大英祖國 is GREAT

原帖由 FBI2 於 2012-7-2 22:55 發表


你地扣帽子既野我就唔理,不過我想講,拎住BNO,入英國境,係冇資格排EU-CITIZEN那條隊,要排NON EU-CITIZEN那條.
大家去過英國都知,歐盟公民那條隊,遠比非歐盟公民排那條隊短好多,入境程序也簡化好多,唔駛動不動排個幾 ...

其實上邊都講咗喇 "BNO持有人擁有英國國藉，但冇居英權 " 排NON EU-CITIZEN係正常不過既事,正如非本地香港居民沒有中國藉一樣的情況
如果要以加快入境速度呢一點去量一本護照的價值,未免有點膚淺?
另外,你表示"持有BNO去歐洲好多國家都要申請神根簽証". 我會建議你上英國駐港總領事館網站既BNO護照免簽證情況睇睇,基本上無你上述既情況出現.

大陪份人都就者 BNO在香港既持有人 無居英權呢一點向佢地既國藉取向問題上無限放大及指控
實際情況係只要持有人係英國住,BNO一樣可以享有例和如投票,工作等權利.並可以取得居英權
並不是說 香港居民持有BNO或其他人仕所持護照擁有其他國藉 就係一種唔尊重香港的行為,所以無必要處處迫人

[ 本帖最後由 40468680 於 2012-7-3 04:18 編輯 ]

原帖由 238X 於 2012-7-2 23:54 發表


其實我正正係覺得呢樣嘢有需要或者不可避免，
否則咩社會、思想改革都唔夠黨國機器建造行得快。

你哋講嘅所有壞處，我都同意係有，
不過又好似唔咁嘅話，中國永遠無可能自由民主。 ...

自由民主的確系有好過無，
但國家分裂系咪真系可以達到呢個目的呢？
清朝滅亡之後，全國軍閥割據，你覺得人民過呢種生活就叫有民主自由？
而家全國甘多軍區，一旦國家分裂，哪裡可以有一個政府能夠鎮得住？
你想全國內亂，甚至內戰，無數生靈塗炭黎達到所謂o既民主？
如果國家分裂，甘已經系最好既情況，
仲未計外國勢力入侵，你想用全個民族o既尊嚴黎獲取由外國政府施捨o既所謂[民主]?
睇下國外，蘇聯分裂之後，俄羅斯國民又系咪真系有民主？
再唔系，睇下[普世價值]o既發源地美國，
真系可以一人一票選總統？
一個政府要欺騙人民容物易。
追求民主絕對無問題，無人阻止你，
只不過，如果國家真系分裂，
所謂民主還有什麽意義？

原帖由 DM17 於 2012-7-3 00:15 發表
樓主係咪係咪一廂情願就唔知
但係睇到呢個年頭,仲有香港人天真到諗住自己仲可以獨善其身乜都唔理就有飯食之餘
仲得閒"差能廚"埋人地政治取向,唔怪之得人地話香港人咁好蝦啦 ...

人地有BNO，英國國民黎架，
偉大o既大英帝國一定可以令所有其國民受其恩澤

蘇聯本身係再高一個層次嘅問題。
如果再絕啲，我都可以話「俄羅斯根本唔應該咁大」。
(不過去到呢度，亦唯有跟番中國共產黨講句：中國國情同俄羅斯唔同)

至於你話全國內亂、生靈塗炭，
其實可能而家都差唔幾遠。
有啲嘢唔係見唔到就可以當唔存在的，
因為呢個世界有消息封鎖呢回事。

P.S. 唔使講得遠，朝鮮肯定真係打仗都好過而家。

[ 本帖最後由 238X 於 2012-7-3 16:04 編輯 ]

原帖由 238X 於 2012-7-3 15:54 發表
蘇聯本身係再高一個層次嘅問題。
如果再絕啲，我都可以話「俄羅斯根本唔應該咁大」。
(不過去到呢度，亦唯有跟番中國共產黨講句：中國國情同俄羅斯唔同)

至於你話全國內亂、生靈塗炭，
其實可能而家都差唔幾遠。
有啲嘢唔係 ...

