寫俾大陸人既...

原帖由 DK704_3N133 於 2012-6-17 14:17 發表
英國各地都有唔同乘車文化
搞唔懂的話, 任何一個人都會玀一次

最常見係機械式跟著時間表做人
對正豬紙上面各個大站既定時點開車 (好多司機索性放張過左膠既功課紙係標板方便跟著黎開車同調較分段)
對正司機位售票機個時間黎開
心地好會等埋追車客，但見過絕大部分係閂緊門時追到門口都被拒諸門外，不論個客係白鬼黑鬼定黃種，大人定留學生
(但個人對黑鬼/非白鬼/非亞裔司機印象特別好，個個都超級肯去、爬頭攝位樣樣齊但仍然安全，而且好似心地較好)
通常該可憐乘客只會垂頭喪氣行埋一邊等下一班，鮮有破口大罵或者打電話投訴，香港人個套文化出到去只會自己出醜
上 Bus and coach forum (版友同版主大部分係英國巴士司機) 見佢地都講即使自己平時搭巴士都從來唔追車
明知通行司機包括自己都係夠鐘即開，追車都當睇你唔到


有 d 大城市甚至有稽查全日來回唔同車站檢查巴士跟唔跟定時點開車，打大打細都要嚴徵
個人見過例如 Manchester、Glasgow 等此種政策既地區，大部分巴士司機都係黑口黑面 d
(其實正如九記司機通常都特別無表情咁，樣樣都俾人管著晒，擺到明同員工敵對咁款，班伙記自然唔會同你客氣 )
今年唔知係咪 First 轉左政策，嚴打逃票/假飛/冒認 bus pass，幾乎去到邊個城市班司機都勁嚴肅拎起你張飛驗屍咁驗
其餘幾間大集團 Stagecoach、National Express 呢 d 都係望一望就俾你過


有 d 麻煩係全英國似乎得翻倫敦係香港個種雙門制，上車拍卡或者車站買定飛上車 (部分周邊地區好似都可以上車買飛)
但倫敦係英國曬命區，曬完 d 車自然會順序向著每個郡一、二、三線城市丟落去
有 d 地方都還好，批車改裝好封翻度中門先再出黎行 (全英國其他地區都係頭門上落)
但有好多無錢改裝既係保留中門甚至三門 (例如掛接)，連告示都無張，甚至連車身用色同車內標語都重係倫敦野
不過當地乘客似乎知道第二三度門永遠都唔會開，落車自動識去翻前門
好彩搭親呢 d 車都唔會行到車尾，陣間到站先知尾門唔開，跟著成架 18米掛接車個個望著你急急腳由車尾跑去車頭就出醜


呢邊規矩 (都唔算規矩，係基本禮儀) 係先讓乘客落晒車先上車 (哪怕度門夠闊同埋上落車乘客都好瘦)
但不明文規矩係到站先起身行落車 (大城市除外 )；有時係車站睇著已經落左幾個人，跟著上車
即刻會俾司機叫著，一睇原來有幾個拎著重物或者行得慢既隔左幾秒先係座位起身落車 (好普遍)
次次都搞到好尷尬，擔心俾人誤會黃種人無乜文化要爭先恐後上車

(落完人兩秒無人就上車架啦，有時視線受阻根本望唔到重有人搞咁耐都未落車，或者該站一向好少人落車)


另外英國好似大部分城市 d 巴士站都係市政府起既，所以每個城市入面站牌都一式一樣
偏偏 d 巴士公司做一半唔做一半，有 d 站就貼晒路線貼紙同豬紙
無豬紙都算，好多市中心以外既站連路線貼紙都未有，有時都唔知個站係停 coach 、停部分路線、全部巴士都停、只限落客定只限上客
就算有路線貼紙，好多時 d "平行路線" 例如新巴 38/42、4/4x、九巴 38/40p/42c、城巴 77/99、6/6a/6x、73/973 之類
個站只會有呢組路線既其中一條線貼紙，原因好可能係早年重係一條線過，未有分支或者相近路線
又或者改線 / 摺線時又唔搵人摵走 d 路線貼紙 (個人見過成條線五年前大改後至今巴士站都未移除路線貼紙
但明明該處係大學校園既大站黎，附近幾條線五年間走線同車站位置重組過幾次都可以完全忽略左唔摵走 d 誤導人既舊資料)
結果大家或會係今日既華富一帶重見到 38/38a 路線貼紙，但大家心裡有數知道呢個位係等 42、38 唔再兜華富、38a 已執笠
或者係龍翔道見到個站只寫著 42c，不過司機/乘客/巴士公司有共識係 38/40p 都會停呢度上落客咁
亦有可能係紅隧口得個站牌，一向大家都平安無事，但終於有一日搭 182/109/171/88R 呢類線截車/禁鐘唔停先發覺個站位唔係度


