(車頭相上報) 九巴車身廣告擾亂視線

原帖由 KG1428 於 2012-7-14 14:08 發表
當年online game的車頭廣告不見有人投訴

你肯定冇?
收哂人地公司錢,合約期又未到,又冇人逼令九巴要落,咁梗係投訴接受 態度照舊架啦,唔通想賠錢比人呀?

原帖由 nwfb1001 於 2012-7-14 21:39 發表

不如車長制服都好似球隊咁印上廣告商標誌

不如整到成件賽車手衫，印到成身都係廣告

九巴車身廣告好似係入第間子公司數，算集團收入，係財技，唔係載客營運收入，以為可以幫助票價，係一廂情願同美麗誤會。

原帖由 hkaiw 於 2012-7-14 21:05 發表
另外於1997年初有一些AV及3AV在車頭牌箱上方貼上白底九巴標誌貼紙，但是因為又是收到「擾亂視線」的投訴，結果很快被全數撕走。

當年九巴呢個設計幾好睇丫(個人意見), 唔明有咩好投訴!

可能又係九巴之過, 以前「新巴伸路線」全車身廣告, 冇乜邊隻牌箱廣告唔係遮住電牌d字囉,
仲大部分上o係10xx/50xx呢d暗牌車度, 究竟係將南人視力特別強, 定係新巴冇九巴咁人見人憎呢!

原帖由 lpc 於 2012-7-14 18:36 發表

Extra邊有遮住個牌箱呀
而家呢隻廣告如果貼低少少
係某d角度睇係會遮左電牌頂部少部分

如果你咁講,
咁當年extra廣告一樣冇貼晌金巴度姐...
本身車頭結構唔同,
但睇得出呢類廣告係點樣演變出黎...

理佢係咪extra, 總之係九巴就有罪架啦!

城巴車頭牌箱旁邊果兩隻食鬼, 咁多年都冇俾人投訴,
有部分上左多國語言遞手截車小提示, 一樣冇事!
到Trident出牌, 電牌旁邊一樣有食鬼, 冇事喎,
淨係九巴至俾人彈佢整得核突, 甚至投訴!!

原帖由 dippy 於 2012-7-15 01:05 發表
其實依家webus個logo 都係貼牌箱
唔明係咪港島/西九/將南人勁啲

而家講緊既廣告，係上下層車頭玻璃中間既位幾乎全部係廣告
同電牌、電牌入面既字相距好少
webus貼個logo又有幾大？

原帖由 EX-TL 於 2012-7-15 01:09 AM 發表
理佢係咪extra, 總之係九巴就有罪架啦!

城巴車頭牌箱旁邊果兩隻食鬼, 咁多年都冇俾人投訴,
有部分上左多國語言遞手截車小提示, 一樣冇事!
到Trident出牌, 電牌旁邊一樣有食鬼, 冇事喎,
淨係九巴至俾人彈佢整得核突, ...

其實舉咁多新巴城巴例子有咩用呢？
剩係講番九巴丫，
前排先有JR果對眼仔，
又有幾多人覺得核突呢(除咗有D巴迷唔鍾意外)？
又有無人覺得佢阻礙睇路線牌呢？
都唔明點解連呢D野都可以諗到大家係反九...

我唔講其他人，只係講我，
至少我一望到架車，
第一時間已經係俾個廣告擾亂咗我視線落咗個廣告度。
如果你問我，我都會覺得呢D野唔太值得投訴，
但唔代表個廣告擺位唔會影響人睇路線牌既視線。

原帖由 dippy 於 2012-7-15 01:05 發表
其實依家webus個logo 都係貼牌箱
唔明係咪港島/西九/將南人勁啲

講真乘客唔接受就唔接受架啦，單單睇B3版都知，好多人都唔鍾意個廣告咁貼，一來太花，二來真係難睇咗個電牌，試問webus果啲會咩，我唔覺。

Webus果啲提示標貼or一啲公司標貼，市民一定接受到，因為唔係為咗賺錢同影響極微。