唔好搞笑啦，
消息封鎖點可以將大規模內亂掩蓋？
當內亂已經系全國性，又或者接近全國性，
封鎖與否仲有分別嗎？
消息封鎖唔系萬能架
點樣叫做唔系差幾遠？如果差唔幾遠，
你認為香港仲可以獨善其身？
如何見唔到就可以當唔存在？
難道你有內幕消息？
不妨分享下。
至於朝鮮，你想d人o既生活雪上加霜？
人地已經夠慘架啦，言下之意，
打仗可以改善朝鮮人生活？

原帖由 Trident@KS6946 於 2012-7-3 14:58 發表

人地有BNO，英國國民黎架，
偉大o既大英帝國一定可以令所有其國民受其恩澤

係咩? 如果你係外國有事,拎住本BNO去英國大使館,冇人會睬你.

原帖由 Trident@KS6946 於 3/7/2012 16:29 發表

唔好搞笑啦，
消息封鎖點可以將大規模內亂掩蓋？
當內亂已經系全國性，又或者接近全國性，
封鎖與否仲有分別嗎？
消息封鎖唔系萬能架
點樣叫做唔系差幾遠？如果差唔幾遠，
你認為香港仲可以獨善其身？

乜你唔覺得而家正正就係越來越多騷亂？

原帖由 Trident@KS6946 於 3/7/2012 16:29 發表

至於朝鮮，你想d人o既生活雪上加霜？
人地已經夠慘架啦，言下之意，
打仗可以改善朝鮮人生活？

反正已經飢荒緊、周圍都係政府嘅暴力，
打唔打仗的確分別不大，不存在雪上加霜。

擔心呢場仗造成破壞的國家其實是韓、日，不是朝鮮。

[ 本帖最後由 238X 於 2012-7-3 16:41 編輯 ]

原帖由 238X 於 2012-7-3 16:38 發表


乜你唔覺得而家正正就係越來越多騷亂？




愈來愈多騷亂唔等於大規模內亂囖，
根本就未到臨界點，
如何同全國內亂、生靈塗炭差唔幾遠？
據我所知，內地唔少人會鬧政府（當然唔似香港甘鬧啦），
但絕少數人會真系用激烈行動表達不滿，
大部份人都系求過好自己日子，社會政治參與程度好低，
十幾億人，唔系好多都一定要所謂民主自由先可以生活，
人地有人地o既生活方式，我冧輪唔到我地操心。




反正已經飢荒緊、周圍都係政府嘅暴力，
打唔打仗的確分別不大，不存在雪上加霜。

擔心呢場仗造成破壞的國家其實是韓、日，不是朝鮮。 ...

愈來愈多
你個邏輯系咪，一個人點睇都命不久矣，
狀況差到不得了，就算叫呢個人受多d苦都無物所謂，
因為人地就黎死，所以唔存在雪上加霜？？？
當朝鮮，日本，韓國個地理位置系甘近，三個國家有戰爭時，
有邊個可以倖免於難？
打仗唔系過家家，唔系你冧甘簡單，
打完d人生活難道仲可以得到改善？
僅有幾間爛屋都要夷為平地，系咪你幫朝鮮人起返好？
姐系一個國家發生饑荒同暴力事件，就應該比人打？
因為打唔打分別唔大，得幾間爛屋，幫你再整爛d都唔怕？
系咪呢個意思？
我自問對朝鮮認識唔多，
只知道d人好貧窮，物質生活水平好低，
睇黎你對朝鮮都幾多認識，有無d暴力事件o既例子可以講黎聽下？

p.s.我打字有問題，[愈來愈多]系多出來，刪唔到，唔使理

[ 本帖最後由 Trident@KS6946 於 2012-7-3 20:41 編輯 ]

原帖由 Trident@KS6946 於 2012-7-3 14:58 發表

人地有BNO，英國國民黎架，
偉大o既大英帝國一定可以令所有其國民受其恩澤

下..呢位板友你又知講緊邊個?