強烈表揚在十號風球下工作之港鐵員工

強烈表揚在十號風球下工作之港鐵員工, 特別係東鐵既車站職員同司機
雖然你可以話佢地收得人工都預左要做, 但係事實上佢地做到既已經係盡一切所能, 保護了各位乘客的安全
所有當時當值既員工都係放低左自己既安全係一面, 盡全力保障乘客
佢地都有家庭, 佢地都有屋企人, 打風你估佢地唔會擔心自己屋企人嗎?
但佢地仍然緊守住自己既職責, 向乘客問責, 做好自己本份, 或本份更多的事

但故唔到既係, 香港有一部份破壞份子, 永遠只識要求多多, 永遠都要投訴一番先開心, 永遠要人做D咩都話人做得唔好, 永遠都係自己想點就要人地點
網上都開始出現批評呢班人, 支持港鐵員工的既討論
請容許我貼出該連結:
http://www.facebook.com/photo.php?fbid=10151779398725283&set=a.10151778056155283.402760.514010282&type=1&ref=nf
同意以上這論既朋友, 可以係度讚好又得, 上facebook forward條link又得
不過可惜既係, 依家香港新聞界都係泛民主導, 佢地永遠只會報導有關批評之報導
http://cablenews.i-cable.com/webapps/news_video/index.php?news_id=388574
特別係由泛民議員批評之報導, 與及從中找出過失之地方
[url=http://hk.news.yahoo.com/港鐵千客呆通宵-被轟3罪未道歉-213730578.html]http://hk.news.yahoo.com/港鐵千客呆通宵-被轟3罪未道歉-213730578.html[/url]
http://rthk.hk/rthk/news/expressnews/20120724/news_20120724_55_857398.htm
http://rthk.hk/rthk/news/expressnews/20120724/news_20120724_55_857264.htm
http://hk.apple.nextmedia.com/realtime/news/20120724/51021981
http://hk.apple.nextmedia.com/news/first/20120725/16544484
一個批評可以出幾次新聞, 提完再提, 講完又講, 永遠都係雞蛋入面搵骨頭, 永遠都係馬後炮
對於網上呢D支持人地, 正面既所有消息, 同泛民議員唱反調既野, 佢地永遠一定不提, 我地都唔會係報紙&電視既新聞中睇到
因此, 我唯有係我有發言能力既地方, 發表我對港鐵員工既讚揚
雖然港鐵好多事都真係值得大家批評, 但係以呢件事上面, 呢班前線員工, 真係值得表揚

PS:
唔知係咪應該係鐵路版講呢D半政治既事, 但都係果句, 有錯的話, 扣分我唔會介意

[ 本帖最後由 HU6455 於 2012-7-25 18:08 編輯 ]

正所謂唔做唔錯，港鐵最好的做法就係唔做，收車，天有不測風雲，人地唔體諒你你都無必要社會責任到9號風球....

一句安全都打得死你啦.....

原帖由 HU6455 於 2012-7-25 17:54 發表
強烈表揚在十號風球下工作之港鐵員工, 特別係東鐵既車站職員同司機
雖然你可以話佢地收得人工都預左要做, 但係事實上佢地做到既已經係盡一切所能, 保護了各位乘客的安全
所有當時當值既員工都係放低左自己既安全係一 ...

當晚亂不亂, 安排如何我不論, 大家有眼見.

實情是職員的苦況不比乘客差, 當晚最少10幾20個司機在駕駛室渡過一晚, 部份更加之前落過路軌協助掛車鈞以便柴油機車拖往附近車站,

他們全身濕透, 亦有部份司機沒有糧食, 沒有水飲. 同樣地加班加通宵, 第二天8,9點才可以收工. 9/10號風球做一轉, 一點也不好受, 您不知道

何時有樹倒塌, 不知道何時被木板飛中. 維修員橫風橫雨下, 去搶修已損毁的電纜, 車站職員原本也可以下班, 但由於列車在中途站停止服務,

也要去照顧乘客及被沒理的乘客破口大罵, 他們也是加班加通宵. 總數加起來, 最少100幾200員工都要加班加通宵, 雖然有部份是原先通宵當值,

但只佔少數, 請問這些員工也好受嗎? 報紙只會述乘客點苦點苦, 點樣無助, 有沒有關心過那些員工呢? 他們一樣苦. 員工也是人, 一樣有家室,

一樣有家不得, 一樣要滞留車站, 為何報紙不會寫"幾百員工滿留, 有家歸不得"呢?

