DSE放榜意見

DSE 放榜, 雖然我已經畢業好多年, 但以個人理解, 遊戲規則基本冇變,
有幾點想同應屆考生分享︰

1. JUPAS 排位︰
大學只會知你放邊個band, 唔會知你排第幾位。
Jupas 同大學獨立運作, 資訊冇好多傳聞咁流通, 唔會因為你唔係放A1而扣分。

2. 排位策略︰
好多人會建議排位應該band A開始放水泡, 保證有大學讀。
我只可以講, 唔好傻, 有大學讀唔代表你鐘意某一科, band A入亦唔代表你威D,
入左去有四年對住唔鐘意既學科, 到時仲辛苦。

Band A應該興趣先行, 進取少少並無不可。
當然「進取」亦請考慮自己有冇資格, 3322就唔好學人medicine / law放第一。
如果係marginal case, 唔肯定有冇機會入, 俾個機會自己無壞。
Band A搏, Band B中至尾就要開始穩陣。但冇必要A1開始就按收生高低排。

3. 重讀/其他出路
以前我曾經對過大量中下游學生, 考得唔好既, 我一定會講︰
跌得低, 最緊要識爬起身, 仲要識用正確方法爬起身。

好多人以為自己唔係讀書材料, 話自己已經盡力。
但所謂盡力, 可能只係你自己以為。
臨考試係有盡力溫書, 但仲有盡力上italk, 盡力去影車,
每日好努力地「溫四個鐘頭書」, 咁你最好反省下係咪叫盡力。

至於其他升學途徑, 又唔係窮途末路既...
花多一兩年亦唔係甚麼大事, 不過係燒銀紙厲害。
如果你覺得自己適合讀書考試, 重讀會比較經濟實惠,
當年我都有同學repeat完而家做醫生。

祝各位順心順意

[ 本帖最後由 kwyeung 於 2012-7-20 12:25 編輯 ]

A3開始要擺穩陣野，其實都叫有D原因
JUPAS每一科都會有隊排，亦都有收生既數目
佢派位既機制係，第一步會數返收生數目既Band A數量，夠數之後，後面全部都唔睇
假設某科收30個人，咁就會o係果科條隊開始數30個Band A學生
因為排頭既人唔一定全部都Band A，所以咁樣數，可能係數到條隊第70個人
咁由71開始打後果D就冇希望入果一科

點解要A3開始穩陣，就係因為到左marginal case
你擺B，好可能就會第一步畀人踢走
但若果擺A，分分鐘仲有隊尾排
入唔入到果科係後話，但最少唔好令自己連隊都冇得排
一個唔好彩，擺Band B果d全部咁樣落晒馬，就好大穫
所以我當年係視A3係一個安全網

選科一定要睇興趣，因為讀自己鐘意既野，成績隨時驚喜地好
但興趣還興趣，都要諗下將來
對理科人而言，如果唔係打算做research，咁不如讀BEng，BSci絕對係伏
識得兩個FD，出泥同樣係做environmental既野，BEng人工高過BSci果個超過一半

同埋我同意重讀係比較經濟
asso或HD再升，等於畀四年degree錢，去讀一個三年既科
十二萬幾變成十六萬以上，等於拖多你大半年既時間去還債
仲要已經比其他人遲左一年出身…

我無玩過jupas呢個遊戲，對揀科策略唔評論，以免誤人子弟。

原帖由 ~誰@359~ 於 2012-7-20 13:16 發表

選科一定要睇興趣，因為讀自己鐘意既野，成績隨時驚喜地好
但興趣還興趣，都要諗下將來
對理科人而言，如果唔係打算做research，咁不如讀BEng，BSci絕對係伏
識得兩個FD，出泥同樣係做environmental既野，BEng人工高過BSci果個超過一半

你果兩個做environmental既野的朋友，係咪兩個都同一級數的U，同一間firm做先？

我另一篇文提到果位當年會考10A，拎住張外國著名大學BS，
但係大學成績麻麻，入到跨國engineering firm做，
我隨口問過佢人工，佢話同香港fresh grad無分別
（不過我無再問落去，我唔鍾意同朋友講錢），
但係反正佢做得開心就得，唔駛成日OT，公司離屋企又近。

至於BEng vs BS的問題，我會咁睇。
呢個又係一個香港好悲哀的地方，美國不知幾鍾意BS同BEng，
晌美國而家失業率高踞8.1%不下、唔少大學畢業生畢業都未搵到野做果陣，
BEng同BS反而好搶手，失業率4%以下，尤其部份BEng學科，
唔少人依然係一畢業就幾份job offer。
BS都唔差，因為美國公司鍾意睇求職者的全方位能力，
BS（尤其physical sciences）同BEng的analytical skills一定強過其他人，
可惜香港唔睇呢D野，淨係重金融經濟。

