我諗要講近日全城話題, 國民教育呢四個字都應該走唔甩, 我唔知大家點睇...
老實講我一向對學民思潮所做 o既野都係持中立的 (即又唔會支持都唔會反對), 作為一個中國人, 要認識一下自己國家又真係理所當然. 不過個本中國模式我自己都睇過, 事實上又真係好偏左. 根本成本手冊真係讚揚中國共產黨的, 真係有洗腦之嫌 (你要記得而家個對象係小學生), 所以我唔會評論究竟學民思潮要求政府擱置德育及國民教育科係岩定係唔岩. 對上一個星期 o既城市論壇, 政府就搵左兩個先生出黎做擋箭牌; 入面個位余綺華老師已經即時上位,
呢位紅色背景老師, 比一個中學生問幾句係唔係有意選立法會, 竟然老羞成怒 ...
可能有人認為黃同學問佢係唔係要選立法會有不當. 我自己就覺得可能又真係有點唔妥當, 不過我自己又覺得佢錯唔哂. 問佢係唔係有意選立法會交代立場, 其實而家踢穿佢個真面目之後; 好多人都知佢係有工聯會背景 o既, 根本佢講咩都係有哂立場, 起城市論壇入面根本就冇哂討論空間; 要佢交代立場, 其實都係要比其他人知道佢個真面目 ~
其實講黎講去最賤都係政府, 無啦啦搵兩個先生出黎擋箭, 試問吳克儉局長又去左邊度 ? 教育局班人又去左邊度 ? 課程最後拍板與否, 根本個決定權起哂佢地個度, 佢更加唔可以做縮頭烏龜, 佢而家一日唔出黎表態, 學民思潮班學生一定唔會放過佢 ~
講下講下又會拉到上去吳克儉個老闆到, 而家出面已經傳緊一百日試用期, 有人出黎護主係一回事, 但係點解會有呢 D 野傳出黎又係一回事, 起立法會就死口唔答, 反客為主出黎派糖, 轉移視線 (即係其實成件事根本就冇解決過), 麥齊光已經比人趕左落台, 而家吳克儉又搞到件事唔三唔四 (處理不當的話), 粱振英呢個位想坐得穩都難 ~
今日份報紙就終於爆出黎啦, 原來吳克儉竟然上左北京 ...
ref: http://hk.news.yahoo.com/%E5%90% ... 2%BB-210539127.html
內文已經好清楚講到: 此次會面由吳克儉主動提出. 當然佢自己有解釋話, 呢次訪問北京係禮節會面. 當我真係信你, 你個政治敏感度又會唔會真係低得離譜 ? 仲要事前唔公布訪問行程, 我真係唔知咩原因.
"吳克儉成為特區新政府首名訪京問責官員,較特首梁振英還要早,行蹤極低調,新聞處全程無交代,直至教育部事後發稿,公眾才得悉安排。"
講真就係, 普通人一睇就會估其實你去北京究竟做咩啦係未 - 國民教育 ...
上面報紙入面內文 - 胡總07年一席話 港府即催谷:
http://hk.news.yahoo.com/%E8%83% ... 0%B7-210448462.html
講返本中國模式先, 而家究竟係唔係洗腦, 真係留比大家去定. 不過我想指出當中第十頁已經比人傳到街知巷聞的一句 "進步, 無私與團結的執政集團", "政黨惡鬥, 人民當災" ; 其實大家都心中有數. 雖然 "政黨惡鬥, 人民當災" 的一部份全部以美國做例子. 但唔好忘記實情香港而家一樣有多個政黨 (雖則香港係冇執政黨呢回事, 但係立法會多黨派呢個係事實).