而英國又好似無硬性規定 (倫敦可能有) 車側同車尾要有路線牌
基本上去到任何大城市，除左電牌車 (但電牌可能比香港個 d 更矇都唔修理，或者唔岩 size 出唔晒 d 線搞到人隨時搭錯車都唔理)，
其餘攪牌車可以唔使攪牌、攪公司 logo 甚至牌箱油白/油黑左而完全無任何野展示路線，但當地人又無幾可會搭錯
即係銅鑼灣鬧市整架車尾得城巴 logo 咁停係興利中心，但似乎無人會搭錯車，唔會有人以為係 72 然後嬲爆爆問司機做乜上左鴨橋之類


全英國大部分地區路線收費都唔會寫係豬紙上面，甚至官網列出黎個價錢都複雜到喊
有時都唔知自己應該買邊種飛或者跟邊個收費網 (劃一收費) 黎買飛
單程貴過來回都算，全世界各大公交都有此情況，但好多時反而全日飛只比來回貴少少甚至有機會重平過一張來回
但全日飛有時再分單一收費區或者誇著相連城市既收費區黎計錢，官網/豬紙/車身廣告上面列明收費永遠都唔講清楚或者過晒時
偏偏又唔係個個地區都容許找錢，買錯貴飛都算，遇著上車先發覺該公司不設找續，真係全車人因為你而停車等你摷夠錢先再出發


係大英祖國既倫敦 / Manchester / Glasgow / Birmingham 呢 d 可以搵翻昔日搭巴士既應有步驟
係呢度發覺班司機比香港更常夾埋幾架車玩 AB 站，或者渣著 d 通常少客既線飛站/停埋一邊上落避開 d 大流水線，
上落完即刻抽頭走，生客如果以為個站牌係度就奉旨有車搭就往往俾人飛站飛到傻晒
即係港島區想係太古以西、銅鑼灣以東搭去北碼既車，或者享用隧巴港島分段車手服務
咁多年"行規"都係自己截車或者快手走去站尾追車，永遠 d 10/19/38/42/63/82/85 同埋隧巴都係停埋一二邊放客然後極速走人
唔咁做真係天黑都未必上到一架 (可惜新城舊年開始倒退到將北碼/隧巴線站位慢慢拼翻入其餘港島流水線度 )

[ 本帖最後由 HW8373 於 2012-6-19 14:22 編輯 ]

原帖由 lmf3927 於 2012-6-18 13:11 發表
回復 2# 的帖子
北角站嗰啲 27 529 更是不用說...
一到站總有些人會暴力打尖...
(企在友成出面都當排隊 )

回復 6# 的帖子
試過北角站等529,咁啱落雨
就企埋一邊等
前面架41A一走,見到529 急急跑過去(B3嗰個 ...

529師傅普遍較27既急
要預早遞手呀!

原帖由 HW8373 於 2012-6-19 22:17 發表



最常見係機械式跟著時間表做人
對正豬紙上面各個大站既定時點開車 (好多司機索性放張過左膠既功課紙係標板方便跟著黎開車同調較分段)
對正司機位售票機個時間黎開
心地好會等埋追車客，但見過絕大部分係閂緊門時追 ...

好多時倫敦司機離站一兩部車位開左門之後
再有人遞手都唔會停
直接開車走
最弊都係中途短棍多
極易上錯短途車

你係咪講緊我 ??

但我依家起大陸
駛唔駛貼 D 相出黎 ??

大陸站站停......係因為大陸好多城市都係由市中心開始向外發展
唔似香港咁打散哂
所以好多路線都係流水線

原帖由 zto305 於 2012-6-19 20:38 發表
唔使講幾年前, 而家都係。
大城市講求節奏, 冇上冇落故然飛,
前面話大陸站站停似乎好耐冇返大陸行過...

