建議重組九巴2A/6D/13D/24/296C

見大家又嘈40改半特快影響觀塘<->西九服務，
唔知下面個建議岩唔岩大家心水？
當然，我份人就無咁順攤既，要同時滿足到真正有需要既區先得。

建議詳情如下：

1.
合併24及296C，新線稱296C，總站遷往維港灣，
來回改經宏照道、啟東道，全程收費維持不變，
同時增設啟業<->維港灣 即日來回收費$8.6。
合併後，296C減至8部巴士行走，共節省6架巴士。
班次調整為繁忙時間15分鐘一班，非繁忙時間20分鐘一班。
行車路線下：
往維港灣方向 http://goo.gl/maps/5C20
往尚德方向 http://goo.gl/maps/SsLn

另外，早上07:05 - 07:50間所有班次，改由日出康城開出，
而下午18:05、18:35、19:05三班車則延長至日出康城為終點站，
同時取消98S。

從296C削減的兩架巴士，將用以理順/加強將南來往將軍澳山上的巴士服務，
而98S取消後，原有巴士將調回98A及98C線。

2.
視乎24/296C合併結果，從24線抽調兩架巴士，
投放至6D線，派車總數由RDP建議的11部增至13部，並延長至觀塘裕民坊，
來回繼續途經牛頭角道、彩虹道，繁忙時間班次約10-12分一班。
6D全程收費增至$6.1，青山道往觀塘分段$5.7，
淘大花園往美孚分段$5.2，四美街往美孚分段減至$4.6。

3.
2A線簡化九龍西走線，並繞經彩盈，回程繞經彩福，如下：
往美孚方向 http://goo.gl/maps/S3ZF
（按：因google maps問題，無法顯示經彩霞道天橋落山走線）
往樂華方向 http://goo.gl/maps/MMvv
配合簡化九龍西走線，節省行車時間，削減一架巴士；
同時6D往美孚方向將繞經蘇屋。

4.
配合2A線改道，13D將增派兩架巴士行走，繁忙時間增至約12分一班，
非繁忙時間約15分一班，並繞經深水步如下：
往維港灣方向 http://goo.gl/maps/lhqq
往寶達邨方向 http://goo.gl/maps/GxzH
同時增設淘大花園往維港灣$5.2分段收費。

同時，13P將改經翠屏道、麗港城、觀塘繞道、
太子道東、天橋、太子道西、洗衣街、旺角道，
觀塘繞道後首站為喇沙利道，終點站為西洋菜街。
同時增至06:50 - 08:30 20分一班，及增加收費至$6.8，
行車路線 http://goo.gl/maps/fuug

重組後：
1. 青山道、石硤尾將繼續有巴士來往觀塘巿中心，而彩虹道亦有巴士來往觀塘
2. 三彩將有全日巴士來往旺角及深水步
3. 秀茂坪將有全日巴士來往深水步
4. 翠屏及麗港城繁忙時間將有巴士前往旺角
5. 296C與24合併，可節省資源，同時減少因將南雙C重疊而造成的浪費，
又能提供條件，理順和加強將南來往將軍澳山上及秀茂坪的巴士服務，
並透過取消98S，歸還資源予98A及98C，紓緩兩線需求。
6. megabox將有巴士來往旺角及大角咀

各項重組，各線派車數目增減如下：
2A：-1
6D：+2
13D：+2
24：-4（取消）
296C：-2
total：-1

歡迎討論。

原帖由 dippy 於 2012-7-17 16:35 發表 http://www.hkitalk.net/HKiTalk2/images/common/back.gif
如果我喺九巴, 我寧願要13D上山都唔要2A上山
至少價錢上收番貴D

而且行全段荔枝角道似乎較理想
尤其係趁依家蘇屋邨拆樓
拉直哂應該己經夠俾兩部6D去觀塘

13D上山會拖慢好多，相反2A因為由振華道果邊落來，
時間其實差唔多，咁點解係13D上山，趕晒之後一段既客，
搞到空載浪費資源？

況且，回程13D都收緊$6.1，已經做到收貴D既效果喇。

2A美孚方向，荔枝角道->東京街->長沙灣道的走線已經比起而家直好多，
更方便長沙灣返工客同埋元州邨，仲想點？

蘇屋村拆左但係李鄭屋村未拆。你係都要堅持深水步一條線不能少，
要青山道有車去觀塘，嫌行去搭地鐵唔方便。
咁點解又諗住趁蘇屋村拆緊，拉走條線？
我係拉走2A，但係換條6D俾佢地喎。

296C+24個人認為OK
可以搶到九龍灣-旺角客
但條線唔去西九龍, 長遠又係要揾線填荔枝角道-觀塘(13P?)

咁我上面建議果條13D係咩黎？係咪因為唔行觀塘道所以做唔到觀塘？

至於青山道-觀塘, 個人認為可以試辦番幾班特車, 唔駛番放工要兜彩虹道
6D-大埔道-界限街-太子道東-觀塘道-九龍灣南-觀塘南-麗港城
暫時叫做6E

繁時6D原線+6E
非繁跟你既方案, 但個人認為要放地鐵站/翠屏先夠位

40而家青山道沿線一班車最多都上得50-70個客，
咁你話夠唔夠客開呢D特車？又夠唔夠資源開你呢條6E？
開左會將6D的班次變成咩款？
以6D的班次，見到6D唔上，係要等不經彩虹道班次，
又係咪會快過6D去到觀塘？
你咁玩，6D繁忙時間必定比而定仲疏，
你只係將快樂建築在無其他選擇的彩虹道客身上，拖慢佢地。

