對於碌神，其實有乜辦法對付？

某專利巴士公司，出名鐘意碌車碌燈，但臨尾幾班車就個個車手上身，已係人所共知。作為一個蟻民，對於呢D碌神，尤其係長期某一/些/逢燈位必碌o個D，其實有冇辦法對付？

我留意左一個九巴282女司機好耐，搭著佢車，新田圍方向，文化博物館同秦石村之間個十字路口，佢係死都要等下燈既，佢係離譜到，架車過晒獅子橋，到左大約呢個位 http://goo.gl/maps/6aCq，枝燈至剛剛轉綠，佢都可以即刻收油，以近乎一般人緩步跑既速度碌過去，到大約呢個位 http://goo.gl/maps/Uqpa，明明仲係綠燈，佢都可以停左o係度，等到轉左紅燈至行前埋呢幾步，然後等燈。

我已經決定下次再搭中佢車就拍定片，捕到再有咁既情況就投訴佢。但我知投訴衝紅燈就知一定大把人受理，調返轉投訴碌燈，似乎未有聽聞，請問應向甚麼機構投訴？方向報？交諮會交通投訴組？(同九巴講就晒氣，分分鐘轉過頭就頒個「安全駕駛獎」畀條碌神)？是否所有資料，包括日期時間、車牌號碼、路線、司機姓名同編號都要全部提供？

謝謝

[ 本帖最後由 mckhgc 於 2012-6-16 00:19 編輯 ]

碌，我而家都覺得算，但綠燈前停真係要不得
對付呢D燈神，o係車頭拍片，影埋車牌，然後一炮三響去運吉、TCU同九巴投訴，講到明已經拍片，要證據隨時有云云

之前有個95司機碌車，碌到同後車一齊返總站，
於是我記低晒日期、車牌、客量、上落車時間、
以及相同時間平時車程比較SEND去TCU投訴，
結果回覆係會召見有關車長同會監察有關車長，
結果有一排搭95真係個個都用較正常快少少既速度行車。
(可惜依家又打回原形了！ )

原帖由 rickywk 於 2012-6-16 00:23 發表
碌，我而家都覺得算，但綠燈前停真係要不得
對付呢D燈神，o係車頭拍片，影埋車牌，然後一炮三響去運吉、TCU同九巴投訴，講到明已經拍片，要證據隨時有云云 ...

如果要針對盞燈
無記錯交通法例只係有針對衝黃燈，衝紅燈
好似無「不依交通燈號行車」，但行人有類似「不依交通燈號過路」
否則綠色停車其實都算「不依交通燈號行車」

不過，雖然如此
其實綠燈停車
我覺得同無啦啦於無壞車或特別事故既情況下，o係條大馬路停o係路中心係無分別
就正如你在任何一條街停架車於路中心唔郁，其實係構成阻礙路面一樣
唔計停車場、停車位、巴士站之類既合法停車設施，香港法例對於一架車無啦啦停路中心，應該係有得捉，但實際條文要留待高人解答
就算唔係高速公路，要停車，唔計巴士站／泊車位，要o係非雙黃線/非單黃線禁區時間停埋路邊先唔算違法

另外我記得法例230 章公共巴士條例唔記得邊條
有講巴士車長「不得無理耽誤巴士行程」
但咩野叫無理、咩野叫耽誤就無詳細定義
但我相信一般渣得慢係告唔入的，講句「安全」就告得甩
反而停綠燈就唔知，因為綠燈停車明顯唔係一個「安全」可以辯解既行為，後面 D 車唔會預你停車，其實更危險


最後講受少少個人意見
其實如果果盞燈有白鴿籠，我唔會對停綠燈既情況太反感，因為一影相就扣５分，衝兩次就扣分10分講拜拜
但如果係唔係都停綠燈，仲要係停左幾秒都未轉燈，咁又似乎有 D 過份，一黎會打亂班次，二黎會影響車務運作

原帖由 dennislokawai 於 2012-6-16 01:55 發表
之前有個95司機碌車，碌到同後車一齊返總站，
於是我記低晒日期、車牌、客量、上落車時間、
以及相同時間平時車程比較SEND去TCU投訴，
結果回覆係會召見有關車長同會監察有關車長，
結果有一排搭95真係個個都用較正常快少少 ...

MP7482 戴太陽眼鏡嗰個 ?
落斜可以係慢慢碌，見佢都怕怕

282的極品司機又豈止佢一個丫
仲有一個專做平日下午的司機(沙田市中心開1727, 1757, 1830....)
成日都差唔多夠鐘先埋位開門俾人上車, 但係總站條龍又長, 結果次次都要遲一兩分鐘先嘗試開車,
但係見到又人走埋黎想上車的話, 就算個車頭抽晒出去都會停車俾人上車,
結果最後就遲三、四分鐘先真正開車
對於7-8分鐘一班的282黎講, 就變左前車滿座，後車吉車，去到富圍樓時就前後車拖卡.......

原帖由 petcity 於 2012-6-16 11:00 發表

下，乜282咁多極品司機？成日坐都唔知添

你講個位係退休師傅，不過通常有得揀唔揀佢
唔係佢手車定你講呢個問題，因為通常用細車
收工怕同人逼而已 ...

原來佢係退休師傅, 真係睇唔出.....
不過呢排見佢開2+2 AD, 唔知係咪俾人投訴得多, 話佢開親的班次都頂閘呢

好簡單,碌車碌到拖車就叫站長踢後車部車,碌車個部就一落地就要繼續跑你睇佢仲碌唔碌.根本而家碌車係博私牌.