原帖由 坤仔 於 2012-7-23 02:54 發表 
搭幾個站都唔得?
條線係咪都要開, 我有需要搭就上車
唔通作為乘客要諗埋
"如果我上左車, 架車就要埋站載我, 咁就好易搞到班次亂
我都係唔上車行過去啦"
如果根據呢個邏輯, 71B呢d線都唔應該生存 ...
問題在於香港車站, 班次密度太高呢個歷史已經寵壞左無數既香港人
係又搭唔係又搭
條線生勾勾擺左係到又點?
成大條單車徑夠鋪好左係到啦,
班鹹魚咪一樣晒時間去搭車
你與其話有Supply creates its own demand,
不如話班鹹魚懶好過啦
(正因為有你講呢種人既存在, 香港先成為運動最少既地方
單車發展最落後既地方...)
你看氣候相約既台北, 發展成熟巴黎, 做得最好既哥本哈根
岩岩起步既強國...
與其學爛鬼運豬處洗腦咁同你講「鐵路係交通既骨幹」
不如睇下點運用單車做短途駁腳好過啦
一味係到話唔起膠鐵就比強國邊緣化
再唔考慮單車作為短途駁腳, 到時只會比成個世界邊緣化
我睇到既只係屯門區不乏現有設施,
唔少泊位同民區距離亦只係樓上樓下, 西鐵站兩端都有單車泊位
一部鐵車, 一把鎖, 洗得你幾多?
富健龍門居/ 屯門IVE行去西鐵站
呢到都係幾個站咋嘛
偏偏行去搭車再等埋車, 算你出輕鐵呢安樂冇?
慢慢行過去對比搭車都仲有少少勝算
你夠膽話快得過我踩架爛鬼單車咩?!
香港交通成也公交, 敗也公交
敗就敗在你呢講種咁既搭客！
(難怪d人話洗腦係一件恐怖既事 )
[ 本帖最後由 NEO_962 於 2012-7-23 04:24 編輯 ] |
|
|
|
|
|
|
|
|
--系統重貼, 請刪去, 謝--
[ 本帖最後由 lrv1092 於 2012-7-24 02:37 編輯 ] |
|
|
|
|
|
|
|
|
8月底 506改名為K56
9月初 加一架車, 以應付新學年及多客
下年 本年尾新公屋"龍逸邨"入伙再安排
被眾多區議會議員狠評
某議員更鬧港鐵無恥、無良 (鬧得好! )
會議錄音:
http://www.districtcouncils.gov. ... ing/ttc_4th_012.mp3
----
至於上面板友既言論, 真係唔想再回應
依家賴到香港交通工具太方便.......
我夠想踩單車啦, 咁我去市中心圖書館泊邊度? 泊屯門公園? 定屯門文娛廣埸?
仲要屯門公園只可以踩河邊 (我估你答: 泊西鐵站, 再行返去市中心嘛)
咁你睇睇西鐵站咁多位, 係咪已經泊滿晒
大熱天時, 有時又落雨, 單車萬能?
OT小小:
既然上幾頁話巴士線唔應該以鐵路延長黎應付
咁希望板友可以說服到東涌居民 唔好要求有東涌西站、小西灣唔好研究起鐵路站
屯門西(碼頭)站 除左分流到506客, 仲有其他輕鐵路線
依家屯門既輕鐵都唔夠應付啦, 一係就買車, 一係就延長解決架啦..
都係果句:
506原本就係輕鐵行, 而且一直都有需求, 唔係因為無客先轉做巴士行
加上呢幾年客量上升, 用巴士代輕鐵行點應付?
仲有咩叫臨時? 咩係承諾? |
|
|
|
|
|
|
|
|
原帖由 lrv1092 於 2012-7-24 02:36 發表
至於上面板友既言論, 真係唔想再回應
依家賴到香港交通工具太方便.......
我夠想踩單車啦, 咁我去市中心圖書館泊邊度? 泊屯門公園? 定屯門文娛廣埸?
仲要屯門公園只可以踩河邊 (我估你答: 泊西鐵站, 再行返去市中心嘛)
咁你睇睇西鐵站咁多位, 係咪已經泊滿晒
大熱天時, 有時又落雨, 單車萬能?