如果呢個真係中共派落黎, 要求梁振英一上任即時要做 o既 "政治任務", 我諗好多香港人都未必會妥協, 最小已經有前科 - 廿三條. 梁振英而家真係連位都未坐穩就已經面對自己班子/行會出問題 (事先有林煥光 (而家都叫解決左), 後有麥齊光, 下一個唔知會唔會到吳克儉呀下), 自己本身僭建問題未完, 民心已經唔係高 o既時候 (而家派下糖係高左小小咁大把, 斷估佢唔可以真係好似開水喉係咁派, 派足五年咁誇張吧); 仲要整埋所謂政治任務, 究竟中央係想支持梁振英, 定係覺得佢 "一百日" 就玩完, 就唔差在一次過谷埋去然後迫佢退位 ?
~ 歡迎討論 ~ |
|
LJ7006 = MF5119 = AVD1
|
|
|
老實講,要介紹甚至詳述中共政制都無可厚非,至少而家客觀上香港係在此政權之下。
但作為一份收教育局錢出版的參考資料,加入「進步無私團結」等價值判斷就有不妥,
因為這些只是見仁見智,「進步無私團結」不是中共制度的一部分。
中華人民共和國憲法也沒有提這個政制係「進步無私團結」,
「團結」只係目標,「進步」要努力,「無私」更係無提過。
講咩「政黨惡鬥人民當災」就更加係粗暴干涉別國內政。
「人民」一詞就隱含「領導vs人民」的階級思想,
在美國或其他民主制度下,任何當權者都只係由其他國民選出來的代表,
任期開始前或完結後佢同其他國民無分別。
「國民」唔係被動地只受政黨擺佈的「人民」,而係有監督權、選舉權、被選權,
人地政黨惡鬥,「人民」唔係坐定定等「當災」,而係起身投票攆走表現不稱職的代表。
而所謂「政黨惡鬥」,亦只係各自代表不同利益團體據理力爭,
既然社會唔係homogenous,政黨也不會只有一種聲音,有衝突好平常。
在議會內靠議事或其他合法手段(如拉布)達到自己(所代表之利益團體的)目的,
議會外,民眾對政客不滿,短則用示威施壓,長則用選票懲罰,個遊戲根本係咁玩。
自己唔識玩/唔肯玩/無得玩就話人地個遊戲唔好玩,我只係聞到好大陣酸葡萄味。
[ 本帖最後由 DIH 於 2012-7-20 16:40 編輯 ] |
評分
-
查看全部評分
|
|
|
|
可唔可以唔好民族主義?
除非你響中國大陸出世,否則「你係中國人」呢個標籤只係共產黨強行在BNO問題上加落你度
成篇文第一個,亦係最重要嘅立論已推翻 |
|
|
|
|
國民教育係應該推行的,但唔該佢,有關歌頌共產黨的東西,全部刪除。
真正的共產主義根本唔係大陸個套,大陸係行緊比資本主義更資本的主義。
叫學生愛國,保護國土,維護國家尊嚴就對的,要以愛國為目標。黨係政治上
係可以因為人民要求而更換,所以,如果要放共產黨的東西,也要中立,連國民黨
也要放埋落去,六四事件也要中立報導,而不是說那些什麼小事情之類的,
那我會支持國民教育囉。最重要的一件事,黨大於國的風氣,是此風不可長。 |
|
|
|
|
主要係,國民教育整個行動都太有左傾色彩
加上近期一些唱紅行為....就算無黎本書,我都唔知點信你
更何況本書,我覺得受過香港公民教育的群眾都應該覺得點解可以偏垣到咁.....
偏垣+民族,係最恐怖的民族主義,俾即是無原則,只要信.....
咁你叫人點相信你唔係有目標地偏垣
要記住,中華民族是共產黨將咁多個似是而非的民族夾硬叫出黎既名....
我唔介意你偏垣,你認你偏垣咪得,又唔認,算點 |
|
|
|
|
原帖由 kp3011 於 2012-7-20 16:31 發表
可唔可以唔好民族主義?
除非你響中國大陸出世,否則「你係中國人」呢個標籤只係共產黨強行在BNO問題上加落你度
成篇文第一個,亦係最重要嘅立論已推翻 ...
