依部九巴可以卅分鐘"行畢一轉"2A

原帖由 3AV53 於 2012-6-18 00:27 發表
多謝你示範咩叫稻草人謬誤。
係佢計話私去九龍城可以一單時間行夠3單，所以值得做數，
我先計私去牛頭角可以行夠6單，仲值得做，
你講咩非禮，簡直九唔搭八。 ...

亦都多謝你示範咩叫 fallacy...
我上文有冇講過 "值得" 做數?

原帖由 JU2541 於 2012-6-18 10:55 發表


亦都多謝你示範咩叫 fallacy...
我上文有冇講過 "值得" 做數?

有啲野，冇講出口唔代表冇講既。你計數既潛台詞係咩？司馬昭之心路人皆知。

[ 本帖最後由 3AV53 於 2012-6-18 11:11 編輯 ]

原帖由 superbus 於 2012-6-18 00:36 發表
尋日 2A 出齊車不特止, 仲要加多兩架 R 車, 佢就係其中之一
另外呢架車我冇記錯就係 6 點幾食飯, 如果照正常行車就按唔到時間表食飯
整番幾個短棍配合番食飯時間有乜問題?
真係要做數的話, 學上面話齋, 牛頭角做番上 ...

終於有人企出黎講有數據支持的證據
大家都做左報館的打手槍手和刀手了 =]

原帖由 GNZ9068 於 2012-6-18 13:15 發表

終於有人企出黎講有數據支持的證據
大家都做左報館的打手槍手和刀手了 =]

咁o個班人係咪應該走出o黎道歉呢？

原帖由 ATE24 於 2012-6-18 13:26 發表

咁o個班人係咪應該走出o黎道歉呢？

班人點會丫，你睇上面有個盲目到講話反正我就信了就知。

本人現在為自己唔清唔楚老屈2A架車係假棍道歉。

但九龍公司每日無日無之, 有若干只開一兩個尾站的造數班次,
本人對此強烈不滿, 不予撤回地認為應該譴責。

原帖由 3AV53 於 2012-6-18 13:28 發表
班人點會丫，你睇上面有個盲目到講話反正我就信了就知。

5C 無啦啦整部富祐返上去慈雲山 le o的衰o的講句真係幫唔落手，
私對站變做私對面尾幾個站起載我唔知佢發咩神經，
但係人o地出齊車再加兩部 R 車，想就食飯時間加短棍又係咪咁罪大惡極？
定還是想同大家講：
「o車，有心做短棍點解唔太子/旺角起載……」
又或者：
「使咩你咁好心加多兩部 R 車落去，係就加去o的收o左車o既路線先啦……」

雖然小弟唔係自細開始搭2A, 只係近呢幾年由長沙灣工業區去樂華搭左數十次, 觀察到2A有以下主要客源:
- 美孚/昇悅居/青山道 > 麗閣至九龍城沿線
- 長沙灣/深水埗 > 旺角至樂華沿線
- 旺角 > 亞皆老街沿線
- 旺角/亞皆老街 > 九龍城至樂華沿線
- 九龍城/新蒲崗 > 坪石至樂華沿線(主要去淘大/樂華)
- 淘大 > 樂華

一條線有咁多客源, GT4311已經做到兩個主要客源, 就算沿途有其他2A/28去樂華, 除非刻意暱埋, 否則總會有客上!

無論係咪同意晒以上觀察結果, 粗體字果兩個主要客源真係千真萬確冇呃您!

2A呢條線客量分佈算幾特別, 因為好少路線去到尾段仍然多客, 用返2A本身反方向往美孚做比較,
簡直係天與地. 往美孚過左旺角之後, 有人上亦未必係去美孚, 元州/李鄭屋已經落得七七八八,
同時上車人數唔多, 樂華方向去到淘大都仲有大批人等車上樂華, 同時淘大亦有好多人落車.
-----------------------------------------------------------------------------------------------------------------

用行車路線分析碌車問題, 以平日星期一至五下晝5點-7點為例:

美孚去白楊街用成差唔多25分鐘, 你可以話佢碌車, 但係沿途講緊有超過20組交通燈+12個站,
一條東京街都夠你玩三五分鐘......等人上落, 等轉綠燈, 開快開慢都係同一命運!

去到旺角, 就算唔塞, 人多車多路又窄, 要避呢樣避果樣, 塞起車上黎要塞幾耐, 冇人知,
結果半程車閒閒地就用左40分鐘以上......但係噩夢仲未完結!

亞皆老街至淘大之間繼續大上大落, 等cut線等埋站, 加埋早果40分鐘「被碌」之車程,
冇錯丫, 係有條太子道東擺o係你面前, 但仲有心機飛咩! 諗住入到牛頭角道有返家鄉o既感覺?
Sorry, 問埋果d馬路中心上落客o既紅小, 仲有路邊凸頭凸尾o既死車陣先啦, 咁又要塞一輪!

樓主張相每隔31分鐘影到一次, 假設樂華吉車私世運大概10分鐘, 即係富豪東方酒店返樂華
要用20分鐘(中途起載車計), 咁計落美孚去樂華70分鐘已經算保守, 官方話60分鐘行晒,
講真, 下繁70分鐘都俾少左佢, 係爭在中間D數點擺位!

做GT4311果位師傅唔駛受「被碌」之氣, 揸都揸得放D, 行得快又做到主要客源,
以乘客角度黎講, 俾你搭中部吉車, 已經當自己中左六合彩!

上面用左星期一至五1700-1900做例子, 星期六就要由1300開始計喇!
------------------------------------------------------------------------------------------------

預左俾人話連碌車都幫九巴解畫, 你o係九巴做架?! 定係00062股東?!
乜都唔係, 只係想帶出往樂華方向o既2A做乘客都唔係好好受, 齋睇分段行車時間已經夠嚇人,
都未講埋站要久等呀, 離站時有客要落車/跑出馬路截住要俾佢上車, 落車門叮N咁多下先開得車等濕碎野!
加埋車長延長食飯時間, 環境咁惡劣仲keep到班次已經要還神, 有字軌由富豪東方酒店起載係bonus,
可惜o係本文現身討論o既站友, 受惠唔多(包括小弟本人).

唔好意思, 又試長篇大論!
不過講咁多無非係想站友知多少少樂華方向o既2A係咩一回事, 再自行判斷,
仍然認為呢個R字軌係為做數而開o既, 呢條數又做得有冇價值呢, 請自行判斷!

原帖由 GNZ9068 於 2012-6-18 13:15 發表
終於有人企出黎講有數據支持的證據
大家都做左報館的打手槍手和刀手了 =]

5C富祐起載一回事, 2A富豪起載又另一回事,
只係呢度部分站友早早將5C富祐件事套落2A度講

[ 本帖最後由 EX-TL 於 2012-6-18 13:56 編輯 ]

原帖由 kwyeung 於 2012-6-18 13:40 發表
本人現在為自己唔清唔楚老屈2A架車係假棍道歉。

但九龍公司每日無日無之, 有若干只開一兩個尾站的造數班次,
本人對此強烈不滿, 不予撤回地認為應該譴責。 ...

除左 5C 以外 , 大部分都係原本直接私牌既字軌改做尾站起載者
你可以話入落出車紀錄的確係少少做數成份 (私牌變尾站起載) , 但事實上佢無出少過車