我識唔少人住富健行路去西鐵站市中心都係咁, 有咩問題?
當然, 如果你話你係殘疾人士, okay, 你要搭車我唔怪你
大熱天時, 唔通你行去車站, 行去等車
唔駛日曬雨淋咩?
馬路路面既溫度往往都比河岸果邊既行人路高
又好似今朝咁大雨你又覺得擔遮會好過我著雨褸踩車咩
懶就係懶, 就算比返輕鐵你搭
到時又話點解架車唔到樓下, 落左車又要行咁遠先返到屋企, 搞到又要大熱天時行咁遠
.
.
.
.
咁多要求你自己渣車囉 |
|
|
|
|
|
|
|
|
原帖由 NEO_962 於 2012-7-25 23:44 發表
行兩步路真係咁難咩?
我識唔少人住富健行路去西鐵站市中心都係咁, 有咩問題?
當然, 如果你話你係殘疾人士, okay, 你要搭車我唔怪你
大熱天時, 唔通你行去車站, 行去等車
唔駛日曬雨淋咩?
馬路路面既溫度往往都比河岸果邊既行人路高
又好似今朝咁大雨你又覺得擔遮會好過我著雨褸踩車咩
懶就係懶, 就算比返輕鐵你搭
到時又話點解架車唔到樓下, 落左車又要行咁遠先返到屋企, 搞到又要大熱天時行咁遠
.
..
咁多要求你自己渣車囉
你話我懶, 我無計... 我都認我某d方面係既
但批評人之前, 唔該了解下板友 同 學下尊重下乘客、人地
開口埋開就鹹魚、懶! 506既乘客量多到做港鐵屯門三大路線
佢係獨市連接市中心、新墟, 導致成個屯門西南都有需求 (即係你所指既成班鹹魚)
唔只我一個有需求喎! 我無俾錢搭車咩?
穩定班次、夠載乘客 既要求好過分咩? 事實上佢係做唔到喎
依家我盲目去要求、去爭取? 如果係, 點解前幾板有用家板友有同感加分、fb會有人讚好?
點解日日都有人 會嬲到問候港鐵職員既家屬?
過份得過 港鐵依家話用巴士行改善唔到架喇, 要賴個天先得?
我住得南過富健, 行去屯門站最快35分鐘
506巴士, 快則7分鐘、慢則17分鐘, 等車5-18分鐘= 12-35分鐘
輕鐵506就只係5分鐘, 等車6-8分鐘= 11-13分鐘
富健去屯門站有2000米 (康文署數字)
出埋那史密夫定理黎計 一般行100米要1.5分鐘, 行都要半個鐘啦
506誤時嚴重, 係人都知
香港人需要既係效率, 特別係呢d偏遠地區, 出市區返工返學要好早出門,
下下要用30個鐘出市中心/屯門站再轉西鐵? 荃灣都30分鐘、屯門去南昌咋
本應搭車一定比行路快, 港鐵無按服務承諾提供準時可靠既班次
令到行路同搭車一樣時間/甚至更耐,
你就話 要快就行路, 點解責任返左去乘客身上? 會唔會本末倒置左?
你又知我無踩單車? 我屋企有4部單車....
其中一部泊街俾人偷埋, 以前踩佢返學、放學既,
有次落雨, 搧呔仲擦傷手同下巴, 落住水滴住血咁推架車返屋企, 有埋疤痕, 被屋企人禁制踩一年
樓下同屯門站泊車位又唔夠, 同區議員傾過, 佢寫左信, 但運輸署都無做過野!
車被偷過.... 結果依家3部都放左屋企,
我認懶就係 懶得搬落街, 同埋繁忙時間同人爭位搭lift落樓/返屋企。
行路? 我冬天去市中心一定行, 為左慳錢同唔洗排隊等, 加埋你個健康因素 (其實冬天行都唔多好, 食風食到應)
但夏天真係好熱同曬囉唔該, 堅係會中暑! 搭車都係追求舒適, 係咪都為健康著想?
我平日都有行山、行下公路, 今年行過屯門行青山公路出荃灣、深水埗去美孚、全條彌敦道、何文田去長沙灣,
深水埗去/返尖咀今年都行左5次(有fd住ssp), 但7-8月行 真係少不免 就免。
見到你咁講, 好反感。
電車都行得好慢、佔用行車線, 拆埋佢?