講真我自己就覺得 BNO 根本就係一個怪胎,
英國又唔會認時大陸又唔會認,
強迫你要係中國公民 ~
老實講當初香港人都進貢唔小比英國,
英國佬真係冇咩理由咁樣對香港人;
同樣地葡國自己一樣比澳門人有居留權 ~
而家做埋個咩國民教育出黎,
某程度上我自己就覺得而家就係要洗去以前英國留比香港人 o既良好制度 ~ |
|
LJ7006 = MF5119 = AVD1
|
|
|
原帖由 cx838 於 2012-7-20 18:01 發表
國民教育係應該推行的,但唔該佢,有關歌頌共產黨的東西,全部刪除。
真正的共產主義根本唔係大陸個套,大陸係行緊比資本主義更資本的主義。
叫學生愛國,保護國土,維護國家尊嚴就對的,要以愛國為目標。黨係政治上
係可以因為人 ...
如果六四可以中立,
我諗維園唔會年年叫平反六四,
其實如果大陸肯解放自己思想,
根本老早就唔會搞到自己上面咁亂 ~
進步無私團結呢六個字都講得出,
我就真係已經對政府極為反感 ~ |
|
LJ7006 = MF5119 = AVD1
|
|
|
坊間很多人都說國民教育會令人洗腦, 又想問句, 如果跟本上你唔會接受一樣東西, 點同你講你都係唔會入腦, 好像宗教一樣, 你根本上唔會接受任何宗教, 同你怎樣講一樣係唔會入腦, 白粉K仔, 你明知有問題唔會接觸, 就算人地怎樣說你都係唔會試. |
|
|
|
|
原帖由 Alex_Tsang 於 2012-7-22 16:30 發表
坊間很多人都說國民教育會令人洗腦, 又想問句, 如果跟本上你唔會接受一樣東西, 點同你講你都係唔會入腦, 好像宗教一樣, 你根本上唔會接受任何宗教, 同你怎樣講一樣係唔會入腦, 白粉K仔, 你明知有問題唔會接觸, 就算 ...
好簡單,真正受過中共「國民教育」,又未見過六四的內地八十後九十後,
正是近期全國各地群眾運動的主要發起者、傳播者和參與者。
即係話都唔使舊恨,單係新仇已經可以搞到全國遍地開花。
而家主要辦學團體都撐到恆,短期內應該主要係會撲火;
就算將來真係強推,我相信香港都有足夠數量有良心的教師知道點做。
其實即使而家都有一班政治冷感或甚至係挺共的中學生,
無論有冇教局所謂的國民教育,香港都一樣係一樣米養百樣人。 |
|
|
|
|
教育局局長吳克儉已在他的網誌回應此問題, 不如大家一同看看其內文再回應吧, 另外, 大家要留意這科目是德育及國民教育科, 不只是國民教育而已, 千萬不要被個別傳媒誤導.
兼容不同意見 培養獨立自主學生
(三年開展期讓學校循序漸進推行德育及國民教育科)
德育及國民教育科課程指引(小一至中六)
--大家可留意上面指引內的下面數個範圍:
1.2 課程宗旨
1.5.2 培育價值觀和態度
1.5.5 德育與國民教育的關係
1.5.6 國民教育與公民教育的關係
2.2.4 國家範疇的學習目標
2.5 各學習階段的課程內容
3.2.2 與各學習領域/科目互相配合
3.2.7 學生族裔及文化背景的考慮
4.2.2 學與教策略建議內的B部
附錄二
附錄四
附錄五
附錄六
只要看過上面數個範圍, 大家便能看出這指引其實和現時的常識科, 生活與社會課和通識科相約, 與歷史科也相關. 那些有爭議的事件其實也可討論的, 故此所謂洗腦之說其實是站不住腳的.
[ 本帖最後由 hkth 於 2012-7-22 23:06 編輯 ] |
|
|
|
|
|
Advertisement
Advertisement
Advertisement
Advertisement
Advertisement
|