建議停板公告需附有犯規原文

ref: http://www.hkitalk.net/HKiTalk2/viewthread.php?tid=694589&;page=15#pid2528648

對於一d 無比人引用ge 犯規文章, 其他板友難以追查.
故建議停板公告需附有犯規原文(粗口或涉及私隱者可以刪去).

似乎admin48對板友請求視若無睹
明明有登入
但都唔回應一下，好似唔係咁好

而且觀乎其他板主
都冇好似admin48出通告出得咁求其
其他板主至少都解釋下犯規理由
但admin48真係如無線新聞咁是是旦旦

如果判決書寫得清楚詳細, 便無需要貼返原文, 始終都係違規文章, 唔應該讓佢繼續 "遺禍", 尤其罵戰或者攻擊他人那些, 要令文章消失來停止文章繼續侵犯他人和令人不安。當然要 "判決書寫得清楚詳細" 係對板務人員一個更高的要求。

原帖由 syp 於 2012-6-19 20:35 發表
如果判決書寫得清楚詳細, 便無需要貼返原文, 始終都係違規文章, 唔應該讓佢繼續 "遺禍", 尤其罵戰或者攻擊他人那些, 要令文章消失來停止文章繼續侵犯他人和令人不安。當然要 "判決書寫得清楚詳細" 係對板務人員一個 ...

唔係要板主寫萬字書
而係要佢唔好求求其其寫只犯左邊條站規
都用番一兩句寫番犯規板友嘅犯規理由
咁都叫高要求？你嘅高要求定義未免太低啦啩

你被人抄牛肉乾，差人都寫你衰邊樣啦巧話？

閣下唔知有冇比較過admin48同其他盡責嘅板主個停板通告未？
如果你覺得admin48果隻求其寫嘅停板通告係無問題
咁寫多少少果啲嘅板主係咪就係多餘？

原帖由 sea1986 於 2012/6/20 02:27 發表
唔係要板主寫萬字書
而係要佢唔好求求其其寫只犯左邊條站規
都用番一兩句寫番犯規板友嘅犯規理由
咁都叫高要求？你嘅高要求定義未免太低啦啩

想問一下, 我嘅意見同你以上嘅要求有什麼衝突的地方? 我認為判辭應該 "清楚詳細", 你要求 "唔好求求其其", 根本就係講緊同樣嘅嘢。

同埋我話 "要求高", 但我冇講過話要求高係唔啱, 我文中邊句令你覺得我話唔應該要求高呢?

你被人抄牛肉乾，差人都寫你衰邊樣啦巧話？
閣下唔知有冇比較過admin48同其他盡責嘅板主個停板通告未？
如果你覺得admin48果隻求其寫嘅停板通告係無問題
咁寫多少少果啲嘅板主係咪就係多餘？

我文中唔知又有邊句令你覺得我認為 admin48 的通告無問題呢? 我根本就冇提過佢篇通告。

我一直回應緊樓主提議嘅違規文章原文保留係可以以 "清楚詳細" 嘅通告取代, 我從來都冇提過連 "清楚詳細" 都可以唔需要或唔應該, 更加冇評論過 admin48 的通告是如何, 唔明你無啦啦發什麼炮。