有四部車泊係總站都會玩脫班?

原帖由 neoplan720p 於 18/6/2012 18:52 發表
回上面的幾位版友：

唔理佢點，佢而家唔跟時間表開車，已經係唔岩。
當然，香港路面擠塞，脫班難免。

但如果明明無塞車，站頭都有哂巴士，但都偏偏唔開，搞到開唔足班次，咁仲要死撐無問題？

我唔理佢巴士總站一架巴士都無，定係有十架巴士泊左係到。
只要佢開足班次，我唔會理，亦唔認為有任何問題。

如果覺得因為車長要食飯，而開唔足班次，係無問題既，咁我都係果句：
祝九龍新界既朋友好運啦！
我無所謂架！

你梗係無所謂啦，你又唔洗返呢份工
如果你係車長，你試下公司唔俾飯你食呀，睇下你有無所謂？
而家唔係覺唔覺得車長要食飯，而係車長係要食飯既，做 7 - 1X 個鐘唔洗食飯既咩？
咁而家個車長去左食飯，又無 d 頂食飯既車長，咁部車擺係到抖有咩問題先？
（長途線有 L01 車長頂食飯既，我諗車長就要跳飛機。好多車長係因為跳飛機令到佢地轉轉都要適應過部車，所以先唔鐘意）

照睇樓主既情況，
可能係九巴編定左 KC3555 當日行既字軌，返到欽州街總站食飯，之後開 2202。
不過，可能 KC3555 位車長因為塞車 / 碌車而攪到食飯唔足時，咁就食飯之後要私走，
所以站長就要調整番個班次
（其實係咪跟足開番 15 - 20 分鐘一班都重係問題…）
（唔好同我講 d 車長食飯唔足時，之後攪到班次有所調整都係九巴既錯。錯在請左 d 碌神？）

講起碼頭線就想問
密D短D果條線呢
話就話開4-8
有幾年係4-8時段總會見到開10分鐘一班車
又或者未夠鐘開8-10就早左拉疏遲左加密
總站一樣起碼四架車係到架

*至於同一時段 路線甲睇落冇乜甩班 但係成個站車都冇架照樣唔使甩先好野

原帖由 neoplan720p 於 2012-6-18 18:52 發表
回上面的幾位版友：

唔理佢點，佢而家唔跟時間表開車，已經係唔岩。
當然，香港路面擠塞，脫班難免。

但如果明明無塞車，站頭都有哂巴士，但都偏偏唔開，搞到開唔足班次，咁仲要死撐無問題？

我唔理佢巴士總站一架巴士都無，定係有十架 ...

班次唔足就係唔啱架喇
但係因為咁就要玩到d 司機冇飯食 冇尿痾 冇得抖
你準備定第日冇車搭啦
d咁既工 邊個同你返呀

你呢d說話完全係不負責任
仲話上黎italk喎
巴士迷喎
巴士迷都咁諗野
唔怪得巴士迷都話巴士佬唔好做

巴士迷都講d咁不負責任既野
同d完全唔識巴士運作既咸魚有咩分別呀?!

原帖由 homanbean 於 2012-6-19 01:35 發表


班次唔足就係唔啱架喇
但係因為咁就要玩到d 司機冇飯食 冇尿痾 冇得抖

佢可能諗住叫d 車長唔好食飯住, 開左車先
一係食食下飯叫佢地返黎開車...

食九個字飯姐...都咁陰公

同樣情況我都試果。有一我去鑽石山坐671，我明明1547到站等1554開果班，等好耐結果站長話果日無1554，要我等1610城巴果班.

原帖由 neoplan720p 於 2012-6-18 18:52 發表
回上面的幾位版友：

唔理佢點，佢而家唔跟時間表開車，已經係唔岩。
當然，香港路面擠塞，脫班難免。

但如果明明無塞車，站頭都有哂巴士，但都偏偏唔開，搞到開唔足班次，咁仲要死撐無問題？

我唔理佢巴士總站一架巴士都無，定係有十架 ...

一陣個司機餓到暈出事又點算？
你又試下你老板要你收左工先食飯又得唔得？
講就易架咋，但實際上點做
十個煲九個蓋，點樣？
怪就怪巴士公司度叔
唔肯請多啲人返嚟做嘢姐
咁唔通為左服侍你呢類乘客而犧牲司機食飯時間？

你地有無睇清楚我講咩架？

我而家無話唔俾足夠時間司機食足飯。

我都打過暑期工，都知道辛苦，都知道休息既重要性。

我而家只係針對緊巴士公司既制度，絕對無唔俾人食飯既意思。

請唔好再混淆視聽

要九記全面轉晒跳飛機似乎比較難
但盡量搵多 d 人頂食飯
或者盡量安排相若車型行同一路線
跳飛機得黎起碼渣得翻相似既型號同埋都係個一兩條線
會唔會較易推行？
如果日日都跳幾條線 (重要係服務範圍相近既線) 或者操作上有一定差別既車
九記車長做左咁多年 (不過而家都應該愈黎愈少舊人喇) 叫人一下習慣唔係唔得，不過唔公平姐

望著一堆車但唔係開既的確幾痛苦
有少少諗起中巴年代去親各大巴總永遠都擺滿巴士既情景

其實我諗極都諗唔明點解樓主一定要去返欽洲街上車?
係原站可以叫59A/59X兩飛喎

原帖由 新手 於 2012-6-19 22:00 發表
其實我諗極都諗唔明點解樓主一定要去返欽洲街上車?
係原站可以叫59A/59X兩飛喎

住美樂既咪可以死等59A囉