平日星期五下繁東鐵旺角東北行特車縮短服務範圍

(已修改標題)
好似係近兩,三日先開始實施此改動,
有疑似長期常客上車後暗罵港鐵無端端改去大埔墟, 真係痴線
(而車長亦不厭其煩地由開始載客至抵達總站期間,
人手廣播本班列車以大埔墟為終點站約10次,
間中再加句前往太和至羅湖或落馬洲乘客, 請等候下一班車或到大埔墟站轉車)

以前18:35-18:45期間紅磡站開出往廣州東的直通車經過旺角東站後,
停泊於旺角東站1號月台的備用列車便會開出前往羅湖,
不過呢班車改為前往大埔墟後,
旺角東站站至大圍站前往羅湖的乘客,
就隨時要見到連續3班車離站後先有羅湖列車
好似今日咁, 就出現連續3班車都唔係去羅湖,
羅湖 --> 直通車 --> 大埔墟 --> 落馬洲 --> 羅湖
第一班羅湖車去到沙田站1號月台側線避直通車前,
一度同下一班羅湖車相距最少10分鐘,
導致下一班羅湖車去到粉嶺站時,
車頭三卡仍然多人到近乎"頂閘"
(幸好今日唔係長假期前夕的星期五,
否則更多人前往羅湖, 必定造成更嚴重的脫班 )
今日我搭呢班大埔墟特車, 未到大圍已經要開下停下,
前日星期三跑夜馬, 有車入馬場時情況更嚴重,
試過搭後面果班落馬洲車, 由紅磡到粉嶺用左接近40分鐘,
比起平時唔塞車時不足34分鐘就到, 爭左成6分鐘......

[ 本帖最後由 ES464470X 於 2012-6-24 12:00 編輯 ]

原帖由 ES464470X 於 2012-6-15 09:46 PM 發表
好似係近兩,三日先開始實施此改動,
有疑似長期常客上車後暗罵港鐵無端端改去大埔墟, 真係痴線
(而車長亦不厭其煩地由開始載客至抵達總站期間,
人手廣播本班列車以大埔墟為終點站足足10次,
間中再加句前往太和至羅 ...

愚問:晚上東鐵係咪唔夠列車行?
講真,,東鐵主要客源來自太和及以北等四大顉
下一班住落馬洲的列車在大埔墟一定留後
真係玩殘班客

原帖由 GM 於 2012-6-15 21:56 發表

愚問:晚上東鐵係咪唔夠列車行?
講真,,東鐵主要客源來自太和及以北等四大顉
下一班住落馬洲的列車在大埔墟一定留後
真係玩殘班客

夠就夠, 只係受制於直通車,
加上晚上回程客源集中在九龍市區,
所以唔會好似朝早放咁多車去行特車~
早繁出車31抽, 下繁連只行一程的旺角東特車都只係27抽

而家班旺角東特車改左去大埔墟,
搞到九龍塘月台班客有人決定唔上車,
繼續逗留係月台, 令尾卡第12卡由原本頂閘+清晒月台人龍,
變為現時車廂企都企唔滿,
去到沙田站時, 第12卡更加得返十幾廿人要企, 車廂非常鬆動
(今日用車仲要係千九, 後車就反而係MLR,
完全浪費千九車廂的空間
以前呢班去羅湖, 過左沙田站都仲係企滿人)

好地地做乜要去到大埔就停？
以往搭哩班車都好好客，
好多都係搭到北區
而家咁樣即係玩野啦

我覺得近呢幾個禮拜東鐵早繁、晚繁，南行、北行的班次都怪怪地，
好似亂左定唔知佢係咪試緊新時間表或push緊limit。

我係覺得「非打仗方」：早繁北行及晚繁南行，係多左車（我搭這些方向）。
南行大學站近17:50無論係直通車前定後都好密，我呢幾日搭到的車係跟得好貼，
要慢碌入站，有一次我甚至驚佢未到位已經停低（無用過駅構內加速）。
今晚部車係直通車後第二班，前車第四卡離月台時已經出廣播話後車到站，
臨到火炭前在貨場波口附近慢到幾乎停低，之後再微微加速入站。

星期三當日搭到的班次，首先要在大學站遲開等馬場車北上，
火炭入中間軌（正常），但開車時過波口好慢，
慢到對面北上入馬場車要在穗禾苑停低等我地過。
以前搭這班車，係在火炭內等到北上馬場車過波口後才開車。

但係早繁南行就好耐都冇見過火炭同沙田開兩軌儲車。

唔知有冇關：沙田站同大圍站附近實施緊臨時限速70，導致由名城至龍華一段行得比正常慢。

而家早繁同晚繁，九龍塘南大堂的轉車人潮，兩個方向不相伯仲，
「非打仗方」：「打仗方」的比例，
初開南大堂時大約係1:5，而家大約係早繁4:5晚繁3:5。

－－－－－－－－－－
我都唔係好明點解一班咁有用的特車要縮短......
佢有冇用返架車做南行？但相比起北行，晚繁南行似乎唔需要特車喎～

[ 本帖最後由 DIH 於 2012-6-16 00:12 編輯 ]

我星期四搭仲係羅湖做總站
應該係星期五開始改?

原帖由 DIH 於 2012-6-16 00:07 發表
我覺得近呢幾個禮拜東鐵早繁、晚繁，南行、北行的班次都怪怪地，
好似亂左定唔知佢係咪試緊新時間表或push緊limit。

我係覺得「非打仗方」：早繁北行及晚繁南行，係多左車（我搭這些方向）。
南行大學站近17:50無論係直通車前定 ...

東鐵班次應該有執過,
但朝早我搭果個時間, 班次就真係穩定左好多,
唔駛好似數年前尖東歸西初期咁,
紅磡站外經常塞車, 列車要經常泊係沙田站4號月台舒緩前方擠塞~

而最大變化都係紅磡站進出時間加快左
以往4號月台列車離開後, 站外等入站的後車進入1號月台再開出,
已經同前車相距5分鐘, 而家就快左1分鐘,
果1分鐘已經爭好遠, 由要等對面月台西鐵列車轉乘客變左唔駛等客,
有西鐵就黎入站都照開車,  加加埋埋都慳左2分鐘了

至於呢班旺角東往大埔墟特車係唔會再去返紅磡載客,
呢抽車特意由車廠不載客開出去旺角東,
之後去到大埔墟就已經停止服務, 車長逐卡清客再返廠

呢單野可能同太多人係1830開始專程等呢班車所致。

唔知而家呢部車會唔會係直通車延遲時等埋先走呢？

原帖由 hkbw 於 2012-6-16 11:51 發表
呢單野可能同太多人係1830開始專程等呢班車所致。

唔知而家呢部車會唔會係直通車延遲時等埋先走呢？

多人等唔係更應該繼續?
佢前車係直通車之後既第一班車,
次次都爆
就算哩班旺角起載,
去到九龍塘都仲有好多空位疏導人潮
真係諗唔明點解要縮去大埔

原帖由 hkbw 於 2012-6-16 11:51 發表
呢單野可能同太多人係1830開始專程等呢班車所致。

唔知而家呢部車會唔會係直通車延遲時等埋先走呢？

會~呢排經常都因為直通車遲開而遲2-3班東鐵列車先開,
其實已經令部分人放棄專程等候呢班車,
不過正如相片中所見, 仍然有為數不少乘客耐心等呢班車

如果真係你所講的原因,
咁就涉及九龍塘站有乘客長時間逗留係月台排隊等呢班車了