【舊聞】元朗→佐敦加到20元

有時小巴係自己打到自己冇客ga ja……

上左車，去到富泰, 置樂, 黃金海岸又要停幾分鐘等客，俾你o係車度你都燥啦！而且仲要用超速(性命)黎換番等左既時間。又唔快又貴，所以……52X兜欽洲街西都冇咁嬲啦……(況且而家唔使兜添)

o係怡閣苑等車成日有紅色小巴「聊」排緊隊既乘客$10搭去深井，但通常三十個人先會有一個人show佢地……價錢可以話同九巴一樣(未加價前係一樣)，但點解乘客都唔會上車？相信小巴自己要檢討一下原因吧…

原帖由 lsc04d11 於 2012-7-2 18:22 發表
有時小巴係自己打到自己冇客ga ja……

上左車，去到富泰, 置樂, 黃金海岸又要停幾分鐘等客，俾你o係車度你都燥啦！而且仲要用超速(性命)黎換番等左既時間。又唔快又貴，所以……52X兜欽洲街西都冇咁嬲啦……(況且而家唔使兜 ...

幾分鐘就濕碎喇，未有欖隧前試過水邊圍半小時，置樂又幾個字

原帖由 EH2674 於 2012-7-2 21:41 發表

幾分鐘就濕碎喇，未有欖隧前試過水邊圍半小時，置樂又幾個字

我又唔明，明明都入左線跳齊一車直飛唔好咩

佢地班友就真係成日半車人呆等，我都好火.....

黎D老牌線都唔夠人地新線Smart....抵佢做唔住

憑我乘搭元屯線、屯元線、元佐線、佐元線、旺元線的多年經驗，看出這五條紅小路線的營運情況：
1. 元屯線、屯元線在日間佔優，但在深宵卻是元佐線、佐元線、旺元線佔優，這導致元屯線、屯元線的司機在深宵時分有共識地暫停服務，避免乘客等太耐才開車。
2. 在深宵時分，往元朗方向的客量比往佐敦的客量多不少。
3. 旺元線的服務時間大致是根據新填地街總站附近那個綠色類別的禁區牌而定。
4. 只考慮深宵時分往元朗方向，旺元線遠比佐元線佔優（始終旺角在深宵時分都是重要的交通中心）。
5. 最有趣的是，元佐線在早繁時間仍然佔優。因為我發現在早繁時間絕大部分元佐線的小巴都是刻意在富泰邨打爆後才出佐敦，而且車上絕大部分乘客都是去到荃灣才開始有落（難度他們不嫌日間的元佐線貴嗎？）。

[ 本帖最後由 doraemonpaul 於 2012-7-3 11:20 編輯 ]

原帖由 doraemonpaul 於 2012-7-3 11:17 發表
憑我乘搭元屯線、屯元線、元佐線、佐元線、旺元線的多年經驗，看出這五條紅小路線的營運情況：
1. 元屯線、屯元線在日間佔優，但在深宵卻是元佐線、佐元線、旺元線佔優，這導致元屯線、屯元線的司機在深宵時分有共識地暫停服 ...

旺元唔記得左仲係咪夜晚10點後兩個站頭..

原帖由 阿Dee 於 2012-7-3 12:11 發表
旺元唔記得左仲係咪夜晚10點後兩個站頭..

我試過有一次在夜晚9點幾經過旺元線的站頭，發現旺元線已經正在營業中，雖然這段新填地街仍未泊滿了旺元線的紅小。

無他的，因為這段新填地街設立了綠色標誌柱的禁區牌，而且大家都知道設立了綠色標誌柱禁區牌的地點在下午七時至上午八時這段時間並不是禁區，因此造就了旺元線提早在晚上開工。

凌晨之前的佐元線和旺元線仍然頗為好客，因為佐敦或旺角與由麗城至置樂一帶的其他交通工具極之不便，而且由於佐元線和旺元線是直鏟西九龍走廊（注意途經元洲街往元朗的紅小只是屬於公海線版本），因此對比那些要經過彌敦道和長沙灣道上落客才上快速公路的巴士，佐元線和旺元線仍有一定優勢。

[ 本帖最後由 doraemonpaul 於 2012-7-3 21:17 編輯 ]

原帖由 victorwong888 於 2012-7-3 22:34 發表
如果屯門公路轉車站開通，
九巴開通經深井來往尖沙咀、佐敦線路及油麻地、旺角線路（上跑道前最後停站為小巴站頭附近，深井落下路，非繁忙時間兩線合併，以轉車站為終點站）
咁樣小巴只能集中做通宵線
九巴到時候或者可以開通宵 ...

深夜時份，在屯門或者青山公路一帶等車，人跡罕至，車都唔多部
陰風陣陣，偶爾傳來一兩下怪聲，你咪話唔驚
身為乘客，就算深夜九巴開乜都好(話知佢開N67X、N52X、N53、N234A......)
最實際就係拿拿聲上車、同快直達快些回家最好
唔係咁多乘客鐘意在半夜三更的山卡啦地方再慢慢等巴士轉車。因為，冇安全感。

我以前是嶺南學生，家在旺角。
冇住Hall的那一陣子，在嶺南過了12點3才離開，就肯定會搭紅VAN回家

雖然貴(當時已經收18蚊)，慢(1小時才出到旺角)，兜(全條青山公路，再加荃灣葵涌，甚至有次個司機仲要上埋荔景都有!)
但紅VAN最大優勢係密車 — 好快上到車，唔駛在在山卡啦地方慢慢等，安全感大得多。

同埋紅VAN唔理邊度，隨時有落有上
但巴士站fix死在特定位置，有時落左車要慢慢行。
對深夜乘客來說，呢個係絕對優勢 — 自己揀個比較好、就腳、安全的位置上落車，唔好咩?

其實深宵交通，多數乘客都希望安全、密車、直達(貪上車有得訓)
就算冇直達，咁在旺角、銅鑼灣或美孚呢D「旺地」轉車都好
幾快幾平都冇用。唔密、轉黎轉去(在山卡啦地方轉車先死)、上落車唔就腳，冇乜乘客鐘意咁。

況且 — 九記又好，城記又好，佢點會肯將53通宵行?
就算真係打殘紅VAN，全條路得番53通宵獨市
但呢條線成本高，效益低，開黎都冇so

而且我覺得巴士公司應該都明白「互利共生」的道理，佢地都知打殘紅VAN對自己都冇利:
因為青山公路的確由早到晚都有客，但又不是非常多
同埋沿途有好多分段的流水客，唔係個個需要出荃灣九龍。
53行車時間耐，要站站停，又唔係每位上車乘客都係俾全費，好多都係短途分段
開頻密的巴士線冇so，只會勁蝕；開得疏(同時又獨市，非搭九巴不可的話)，沿途居民實唔放過巴士公司

紅VAN服務青山公路沿途，正好便利了需要密車的乘客(特別是流水客)，巴士公司唔駛頭痛去處理佢地需求。
留返條疏車53，充當有限度服務，既能滿足需要平車(但不介意等)的乘客
同時巴士公司疏車成本較低，蝕極有限，儲夠差唔多客先開一班車
對巴士公司來說，青山公路紅VAN係幫佢地一把就真，等53唔駛開得咁密，慳番好多成本

[ 本帖最後由 le914 於 2012-7-4 10:38 編輯 ]