依部九巴可以卅分鐘"行畢一轉"2A

原帖由 nickk 於 2012-6-17 09:48 發表
九巴開短棍就係為做數，新城開短棍就係為乘客著想，我完全明白了。

原來九巴開左咁多年87D油麻地特車，都係為左做數，唔怪得要取消啦...

仲有，九巴搞牌中途載就係因為車長碌車，新城搞牌就係因為路面塞車。

我不知幾恨係紅隧口等等下107有架九巴搞牌過黎載我。

你可以話質疑尾站起載係為做數，但富豪東方起載去樂華，何以見得呢個舉動完全為做數？

原帖由 kd7941 於 2012-6-17 12:58 發表

仲有，九巴搞牌中途載就係因為車長碌車，新城搞牌就係因為路面塞車。

我不知幾恨係紅隧口等等下107有架九巴搞牌過黎載我。

你可以話質疑尾站起載係為做數，但富豪東方起載去樂華，何以見得呢個舉動完全為做數？ ...

係呢度，九巴做乜都係錯架啦

短棍與假棍的分別

短棍
用車：該線正常用車
出現時間：繁忙時間，或該線本身多人搭的時間
起載地點：有幾種情況，可能係過了塞車路段、客量眾多要分開做、過鐘踢車追過前車、最後分段點等等

例如8X七海起載往小西灣係過了塞車路段；
87D九龍覆蓋面大，油麻地起載係因為正車在尖沙咀佐敦已經滿；
11踢車追過前車到宋皇臺公園起載往九龍站；5C伍華起載係最後分段點；
102紅隧起載往筲箕灣係幾樣都有。

假棍
用車：可能和正常用車有極大差異，如5C整部單層車或12米直梯
出現時間：不定時，和乘客高峰無關，甚至可能係較冷清時段，用以掩蓋本身收車
起載地點：過晒任何可能有較多乘客上車的車站、起載點與總站在步行距離之內

例如5C富佑大廈起載上慈雲山就係假棍，大部分人會選擇行上去而唔係畀$4.6搭巴士，
因此該巴士的出現係無實際作用的，而被拍攝到的車輛也非該線正常用車，
12米直梯行唔到雙鳳街、單層車唔夠載尖沙咀土瓜灣客。

至於2A呢單，我不評論，因為我唔知道佢在哪個車站起載。

以上是據觀察所得，並非精密定義，「假棍」這個做法及名詞是極新事物，
是否存在及是否有規律可尋尚有爭拗，雖然我主觀已經認定佢係造數。
點解佢明燒油都要開架車行幾個站，目的係鑽空子，
等人就算有齊所有證據都無把柄入到佢，
頂多只可以話佢做法有欺騙之嫌，係不道德，但實際上係無違法。

[ 本帖最後由 DIH 於 2012-6-17 13:54 編輯 ]

原帖由 3AV53 於 2012-6-17 12:51 發表
係架，所以咪話，如果開短棍係為左拍卡做數，咁做咩要嘥油遊花園呢？

齋拍卡做數可能會有偽做文書等問題。
行一個站拍卡做數就係灰色地帶，的確係有架車出去做生意，點都有 D 唔同，等於樓上爭論的短棍假棍，法律上分不清最好。

原帖由 tomchen 於 2012-6-17 15:21 發表


齋拍卡做數可能會有偽做文書等問題。
行一個站拍卡做數就係灰色地帶，的確係有架車出去做生意，點都有 D 唔同，等於樓上爭論的短棍假棍，法律上分不清最好。 ...

咁又係解唔通
好似2A咁，就算真係要做數，私落牛頭角上番黎咪得，駛乜山長水遠私出九龍城？

假棍其實都假唔晒，頂多係濫用短棍
其實運吉對短棍愛理不理，如果迫佢理就真係火燒連環船累埋對家

因為以前有議員質問過運吉，問中途起載班次係咪有問題
運吉好曖昧咁答係，又話要跟協議左既服務水平，巴士公司唔可以亂改服務

即係將架車私去中途站開、或者狂開旺角特車，都唔係正規服務

但又估唔到運吉最尾會count呢D特車數先慘，真係運吉自己同自己運吉，比人捉蟲

原帖由 asv2 於 2012-6-17 13:00 發表
係呢度，九巴做乜都係錯架啦

即使有站友講左呢部做完28-03車後,
轉為2A-R21車九龍城起載,
D人仍然係覺得呢班2A係做數, 係九巴o既錯!

冇o既, 咩車行咩字軌係巴士公司自己內部定,
作為乘客認為唔順眼o既, 話之佢係咪編左字軌丫,
插左先算, 反正有言論自由, 呢d野講錯又冇罪o既!!!

我覺得短途車/中途起載唔係問題,
問題係連原本完整班次都維持唔到的時候,
將d車踼晒,我地企係度影相就無乜所謂,
但原本等車的人怎樣?咪等下,
昨日唔只2A,好多車都都私住經過這迴旋處,
咁係代表什麼?

原帖由 cx734 於 2012-6-17 19:09 發表
我覺得短途車/中途起載唔係問題,
問題係連原本完整班次都維持唔到的時候,
將d車踼晒,我地企係度影相就無乜所謂,
但原本等車的人怎樣?咪等下,
昨日唔只2A,好多車都都私住經過這迴旋處,
咁係代表什麼? ...

如果脫班開始出現而唔踢車，只會連帶之後班次都會脫，因為追唔到時間

又，閣下影相個陣，有無其他2A正常車行過?
如果有，問題更複雜，無，即係根本無車返，做唔做呢個礙眼舉動就有商榷餘地

[ 本帖最後由 kay 於 2012-6-17 19:18 編輯 ]

原帖由 HR2174 於 2012-6-17 12:38 發表
我想知 98D 點樣做

晚繁不嬲有正規私牌出尖東
而家將佢地改哂私理工載