中午等215x等左半個鐘算唔算耐?

今日大概13:10 係藍田地鐵站對面個站等215X 返POLY
心諗搭215X 好過搭14行過去啦
點知等極都冇, 期間差唔多條條線都來過兩架車或以上
據統計, 來得一架車只有
14C
15A
606
671

89D, 42C 都有3架行過....
結果我到13.35先有車上

上左車仲要成車都係人, 上下層夾埋先得幾個位坐........
等車途中, 見到兩架私牌215X行過, 成個站D人都望住架車走

甩班搞到要私牌走 ?

時間表: 4-9分鐘
你等咗25分鐘
直頭可以去呢度投訴啦
http://www.info.gov.hk/tcu/chi/complaint/index.htm

交諮會既交通投訴組?
恕小弟見識唔廣，真係未聽聞過...
不過想問各位站友知唔知道，呢個投訴組係唔係有料嫁?
例如寫左投訴有冇回音?
會唔會真係同有關機構溝通下咁?
事關我都有D野要投訴下?(又係九巴 )
唔該曬

我次次投訴完一定有回音
而改善都會有,但只限短期

個人認為交諮會交通投訴組已經係最好既投訴渠道..
我每次反映佢都有回覆
如果係較複雜的case 佢會先話俾你聽已接獲你的個案
因要作深入調查 有結果就覆你咁

若果好似師兄你既case, 佢地會翻查當日車務紀錄
show埋個時段內幾點有車開過同埋有冇過鐘..
不過好多時都係話.."因當日XX路/XX隧道交通擠塞, 原定XX:XX的班次未能按時開出..獲安排直接到XX站/返回對站開出.."

唔該曬!!
有回音都好過冇啦...
同九記、運吉處投訴簡直係浪費人時間
但願交諮會堅有料到啦，回應下我地呢D小市民既訴求!!