全港短程小巴線接駁去港鐵站, 都要取消?
巴士唔可以經港鐵站做接駁?
香港唔好再改善鐵路同研究加站?
太子旺角站太近, 要是但cut一個?
起單車徑好呀, 話會起條屯門出荃灣架, 我好支持
但青山公路班人玩野, 結果有排拖, 依家去黎去去都係上元朗
再唔係就踩窄到喊既青公既行人路去黃金海岸 (無錯是違法的)
見人一定慢駛/停低讓, 但d人都會讓返你轉頭俾你行先, 仲有d會提你會俾警察捉
咁你呢?
你成日都話你朋友, 其實你咪係506沿線架? 962似乎係又唔係咁~
我唔多想回應既原因, 因為次次花時間長篇大論去應你無乜意思, 同埋開始離題....
如果板友你真係好鼓勵人行路/踩單車, 從而多做運動
就實際小小, 寫信去建議/爭取 起上蓋行人走廊 / 種樹遮蔭、一次過改善晒全條單車徑、加多d泊位、做多d推廣教育等等....
呢d我會好支持你! 咁506少左人搭, 自然可以cut車, 甚至取消啦係咪? |
|
|
|
|
|
|
|
|
原帖由 lrv1092 於 2012-7-26 03:12 發表
你話我懶, 我無計... 我都認我某d方面係既
但批評人之前, 唔該了解下板友 同 學下尊重下乘客、人地
開口埋開就鹹魚、懶! 506既乘客量多到做港鐵屯門三大路線
佢係獨市連接市中心、新墟, 導致成個屯門西南都有需求 ...
你呢個位話要搭車我冇話過有問題
問題在於,
富健龍門居有幾多個真係需要搭506既大家心照
一班506可以係果到停成3-5分鐘都做得出,
然後又因呢班友上車, 西鐵站落車時間又長左, 班班如是
想唔甩班都難
唔話呢班友懶, 你教我講過第個term喇
有錢就一定要搭車既咩? 你不如下次蝴蝶去湖景都搭的士啦
夠方便呀, 又快過你行路幾秒咁
時間黎架, 可能你秒秒鐘幾百億上落呢
不過係錢定益生菌我就唔知
咩叫本應搭車快過行路?
呢個世界冇野係必然
淨係碼頭搭507/ 6174去兆禧, 同時出發行路都唔係冇勝算
點解?
距離係一個好重要既因素
我記得睇過一個研究指出, 唔同既交通方法都有最有效率既距離
由短到長 (節錄)
步行->單車->巴士->鐵路...
富健個距離頂盡都係單車
難聽d講句, 落雨冇人叫你踩咁快
雨天對車太咬地, brakes黎講都會減低效能
如果一個壯年人行30分鐘就中暑既話, 咁佢本身已經積弱多時
唔係行路死, 返工耐d都出到事架
我上年大熱天時仲行緊山, 唔係家樂徑
cheap cheap地, 鹿湖郊遊徑上鹿湖咁解
有時去龍鼓灘燒野食唔小心踩左過去姐, 冇咩特別
點解我淨係叫輕鐵拆唔叫拆電車呢個問題我都預左有人會問
好簡單, 輕鐵有幾多成既路面同路面交通共用?
淨講青山公路元朗段已經玩死好多車
http://www.td.gov.hk/tc/road_safety/safe_cycling_guides/index.html
呢到講到明單車係有道路使用權
咁又做乜事要踩行人路? 大把人都係咁踩
唔識指引我而家比埋條link你慢慢睇
你覺唔覺得你呢段野係到誤導版友手法好可悲?
我冇話過我朋友, 我就唔知你講緊咩喇
總之我住果到, 506, 507都有得我搭, 兩者都要行5-8分鐘, 自己計下佢囉 |
|
|
|
|
|
|
|
|
原帖由 NEO_962 於 2012-7-26 03:50 發表
咁你咪錯晒囉
你呢個位話要搭車我冇話過有問題
問題在於,
富健龍門居有幾多個真係需要搭506既大家心照
一班506可以係果到停成3-5分鐘都做得出,
然後又因呢班友上車, 西鐵站落車時間又長左, 班班如是
想唔甩班都 ...
