唐唐爆CY:香港終有一日要出動防暴隊(講得出做得到?)

這幾天無暇關注香港事務, 今日在facebook "港澳新X代視訊頻道"見到一張圖

(http://  a7.  sphotos  .  ak  .  fbcdn  .  net  /  hphotos-ak-ash3  /  s480x480  /  600818_402887493091547_1960397149_n.jpg  ),

(不直接轉載, 自行除去空格)

起初以為有人做馬, 再看看6月16日的東方日報(http://orientaldaily.on.cc/cnt/main/20120616/index.html), 當堂大吃一驚!

連一向被視為左報的報章都甘樣描述, 看來可信性甚高, 不是吹水, 共軍像是有系統有規模地"入侵"香港.

似乎香港"淪陷"十五年有機會變成"坦克轆豬"事件香港版.
唐唐當時爆"狼"的言行估不到甘快來臨了.....

大家一於不害怕鐵腕強權, 七一上街吧!

==============
quoted:

解放軍增援 裝甲車隊入城

今年「七‧一」特區政府換屆，國家領導人來港主持交接儀式，但香港出現複雜的形勢，而李旺陽事件帶來的衝擊又難以估量，示威遊行的失控危機陡增，北京方面高度重視嚴峻局面，已部署重兵防備。據悉，解放軍駐港部隊已進入一級戒備，前晚由惠州秘密調動裝甲車隊來港，作為震懾力量「維穩」。該支車隊昨日凌晨在新界北的高速公路突然曝光，至少有四個功能的車種，包括罕有地出動工兵推土車，可掃除路障及阻擋衝擊。此外，另一支裝甲車隊昨晚驚現佐敦，駛往昂船洲軍營。

[ 本帖最後由 blueblue 於 2012-6-18 15:30 編輯 ]

其實有趣的是, 蘋果反而只是正常報導, 無好似東方咁吹到咁大...

http://hk.apple.nextmedia.com/news/art/20120616/16431724

而東方這句亦是好笑:
"罕有地出動工兵推土車，可掃除路障及阻擋衝擊。" 講真, 一部咁的工程車,
唔駛國內調黎, 香港都有大把la, 講到一定同對付示威有關咁 @@

講真, 香港警察, 如果真係要對付示威者, 仲有大把武器未出, 包括當年WTO
所用的....依家來來去去最多都係鐵馬同胡椒噴霧, 連盾都少見, 警察自己都唔敢
用太多武器以免引起反彈, 大把野都未出, 仲點講到要出到解放軍咁誇張丫

其實唔係話唔好有戒心, 但我覺得都要有理性思考, 唔好見到D軍車就自己驚定先,
或比某D傳媒吹兩吹就睇到好嚴重..好得人驚

"共軍像是有系統有規模地"入侵"香港.", 講真, 15年前已經"入侵"左ga la, 關咩事丫...

<<東方日報>>這篇頭條文章真是胡說八道, 唯恐天下不亂!

除非連香港警方都完全無法維持香港本身秩序(如戰爭), 否則香港特區政府都不會要求解放軍幫助的.

原帖由 hkth 於 2012-6-18 20:02 發表
這篇頭條文章真是胡說八道, 唯恐天下不亂!

除非連香港警方都完全無法維持香港本身秩序(如戰爭), 否則香港特區政府都不會要求解放軍幫助的.

有時唔一定, 根據所謂的"基本法", 特首是可以要求解放軍出來平亂的!
所以"狼英"是可以行這一步!

試想想左報平日擦中央鞋都敢甘寫必有因, 可能(1) 中共想借佢警告香港人, (2) 真係打算用共軍整頓香港.

原帖由 blueblue 於 2012-6-18 21:28 發表 有時唔一定, 根據所謂的"基本法", 特首是可以要求解放軍出來平亂的!
所以"狼英"是可以行這一步!

試想想左報平日擦中央鞋都敢甘寫必有因, 可能(1) 中共想借佢警告香港人, (2) 真係打算用共軍整頓香港.

就算條文這樣寫又如何? 難道閣下認為候位特首就會隨便使用此條文所賦于的權力而胡亂使用麼? 別想得這麼天真好麼?

此報章真的以為自己是中央的意旨, 本人真的對此一笑置之, 可信度甚至比<<大公>><<文匯>>還要低.