你定係講緊我??? 我早兩天先在深圳坐巴士, 洗唔洗下次錄埋片比你睇?!

你偏袒大陸中共你有你的自由, 但自己唔清楚大陸大城市巴士運作就唔好亂說, 以免發布虛假訊息觸犯板規啦!

原帖由 zto305 於 2012-6-19 20:38 發表
唔使講幾年前, 而家都係。
大城市講求節奏, 冇上冇落故然飛,
前面話大陸站站停似乎好耐冇返大陸行過...

最怕Ｄ人望住架車似搭唔似搭嗰D，等部車過咗三分一先揮手(鬧)，揮一揮手唔係好使用力啫吓話。

ps:明明車頭有兩張貼紙，一張簡体中文，一張係外語，樓主係要講"寫俾大陸人睇"，點解又唔講"寫俾外國人睇"？

原帖由 blueblue 於 2012-6-20 09:46 發表
你定係講緊我??? 我早兩天先在深圳坐巴士, 洗唔洗下次錄埋片比你睇?!

你偏袒大陸中共你有你的自由, 但自己唔清楚大陸大城市巴士運作就唔好亂說, 以免發布虛假訊息觸犯板規啦!

...

我都對有人話大陸大城市巴士唔係站站停深感奇怪....
究竟係我十日無坐過過大陸巴士 out 左，定係點呢？

係英國, 除左倫敦基本上d 巴士你唔遞手就一定唔會停....
前後車一齊來, 你諗住後車多位坐, 揀上後車個司機會鬧你 (我試過..)

係香港的確係多左人搭車唔遞手 .. 由其係無咩其他客等車既時候..

其實要按鐘遞手問題係香港個制度唔同 (唔一定係好啲)，
大部份巴士站都唔係必停站。
如樓上所言，顯然係由英國學返來。

但大陸啲市區巴士基本上係要站站停，
唔好話大陸人，俾着我都「老奉」咁唔遞手啦。

原帖由 zto305 於 2012-6-19 20:38 發表
前面話大陸站站停似乎好耐冇返大陸行過...

看來你真係要返大陸行下了，近近地去深圳坐市內巴士，睇下現實係咪咁
上星期我在深圳坐223線，在香港坐慣巴士的我見架五洲龍雙層巴士站站停等埋站，
心裡又真是有點不習慣，但事實上國內的市區巴士線，基本上都會站站停的。

至於香港人唔識遞手截巴士的問題，基本上一直都有唔少人覺得巴士老奉會停，
見過好幾次在維園巴士站有人等2X/8P去東區，好多人以為呢類大線一定會埋站/有其他乘客遞手截，
點知司機見無人遞手就唔停飛站，班客就見架巴士過晒站先識得遞手，比我係司機都唔會停比你！
另外落車又係，好多香港人會覺得巴士一定會停某某熱門分站落客，例如試過一次在早繁坐307出中環碼頭，
部AVW去到永吉街分站車長見無人襟鐘落車，之後飛站直去三號碼頭，車上約10名西裝友乘客醒覺，
有些更"問候"該車長，車長就答「都無人襟鐘話要落車」，有幾個仲即時打上九巴投訴，我事後亦肯
幫位車長做證話根本係班客無襟到鐘，以為巴士一定會埋站落客(個車長仲同我講西裝友通常比藍領更野蠻更唔講道理...)。

至於論香港人素質問題，近十年香港人素質真是每況愈下，夜狼自大, 不願自我檢討和自視過高的心態等等方面
真是有很大的進步空間。例如有時小弟在近至大陸/台灣遠至歐洲旅遊時，香港人很喜歡"高談闊論"，
特別是在外地一些較高級餐廳用餐時，小弟通常一聽見廣東話就會要求坐遠d，可能因為咁，小弟一向
都對香港人熱門旅遊國家/地區唔太有興趣(例如日本泰國)，就係怕遇上太多"香港同胞"，

當然內地人素質，有更多的進步空間，不過素質差的內地人太多，有時想避都避唔到，香港人就較"易避易認"

[ 本帖最後由 volvo_chan 於 2012-6-20 23:27 編輯 ]