其實2千米話近唔近, 話遠唔遠...
點解一定要定個term落去話人? 一定係懶?
你話個距離最盡係單車, 個指標係咩?
好奇所知: 咁船應該點排?
正常人都行去市中心都半個鐘啦, 搭車正常係唔洗半個鐘..
(我所指的「本應搭搭車快過行路」就是這樣解, 明明果段都講緊你提出既富健去市中心/屯門)
依家我針對既係班次唔正常, 但反而板友你針對既似乎係一班"咸魚"
無錯, 班次延誤唔多唔少係因為多客, 但賴多客既除左港鐵, 竟然仲有板友你
我天南/天北範圍內活動, 要搭3-4個站 我都係行路(除非趕時間),
我無講有錢一定要搭車, 我都好窮
只係既然港鐵講得4/5分鐘一班, 收得錢就應俾得到佢話會俾既服務
俾錢去買服務(例如: 美容、保健) , 但服務就俾唔到, 會否感到被騙?
係咪"班次可隨時更改 恕不另行通知" 就大晒, 鍾意就60分鐘一次派12架車黎?
其實你講野都幾難聽, 我故意整傷自己留個疤痕?
我返屋企唔趕時間 會踩得有幾快?
不過預左你會話我技術問題
落雨踩單車你都知危險.... 係咪人人都應付到? 單車係咪萬能?
行路都係運動, 都要做準備架大佬
行之前要飲足水, 行緊又要補水, 行得耐唔洗著舒適、透氣鞋?
一個黑色西裝友, 著皮鞋返工, 一般寫字樓有水, 唔會拎水
係咪又適合行太耐? 之後又入西鐵冰箱? 仲易病!
鹿湖我都有去過, 印象中係石屎路...
鹿湖響西貢, 龍鼓灘響屯門, 咁你燒燒下烤都好唔小心咁行左幾日麥徑喎
我去果次就鹿湖最後先行, 係西灣享受完個靚海灘之後 (推介)
就上雙鹿石澗, 再抄捷徑"隧道"返西灣亭先行鹿湖 (有熟手帶過行呢條澗再行捷徑就知隧道係乜)
龍鼓灘隔離座青山都易行, 好難迷路, 不過地勢有d危, 同埋星期六日先好去
(踩界野我明,唔洗勞煩你又搵link)
咁電車有幾多成既路面同路面交通共用?
如果元朗學中環咁. 每邊三線中間兩線輕鐵 咪唔塞啦可?
我以為你話拆電車, 係因為佢每個站短 (250米一個站), 養左班懶人咋
我有寫到係違法同會俾警察捉, 唔涉及教唆他人
青公兩線雙程, 又咁繁忙... 而且係公路! 你搵命去搏, 係咪個個都應該要咁?
有板友都講左區內單車徑及配套設施唔完善啦
問心, 咁你會搭506定507?
你有得揀, 唔代表其他人有得揀囉
你又提倡搞差d交通, 令人做多d運動, 你明唔明交通既意義?
差既屋苑配套 係影響到居民生活質素
你講到輕鐵咁廢, 又想人多做運動, 咁都係果幾句:
麻煩你建議政府去搞好d行人路、單車設施, 用黎陰乾輕鐵喇
我就建議過政府改善, 希望你都幫下手咁 (如果你真係為居民健康謀福) |
|
|
|
|
|
|
|
|
原帖由 lrv1092 於 2012-7-26 10:29 發表
其實2千米話近唔近, 話遠唔遠...
點解一定要定個term落去話人? 一定係懶?
你話個距離最盡係單車, 個指標係咩?
好奇所知: 咁船應該點排?
正常人都行去市中心都半個鐘啦, 搭車正常係唔洗半個鐘..
(我所指的「本應搭 ...
