墨爾本遠郊車站的巨型Park n Ride停車場

以下係位於墨爾本遠郊的Narre Warren車站(離墨爾本市中心39.5公里)的巨型Park n Ride停車場(由8秒開始),
有近600個車位, 片尾可見停車場擴建工程進行中,
有超過一半停車場範圍係同車站隔左條馬路, 泊到最遠要行5分鐘兼過馬路先到車站

http://www.youtube.com/watch?v=-MGxQGa_ffM


Park n Ride對於香港人黎講非常陌生, 甚至有香港人認為有車做乜仲要渣架車泊低去搭車

對於公共交通差(尤其是市郊巴士)而又擁有繁盛CBD核心的墨爾本,
CBD及週邊泊全日車又難又貴, 全程渣車唔可行, 渣一個鐘車亦都太費神兼費油;
全程公共交通對於遠離鐵路車站的多數同樣唔可行,
因為市郊巴士大多班次疏落路線迂迴, 難以有效接駁鐵路車站;
遠離車站的多數上班族只有渣架車泊在車站(=屋企日間少左一架車用)或家人接載至車站(=買少一架車)再轉乘鐵路
(注: 墨爾本遠郊4人家庭往往需要3架車先可以有效率地生活)

墨爾本的Park n Ride停車場需求極大, 幾乎所有車站的停車場早上繁忙時間過後都會完全爆滿,
有部分車站更早到7點半前已經爆滿, 更會出現泊在草地、爛地、停車場通道、違例泊在鄰近街道的情況

[ 本帖最後由 Kaix 於 2012-7-21 23:10 編輯 ]

Park and Ride 係香港唔係太盛行，有車ge市民就通常直接駕車去目的地......或者係香港私家車唔係必需品，同埋其他交通工具ge配套都幾好，香港地又唔係咁大......不過Park and Ride 可解決塞車，同時減輕市中心空氣污染，唔錯ge措施


多倫多 TTC,  Finch Station Park and Ride timelapse...幾得意

http://www.youtube.com/watch?v=ALL1MmO-IE8

原帖由 bombardier 於 2012-7-25 19:13 發表
Park and Ride 係香港唔係太盛行，有車ge市民就通常直接駕車去目的地......或者係香港私家車唔係必需品，同埋其他交通工具ge配套都幾好，香港地又唔係咁大......不過Park and Ride 可解決塞車，同時減輕市中心空氣污染，唔錯ge ...

其實Park and Ride呢味野係D鄉郊地方用就真係好好用

全程搭車﹖個D鄉郊地方等巴士/綠頂駁鐵﹐駁長途巴個D等車時間同環境絕對唔比等外國D公交差
尤其是香港地熱天個陣﹐多植物既地方就特別多蚊蟲
香港地雖然唔係大﹐但呢D地方都唔係特別少

全程渣車﹖一諗到入市區揾位個下都已經夠惡頂﹐唔好話塞車

比著我住香港鄉郊地方﹐PnR其實都幾好用

原帖由 Mandurah__Line 於 2012-7-25 19:48 發表


其實Park and Ride呢味野係D鄉郊地方用就真係好好用

全程搭車﹖個D鄉郊地方等巴士/綠頂駁鐵﹐駁長途巴個D等車時間同環境絕對唔比等外國D公交差
尤其是香港地熱天個陣﹐多植物既地方就特別多蚊蟲
香港地雖然唔係大﹐但呢D ...

應該係話低密度地方有用, 低密度未必係鄉郊

在墨爾本, 近至離市中心10公里的市郊車站一樣有Park n Ride停車場, 一樣會爆滿

原帖由 bombardier 於 2012-7-25 19:13 發表
多倫多 TTC, Finch Station Park and Ride timelapse...幾得意

[url=http://www.youtube.com/watch?v=ALL1MmO-IE8

http://www.youtube.com/watch?v=ALL1MmO-IE8[/quote[/url]]


好誇張呢個

不過多倫多鐵路網唔夠Mel密同大, 車站亦較Mel疏, 可能因為咁多d人需要Park and Ride

港鐵唔係響彩虹站、上水站、青衣站搞過park and ride咩? 不過有冇人留意係另一件事

上水站的Park and Ride只做南行過九龍塘的生意，如果做埋北上的生意，一樣可以很旺。
青衣站明顯是地點問題，如果改用荃灣多層停車場來做，會比青衣好很多。設在青衣站，收北大嶼山客？東涌線要食一早食完，收汀九、深井客？屯公塞車，出青衣不如走青山公路出荃灣啦。

南大嶼山相信有唔少PARK AND RIDE o既例子…
不過係o係梅窩轉船…

錦上路站個park and ride不知幾受歡迎，早則十點幾，最遲中午就爆滿。
就算唔整多層，都應該將近錦上路站，封佐的出入口劃多幾個車位。

原帖由 stevenlim84 於 2012-7-26 10:55 發表
上水站的Park and Ride只做南行過九龍塘的生意，如果做埋北上的生意，一樣可以很旺。
青衣站明顯是地點問題，如果改用荃灣多層停車場來做，會比青衣好很多。設在青衣站，收北大嶼山客？東涌線要食一早食完，收汀九、深井客？屯公塞車 ...

青衣，以至九龍及香港站的泊車轉乘，似乎係想做入機場客多D。睇轉乘機場快線的大額優惠就知道。

不過九龍站似乎淪為圓方第二停車場。小弟亦視九龍站係往港島的Park and Ride車站。