九巴車長總站報到方式及食飯時間計算問題

我見九巴D車長開完一單返到總站(無站長當值)後,
有時會拍卡報到, 有時就會打電話,
請問兩者有何分別?

另外, 九巴計食飯時間會唔會理行車時間?
如果一條線行車時間係一個鐘,
但部車早左十分鐘返到, 咁食飯時間會唔會早十分鐘計起?
現時九巴最少食飯時間係幾耐?
Thks.

如果部車早左十分鐘返到,食飯時間早十分鐘計....咁D Carlo係食飯前果單博命為咩??

其實你諗下，食飯早十分鐘計，佢下一轉車就要開早十分鐘，
咁搞法班次會好難執的，所以技術上不太可能。

早左十分鐘番到 , 如果無特別車務調動都會跟番原本膳後時間開出

有得拍卡既總站，咁咪由拍卡果一分開始計食飯時間；
無得拍卡既總站，就要車長同站長報到，站長根據番電腦既時間，安排番車長食幾耐飯。

編定用膳時間不少於 45 / 60 分鐘，唔係代表用膳時間僅有 45 / 60 分鐘。
如果你早左到既，咁咪多左時間食飯；
如果你過左鐘既，咁就最少有 45 / 60 分鐘時間食飯，食完睇下過鐘過左幾耐，等站長指示係照載定私牌走。
所以，用膳時間係可以多過 45 / 60 分鐘。

現時九巴編定車長既用膳時間分別不少於 30 / 45 / 60 分鐘。
特別車（蛇車）既車長只有 30 分鐘用膳時間；
基本上所有線既正字軌都有至少 45 分鐘既用膳時間；
而有部分線既正字軌係已經逐步落實至少有 60 分鐘既用膳時間。