[ 本帖最後由 前KMB員工家屬 於 2012-7-25 23:41 編輯 ]

我認同前線員工的努力與勞力，並讚揚他們盡忠職守，打風仍然代替高層做出氣袋。

我認為需受批評的只是管理層而非前線員工。

且看明日職工會的記者會的火味濃不濃吧

明日係工 _ 會插 _ 家富

原帖由 hkbw 於 2012-7-25 23:36 發表
我認同前線員工的努力與勞力，並讚揚他們盡忠職守，打風仍然代替高層做出氣袋。

我認為需受批評的只是管理層而非前線員工。

且看明日職工會的記者會的火味濃不濃吧 ...

等於支持高層的縮皮手法兼將事情輕輕帶過？

原帖由 h2o 於 2012-7-26 01:10 發表
等於支持高層的縮皮手法兼將事情輕輕帶過？

我其實懷疑鐵記跟本無打算提早收車......要班靚做到夠鐘......

點知衰D講法，就係天都玩你.....做鐵記員工都好牙煙，以前九鐵都會收，今日咁都仲本來話想做到尾車，有咩可能.....

開又鬧，唔開又鬧
通常八號至九號港鐵就維持"有限度服務"，根本已經做得好盡
怕你未返到屋企趕得幾多得幾多

你估d職員唔係人呀
佢地雖然要果晚當值，但係冇義務做額外既野架，如果唔係服務中止而要安頓乘客既話
咁危險既情況，究竟係繼續行定係留係有瓦遮頭既車站安全，大家心知肚明。
就係唔明白呢班乘客，唔了解人地既難處，唔了解繼續服務既危險
東鐵綫分分鐘仲危險過東涌綫，萬一個風吹到架車出軌、電纜斷裂，做成更多傷亡邊個負責？
港鐵管理層？運房局局長？港鐵職員？定係嘈住話要開車既果班乘客？

唔通港鐵勁到識先知知到有棵樹會係11點20分之後倒塌？一味靠賴，點解唔怨自己個僱主唔俾早走
搵班真正捱夜、有家歸不得、風雨不改修理故障既職員來出氣，呢樣公平嗎

大家有意見的話，不妨向政府and/or港鐵表揚前線員工，講出我地作為旁觀者的想法。
如果連政府開會都係對港鐵鬧鬧鬧，個怨氣彈就會一直跌返落前線員工身上。

運房局：
http://www.thb.gov.hk/tc/aboutus/organisation/index.htm
http://www.thb.gov.hk/tc/contact/transport/index.htm

至於港鐵，有人話唔想電郵被炸，所以email係唔公開的，唔講了。
但郵寄地址係公開的：香港郵政總局信箱9916號

錦上添花易，雪中送炭難，我而家係驚一班仆心仆命的員工會否受到高層責備。

中肯D講，其實呢單野上面有三個角色：
Ａ）ＭＴＲ管理層
Ｂ）ＭＴＲ前線員工
Ｃ）乘客

ＭＴＲ管理層有管理層既責任，ＭＴＲ前線員工有前線員工既責任，乘客有乘客既責任
ＭＴＲ管理層既責任就係打風前後安排好一切列車班次，定出唔同應急方案，讓乘客乘搭列車
ＭＴＲ前線員工既責任就係跟從上級／管理層既指示，理行自己職責
乘客既責任，就係對自己自身安排既責任，用常識去衡量咩叫安全同唔安全

責怪人地之前細心諗下，ＡＢＣ三方各自有冇做好自己本份先？而你又係屬於邊一方？
你係Ｃ）乘客，如果你無做好對自己既責任，就無權去責怪人地
正如Ａ）ＭＴＲ管理層及Ｂ）ＭＴＲ前線員工，佢地會責怪Ｃ）乘客嗎？

而我呢個貼，主要係針對Ｂ）ＭＴＲ前線員工，對佢地作出表揚，大家總係要把Ａ晍Ｂ連埋一線講，跟本唔合理

另外，無論係本版／定街外，都出現好多不理員工死活，總之一定要有車開既人，我會對呢班人默哀一分鐘，因為佢地良心已死
仲有就係，對於果Ｄ打風時大覺訓，打風後講風涼話既議員／版友，我會對你地十分敬佩，因為你地既自私自利，程度上已經無人能所及，道行亦太高，既然你地對香港咁多不滿，我覺得香港始終唔岩你地，請你地快Ｄ搵到個設備／應變能力比香港更高既地方吧！！！

[ 本帖最後由 HU6455 於 2012-7-26 14:53 編輯 ]