不過香港讀BS，如果係三大而成績唔差，又唔諗住讀上去，
將來都可以諗教書呢條路，起薪點比起大部份工種高，
問題一定要自己鍾意、有教育抱負先得，況且入左去想轉返出來未必太易。

撇開$問題，應該係BEng定BS？我會覺得，
適合讀BS的人未必適合讀BEng，反之亦然。
因為pure science講求尋根問抵，所有野都會學得好透徹，
反而BEng應該唔會點講fundmental science、好多野唔會證明唔會prove，
你識左就算，相比之下講design/小聰明會多好多。
例如mechanical engineering教mechanics of solids，只會教你果幾條基本law，
而唔會問唔同固體的molecular structure有咩特點，
唔會問molecular motion / thermodynamics點樣導致不同的力學特性。
如果個人好肯定自己鍾意尋根問抵的，BS多數比較適合；
但係如果個人平時只係鍾意計下野，
諗下點砌下砌下搞件新野出來，並且對咁做好有滿足感的，BEng啦

我不論係當年undergrad FYP定係而家做緊既野都係跨學科，
collaborator都有engineering的人，我深深體會到大家之間極大分別，
我老細間唔中都會背後晌我面前鬧班engineers唔問fundamental science，
隨便寫條equation就算。咁實際上班engineers好多時
一樣野、一條數式有簡單方法寫出來，但係佢地唔識；
寫條law出來又唔問點解，呢樣野我暫時都唔係太接受到。

「第一步會數返收生數目既Band A數量，夠數之後，後面全部都唔睇」

呢個係一個美麗既誤解。
除少數科目, 大學收生仍然認分唔認排位。
先排分數, 然後同分數既按band去選擇。
只係近年好多專家建議學生要「安全」, 大部份人A3已經放水泡,
先營造到九成人係band A入既現象, 繼而有唔放Band A唔會睇既誤解。
呢樣野我曾向若干渠道求證過。

舉例, 加埋平均有5*, 入BBA Law / Medicine / Global business當然唔夠分,
如果有個學生A1- band C放哂呢類科目, 自然唔會入到,
但佢Band D放 科IED, 佢既分數夠入有餘, 放band D一樣會入到。
我曾經建議過人地咁排, 有唔止一個人Band C/D仍然入到HKU / CU。

除非某科講明只考慮Band A (呢類科兩隻手可以數哂),
我覺得Band B 放水泡已經係十分穩定。
至於點解年年有人排得唔好冇書讀, 多數死於太有自信,
以為某科係水泡, 又唔意識到自己無知, 好難唔浸死。

香港讀Science, 畢業後其實同讀BBA / Arts / Social Science分別不大,
唔做本行, 都係當general degree一個。
同年畢業既中學同學, 有七成讀完science之後都係做銀行、會計,
只有少量去教書, 少量去讀phd, 少量做回本行。

有興趣一報無妨, 入到大學minor 經濟/金融科目, 基本上出黎唔怕餓死。
工作與學科無關, 已經越來越普遍。
當然, 如果你話一畢業要>20k, 渣住個general degree就唔好要求太多。

講起讀教書, 除非你好有作育英才既抱負,
我又唔太建議人地刻意去讀, 或者第一份工就做教書。
一入候門深似海, 第一份工入學校, 基本上好難跳出黎；
跳得出黎既, 多數係好醒目, 做邊行都唔成問題。
調返轉, 你係其他行業浸淫幾年, 中途轉行教書, 反而大把學校請。

小弟當年聽JUPAS搞的講座，的確係話認分唔認bending。
JUPAS個機制，確保學生可以完全按成績入到排得最前的選擇。
（除佐某D必需擺Bend A的科目外）


2樓提及Banding行先派位機制，反而係近似小學派位的模式。
（最近其實有聲音要求將小學派位制度改成近似JUPAS的模式，減少排位策略帶來的幸運成分）


對於重讀，真係要睇下自己個情況。
如果係差一兩科的，又或者好有信心可以有好大進步，重讀的確係一個好選擇。
如果估計唔會有太大的進步，真係要認真考慮下其他升學途徑。
因為如果成績升唔到幾多，第二年好有可能會重蹈覆轍。

亦都唔好睇小重讀的壓力：小弟當年只係差佐少少，就“由天堂跌到地獄”，焗住要重讀。
雖然只係補番少少就夠，但係真係驚足成年。
因為萬一唔得，就浪費哂整年的光陰。

其他升學途徑無疑係燒錢，但好多時上到去己經係另一種玩法。
亦都可以話係行前佐一步。
不過點都好，最緊要都係睇自己興趣，情況同財政能力。

再0係興趣方面講多少少，最緊要搞清楚自己興趣之餘，
可行的話了解多D相關學科係咪真係同興趣相符。
同一行業有時會有好多相關的學科，唔同的學科之間的性質、學0既野可以差天共地。