我又唔會反智到叫你游水
就算唔搭506, 係兆禧可以等成10分鐘都冇輕鐵既
然後無限塞燈位我都試過
如果我冇記錯, 506非繁忙時間都冇5mins一班
講真果句丫, 手車差就唔好踩咁快
事實就係事實, 我講左出黎預左你話我講得唔好
就用屯門公園對出一帶為例
條路乾平果陣已經覺得佢唔岩用黎踩車
一d都唔好咬, 得個冼字
好天踩果段路我都唔敢去咁快
路濕咩路段要慢返5-10kph踩, 預多d空間比自己收掣
呢個係好基本既知識, 就算落場濕地入灣都我都唔會咁快
鹿湖最攞命既事唔係佢用咩黎鋪路
在於上山段直接比太陽曝曬, 落到山谷風都冇滴, 然後再上山
元朗而家路面睇落就四線雙程
扣埋d左轉線位, 有幾多空間比d出直去既, 心照啦
講真, 單車踩馬路, 守規矩, 靠左踩有咩問題?
我成日都係咁踩果段
利申: 踩馬路去龍鼓灘, 冇踩山入
你叫我揀既話, 我搭506落車又唔駛行咁遠, 點解唔搭 |
|
|
|
|
|
|
|
|
原帖由 NEO_962 於 2012-7-26 15:11 發表
你覺得要用到船既交通有咩現成野可以取代
我又唔會反智到叫你游水
就算唔搭506, 係兆禧可以等成10分鐘都冇輕鐵既
然後無限塞燈位我都試過
如果我冇記錯, 506非繁忙時間都冇5mins一班
講真果句丫, 手車差就唔好踩 ...
都話好奇搭單問下 (我又未睇過)
船唔係交通黎既? 雖然我都覺好無效率 (離島既居民sorry, 我係咁坦白)
兆禧站係碼頭總站係開出係既第一個站
我早繁搭過幾年, 一直都係隔5-7分鐘黎507, 1分鐘後就614/614P
上橋去游池一般順燈, 就算等最多都30秒, 轉兆麟又等15秒, 係入安定果支要耐少少, 可能30秒-2分鐘
但照計 無論時間、車站數目 點都少過506, 如果你真係去507、506站一樣距離時間, 都會識揀,
我有好多fd住蝴蝶、碼頭, 約佢地必定問佢搭咩出屯市 先決定邊度等
鄰板有幾位板友都話中晒506伏, 貪得意去搭506, 結果等得506黎, 搭507都返左屋企
仲有你住果度 就話有得揀輕鐵定巴士啫........
我以前返放學唔洗經屯門公園。
不過認同你所講, 幾年前翻新過, 油左綠油, 果段路係過份平滑, 噴漿既手工一流
落雨踩單車係危險, 但意外係意料之外既事, 就算做到安全都未必保證到無事
如果真係行山行成日/幾日w camp, 我會鍾意行泥路, 對隻腳好d (反作用力既問題)
咁同青山差唔多, 樹都無棵, 不過我曾經見過有著KMB制服既男人, 以好趕時間既步速行呢座山黎做運動
發射山下面有個 私人健身區... 唔知邊個咁勁拎d材料上去整
元朗依家馬路既闊度都唔合標準
元朗係起好左樓同路先起輕鐵, 屯門就預留左位起輕鐵
當然, 果年邊有預到今日元朗會咁多人流同車流量
過左24年, 不斷發展, 加埋其他因素, 令到天水圍都出元朗買野
搞到元朗段人多車多, 唔合乎今日需求好正常啫
所以零八年咪搞咨詢點樣改善元朗段既問題囉
我唔反對拆/架空元朗段輕鐵, 咁你有無更好既方案?
我知你好守規既, 唔似我成日會做踩界野, 要你搵link提我
你所講既"運豬署"話要穿上顏色鮮明、淺色或反光的螢光衣
著既衫又要起保護作用, 預防跌倒, 又要帶埋頭盔、護手+腳肘
如果返工返學出街, 踩單車去屯門站係咪咁多人做到? 你又會唔會?
另一方面, 其實香港真係幾矛盾, 又要人靠左行路邊, 但又一定要踩既位要顯眼俾車同人見到
青公又窄又多彎又上落, 而且點都係條公路,
無咁多人有你既本事, 又做帶晒野做足安全黎踩
見你話踩到入龍鼓灘, 踩到條長命斜入去就知你本事
但都希望你試下從其他人角度、能力出發, 係咪一定做到? 做唔到就係懶?
唔駛行咁遠返屋企, 以你早幾個帖既定義, 咁你咪懶囉
為左唔洗行咁耐黎揀交通工具, 同識話人唔識話自己有咩分別呢? |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
