鞍山新港城分店當年變成千色店時, 超市是外判予廣南KK經營, 後來廣南結業變成現在模樣(當年間超市與千色店本身根本格格不入).