例如同建造業相關的學科有建築、土木工程、屋宇裝備等，
見過唔少本身志向應該係match工程果面ge，又以為建築同工程系都係差唔多，就揀佐去讀建築（或相反）。
最後唔係讀佐一、兩年就頂唔順轉系，由頭黎過；就係基於其他原因，一路捱到今時今日。

[ 本帖最後由 s3n370 於 2012-7-21 19:23 編輯 ]

原帖由 s3n370 於 2012-7-21 19:20 發表

再0係興趣方面講多少少，最緊要搞清楚自己興趣之餘，
可行的話了解多D相關學科係咪真係同興趣相符。
同一行業有時會有好多相關的學科，唔同的學科之間的性質、學0既野可以差天共地。

呢度都想補充返少少，有時有d野自己以為係興趣，但係
以為還以為，都要認真了解下果門學科到底係咩一回事。

否則，日後「因了解而分手」都唔係少見。

尤其是pure science (math/physics為甚)，高中數學/物理的內容同教法
根本似係培訓一班technocrat/engineers多過教人點學science、點思考、點做科學家，
要求的思維、能力同技巧都同真正的數學同物理爭好遠。
A-level pure math/physics A左，但係入到大學讀到死下死下的人，大有人在，我見過唔少。

原帖由 S3BL100 於 2012-7-21 23:37 發表


呢度都想補充返少少，有時有d野自己以為係興趣，但係
以為還以為，都要認真了解下果門學科到底係咩一回事。

否則，日後「因了解而分手」都唔係少見。

尤其是pure science (math/physics為甚)，高中數學/物理的內容同教法
...

類似的情況在biological sciences方面都有少少，
AL Bio係有好多essay要寫，你識得背point都可以過到骨（而家我唔知改成點樣）。
但入到大學，無論選邊一科(CUHK: BIO/MBT/CMB/ENS/FNS etc)，
都係好需要理解，考試唔會再有一撻就25分的題目，而係要對學科內容有透徹理解先會答到。
當然另外還有做FYP之類，每人做實驗的遭遇都唔同，無可能靠符籙或者死背。
我講這些係因為當年中學都有唔少人（non-Bio同學或外人）認為Bio最緊要識背。他們錯了。

同S3BL100提到的情況吻合的現象是，我呢科年年都有人轉去讀英文系，
我這個「好科學」的人睇落覺得匪夷所思，但諗深一層，
可能佢地當年以為Bio係一個著重語文能力的學科（而其他野相對唔重要），
但讀過之後覺得唔對路，英文系比較適合，於是轉系了。

[ 本帖最後由 DIH 於 2012-7-22 10:41 編輯 ]

原帖由 kwyeung 於 2012-7-20 12:20 發表
DSE 放榜, 雖然我已經畢業好多年, 但以個人理解, 遊戲規則基本冇變,
有幾點想同應屆考生分享︰

1. JUPAS 排位︰
大學只會知你放邊個band, 唔會知你排第幾位。
Jupas 同大學獨立運作, 資訊冇好多傳聞咁流通, 唔會因為你 ...

好坦白講, 我自己在學校工作, 今次DSE放榜首天無論申請查卷及申讀重讀的學生都比AL少, 可能係外面的出路實在太多, 成績好入到大學自己心儀的學系固然開心, 成績中游的都有副學士或者IVE, 而成績差的都有不同的職業訓練, 加上DSE的考生沒有公開考試的經驗......
不過最終係點小弟都未知, 事關放完榜第二日小弟已開始放大假至5/8.

原帖由 kwyeung 於 2012-7-20 14:53 發表
講起讀教書, 除非你好有作育英才既抱負,
我又唔太建議人地刻意去讀, 或者第一份工就做教書。
一入候門深似海, 第一份工入學校, 基本上好難跳出黎；
跳得出黎既, 多數係好醒目, 做邊行都唔成問題。
調返轉, 你係其他行業浸淫幾年, 中途轉行教書, 反而大把學校請。..

轉出來有幾難就見仁見智, 好睇個人際遇
世侄女係舊年畢業 degree holder, 之後在社區中心做了大半年補習,
佢轉行時都要apply了接近三十份工, 中間才有5-6個面試, 最後只有一份offer, 但過程為時剛好半個月, 算係快
而面試問得最多的係為何要轉行, 還要轉入一行同佢degree無關的行業, 佢就以興趣過關

雖然現在份工offer唔高, 但我見佢做得幾開心, 畢竟在自己喜歡的行業工作, 滿足感是大好多