[ 本帖最後由 S3BL100 於 2012-7-18 01:20 編輯 ]

原帖由 dippy 於 2012-7-18 11:03 發表 http://www.hkitalk.net/HKiTalk2/images/common/back.gif

你用6D換走2A咪將"牛頭角"既快樂建築喺人地既痛苦上面囉
你"牛頭角"多左條快既2A去荔枝角, 但就要住荔枝角道以外既人行去長沙灣道坐車
仲要原本直行青山道/元洲街既6D去兜蘇屋邨
根本李鄭屋大部份既樓行去青山道仲方便既時候
你要堆線兜入去哂行車時間

唔好意思，拉直2A呢個構想係你先提出來的，
我只係建議美孚方向行荔枝角道->東京街->長沙灣道，
樂華方向我係建議直行荔枝角道的，
我幾時要「住荔枝角道以外既人行去長沙道道坐車」？
至於6D，我亦只係建議美孚方向入蘇屋，
觀塘方向直行青山道無兜入去。
唔好唔記得，2A而家單向入蘇屋同李鄭屋村係既有事實，
拉走2A當然要等價交換，用6D换2A，方便佢地由東九返蘇屋，
同時唔影響佢地由蘇屋去美孚，請問有咩問題呢？

唔好再次人地原文無果樣就講果樣、誤導板友好唔好？

你話用新13D黎填296C觀塘-深水埗
但觀塘-長沙灣又無處理到
仲要大角咀變慢潻
依家秀茂坪番大角咀既客係13D獨市
之後應該無人肯再咁撘
你一樣係製造空載
迫人坐小巴轉秀旺

如果你口中所指「長沙灣」係麗閣邨的話，唔好意思，果度已經有港鐵，
只需轉一次車。相比之下，南昌同富昌村果頭，搭港鐵條線好曲折，
要轉多次車，或者要行出荔枝角道搭，13D做富昌南昌好過做麗閣。

至於大角咀呢，秀茂坪一直都想有條線去西九，
橫睇掂睇深水步需求一定大過大角咀，
況且條線唔係唔做大角咀，只係西行變慢，
秀茂坪方向，跟我建議咁行根本同埋入大角咀內街轉幾個圈差唔多，
大不了咪加返個16<->13D轉乘，反正用家都係秀茂坪/協和街/牛頭角道沿線。

至於我係咪制造空載？13D如果唔擺維港灣的話，
得返欽州街同東京街可以揀（南昌站好快會封），
但係呢兩個選擇，涉及行車里數根本同擺維港灣/奧運站差唔多。
我咁行，起碼仲會有人坐落大角咀，就算無人觀塘咁坐都會有人深水步坐返維港灣，
但係如果擺欽州街，即係要富昌村U-turn，果一段就真係注定空載。

觀青方面
依家40到底係每班車只有空間上50-70個客定係只有50-70個客等呢班車
我相信除左D喺地球另一邊說三道四既人之外, 用得呢條線多都知一定係前者
令到好多石硤尾以後既人根本上唔到40而被迫坐港鐵
之前仲試過有人因為上唔到40而要用6D->14/15/16果D組合

40行既果段石硤尾，搭港鐵根本好方便，時間更有保證，請問有咩問題？
而「石硤尾以後」，界限街仲有1A揀。

點解樓主向另一篇文章接受唔到113行埋何文田食109,
令何文田之前既乘客大幅延長車程時間
但又可以接受2A先兜上四彩再出旺角??
難道2A向樂華係冇人搭?
比你咁改之後樂華既乘客又有咩著數呢?

既然閣下向樓上認為石硤尾搭港鐵好方便，仲有時間保證，何必仲要6D延長至裕民坊
令到青山道往來彩虹道既乘客,一個方向要兜蘇屋,一個方向要比多五毫呢?
淘大既乘客就更加唔會再搭巴士往返深水埗區,一條本身慢既2A就慢上加慢,
另一條本來算快既6D就因為改完都係慢既2A唔好咁慢而被拖慢
紅小一定好多謝你

13P不如改埋翠屏開啦,13P咁兜法,山上搭13D可能都快過佢,又唔使比多幾毫

如果最重要個目標係觀塘 <-> 深水埗，我會建議咁改

13D
原線到聯合醫院之後改行康寧道、振華道落牛頭角，照去大角咀

2A同6D 互調九龍城路線，即係...

2A
來回改行彩虹道、太子道西/界限街，入石硤尾
6D
改到同40一樣

而296C 長遠應該同796C 合併處理

竟然accept我先前建議兜上西九龍中心o既13D走法返大角咀, 多謝欣賞.

忽然浮個新idea, 13P照行牛頭角道,
兜上彩盈, 又試水溫,
之後照舊直飛火車橋, 會唔會比13D快唔到幾多?
橫掂彩盈要求有巴士服務, 呼聲同迫切度都比翠屏多.

順便搭件13P回程,
維港灣開, 經富昌, 荔枝角道/北河街, 南昌街,
石硤尾19座, 大坑東, 界限街,
喇沙後上橋, 上彩石里後重新停站,
停彩盈, 牛上, 物華街, 曉麗, 中秀, 寶達做總站,
又會點?
做到石硤尾返觀塘, 做到彩盈, 觀秀又有跳站快車.

再唔係狼o的, 拉埋入康盛甚至翠林, 幫補下95, 98c.

除左 2A 兜上四彩 (樂華班客多謝哂)
同埋觀塘 <> 深水埗/長沙灣一帶被屈硬入彩虹道(假設 40 成功半特快)

個人認為整體方案合理