講講下, 其實早起 2005 年世質第六次部長級會議起香港舉行,
當年一直都謠言傳解放軍起後面已經 stand by, 甚至話港府向駐港解放軍要求協助,,,
當時唔小立法會議員都相當關注呢件事,
就算你而家起 Google 得幾個搜尋字眼都可以搵到部份文件出黎 ~

e.g. http://www.legco.gov.hk/yr04-05/ ... inutes/se050503.pdf

呢件事上面, 已經可見解放軍其實早就已經有哂應急計劃起緊急情況下要起香港土地上執行指令,
(即係我覺得有時有 D 野, 唔會無啦啦會傳出來, 每樣野都有前因後果) ~

不過點都好, 解放軍究竟會唔會出動, 最終決定權都係起阿爺手上
根本就唔到香港話事 ~
===================
另外, 唐唐爆振英呢單野,
我始終認為唐唐就算低能極都唔會咁樣引火自焚,
基本上粱振英有又好冇又好, 起部份香港人心目中成信早就破產 ~

原帖由 AVD1 於 2012-6-19 09:15 發表
呢件事上面, 已經可見解放軍其實早就已經有哂應急計劃起緊急情況下要起香港土地上執行指令,
(即係我覺得有時有 D 野, 唔會無啦啦會傳出來, 每樣野都有前因後果) ~

其實解放軍本身係香港的正式駐軍, 唔通真係只黎渡假, 只搞開放日親民咩,
唔好話有大事件, 佢地本身平時stand by, 有一D特別應變計畫, 包括反恐,
一D都唔出奇, 你話無我先覺得奇怪, 而佢地係香港o既駐軍, 有應急計劃當然
係計畫起香港土地上執行指令la, 唔通香港駐軍會上廣州執行指令咩.....

我都係咁講, 由1984年中英聯合聲明開始, 己知道香港要回歸, 由15年前,
香港正式回歸一刻, 已經有解放軍入城駐守, 基本法有關條文亦一直有係度,
其實本身係好正常的事, 佢地黎亦唔係只是做樣同玩, 相信大家一直都好清楚,
我真係覺得唔駛咁敏感

粱振英本身我都唔係太信佢, 但公平d講, 佢當年點講"防暴隊"都好, 都應該係
講緊香港警方的"防暴警員", 又未拉到解放軍身上

事實上, 香港警察機動部隊PTU, 本身就係以防暴為目的成立的, 理論上, 香港一直
都有stand by 的"防暴隊", 可以快速出動

試問全世界有咩保安部隊/軍隊, 係完全無人STAND BY 同無應變計畫o既呢?

唔怕再講, 今年71, 係會有國家主席到港, 比往年更大件事, 駐港解放軍有所調
防準備, 及有一定計畫, 其實都好合理吧....唔好只睇到佢地只係針對示威la

[ 本帖最後由 3ASV196 於 2012-6-19 10:27 編輯 ]

我諗大家都應該估到，胡總出沒同七一遊行應該沒有時地重疊，
遊行遊成點，都唔會遊到胡總面前，遊行本身對胡總人身安全或政治安全並無威脅。
解放軍都應該只係一般佈防，因應胡總來臨而加強保安而已，無論佢去邊都一樣，
唔好忘記香港尚有法輪功藏獨疆獨台獨等等比一般香港市民和平遊行更有威脅性的人士，
相比起來港人遊行濕濕碎啦，當日係假期更有大批菲律賓人放假在中環休憩添。

條文這樣寫, "特首"就有權用, 有什麼天真唔天真? 難道你天真到真係以為共軍駐港只係為每年搞開放日? 武器是比人拍照?

原帖由 hkth 於 2012-6-18 22:43 發表


就算條文這樣寫又如何? 難道閣下認為候位特首就會隨便使用此條文所賦于的權力而胡亂使用麼? 別想得這麼天真好麼?

此報章真的以為自己是中央的意旨, 本人真的對此一笑置之, 可信度甚至比還要低. ...

原帖由 DIH 於 2012-6-19 10:31 發表

唔好忘記香港尚有法輪功藏獨疆獨台獨等等比一般香港市民和平遊行更有威脅性的人士，
相比起來港人遊行濕濕碎啦，當日係假期更有大批菲律賓人放假在中環休憩添。

話雖如此，但係無論解放軍南下，
針對對象到底係全港巿民、遊行人士定係法輪功/藏獨/港獨都好，
無論最終係擺姿態定係standby，最終效果都係一樣……