九龍巴士, 曾幾何時的"優質企業"

原帖由 ATR83 於 2012-7-26 00:00 發表
第2點,ADL現時處理緊新城龐大訂單,九巴係老友都要等下先
第3點,Scania嫌九巴要求多多,加上ASU1事件,唔願接佢生意;同20部ASU無關,果次係九巴要左人地撻訂既車先買到

咁搞法, 九巴今次真係"四面楚歌" (最怕佢北上搵國貨返黎用)
反而其他可以簡就得下面呢幾間(最穩陣係Wright有底盤、車殼, 近年有合作開)
英國: Wright、Optare(Ashok Leyland子公司)、Iveco,
歐洲廠就有VDL; 德國果邊就Neoplan+Man、Benz(有晒積怨)...

原帖由 gn3509 於 2012-7-26 01:40 發表
點解兩架AVBW入到黎，咪同屏廈路一樣，條路行得12米，但九巴只敢用細車一樣，
九巴一向係保守穩陣派
你話佢過份保守冇人反對，但拎呢樣野黎抽水我就覺得未免太誇張

呢邊廂有人話唔開車棄客不顧就話係保守穩陣派
果邊廂有人話開車俾客就係人情，唔開車就係道理
乜而家呢啲就係香港公司待客嘅服務？
而家講緊全區幾萬人要搭車
作為區內最大公司
居然可以幾乎全區路線都唔開
咁做仲可以叫以客為本、永遠擺客第一位嘅公司？

九巴前日咁樣做法，有人仲可以幫口講說話
我真係感到無言

都係啦，如果佢真係咁冇心做既
咁點解有部份線可以一落波就有車，有部份線咁遲先有車，而唔係全部線三點幾先有車？
九巴大細超？其實答案好清楚，上面版友都好詳細講左個實際情況新聞都有報導，有唔少路段塌樹，行車就好似障礙賽咁
我都唔再多講，要怪就怪呢間公司叫九巴 ( 就好似上面一位版友簽名檔所講，今期流行 : 九巴是原罪 )

PS. 冇錯我係幫九巴，有道理我就會幫。

[ 本帖最後由 AP38 於 2012-7-26 08:06 編輯 ]

原帖由 AP38 於 2012-7-26 08:02 發表
都係啦，如果佢真係咁冇心做既
咁點解有部份線可以一落波就有車，有部份線咁遲先有車，而唔係全部線三點幾先有車？...

乜你咁樣釐定一間公司有冇心做嘢？
如果係咁，都幾兒戲喎

原帖由 sea1986 於 2012-7-26 08:11 發表

乜你咁樣釐定一間公司有冇心做嘢？
如果係咁，都幾兒戲喎

冇，我跟返你地標準姐

城巴一落波就有車 = 優質服務，比九巴好
九巴一落波就有車 = 應份，不值一提

原帖由 AP38 於 2012-7-26 08:18 發表
冇，我跟返你地標準姐

城巴一落波就有車 = 優質服務，比九巴好
九巴一落波就有車 = 應份，不值一提

冇人講一落波就有車係優質服務喎，請你唔好亂扣帽子
問題而家係落左波，全港打工仔就要返工
但一間巴士公司仲可以懶懶行，唔出車
咁係咪應受譴責？

當人地可以出到車嘅時候，你仲可以做車展嘅
俾客見到點都會激氣，點講都講唔通

咁事實上人地係出到車，盡力維持到服務
但九巴似乎冇跡象咁做
難道眾人對此不滿都係冇道理？

閣下麻煩講下道理好冇？

原帖由 AP38 於 2012-7-26 08:02 發表
都係啦，如果佢真係咁冇心做既
咁點解有部份線可以一落波就有車，有部份線咁遲先有車，而唔係全部線三點幾先有車？
九巴大細超？其實答案好清楚，上面版友都好詳細講左個實際情況新聞都有報導，有唔少路段塌樹，行車就好似障礙賽咁
...

或者咁講啦, 大家插來插去只係將軍澳 (再加其他地區零星小事件)

而近期單單新聞都同K廠有關,
收車假棍又係佢, 盤數最爛又係佢, 連打風開車都做唔好,
我係九巴就諗方法整治一下。

再唔係， cut 咗九巴喺將軍澳嘅專營權，
除咗少數好似 91M 咁嘅線之外，統一交由新巴處理，搞掂。

今次單野九巴雖然有點責任, 但其實路面上惡劣情況又有幾多人知?

如果你有係落波前一小時出去的話, 你就知道, 今次十號風球塌下的樹一定唔止政府公既千三~

路面情況惡劣到不得了~ 消防, 漁護署, 食環署下的外判工人不斷清理風暴過後, 滿目瘡痍的境況~~
唔夠人手到琴日黃雨四圍好快就水浸, 因為d樹葉係渠口清唔切~~

老實講, 有人話打完風仲停廿四小時會令經濟有好大損失~~
乜個d億億聲既錢有你份袋? 有冇諗過路面情況, 不同地方滿佈既危險?

仲有d刻薄老板, 打完風即刻要人返工, 唔係就扣錢, 大家又好鼓勵?!
有人話向鐵路維修部人員致敬, 係颶風下仍然努力維修, 但大家又有冇諗過當中既危險? 出左事一句致敬了事?
人地成個家點算好?

八號風球天氣一般唔會太差, 損毀程度都唔會咁大, 但十號風球下的風力, 影響之大, 真係唔值得多花一天時間處理,
等各單位可以在天氣轉好下才作維修清理, 不用苦了一眾前線員工在颶風下冒險搶修, 亦可減少突然上班人潮對
受度唔同程度損壞/阻礙的路面 的超過負荷呢?

原帖由 238X 於 2012-7-26 10:07 發表
再唔係， cut 咗九巴喺將軍澳嘅專營權，
除咗少數好似 91M 咁嘅線之外，統一交由新巴處理，搞掂。

前日新城及九巴採用不同的處理方法, 結果就新城受讚, 九巴受靶~~其實可能發生既情況, 一共如下:

1. 新城, 九巴一齊唔開車  ---> a. 一齊被罵 b. 一齊回應一齊指路面不適合行車
2. 新城開車, 九巴唔開, 冇任何意外發生 ---> 新城受讚, 九巴受靶
3. 新城開車, 九巴唔開, 新城有意外發生 --> 新城受靶, 九巴受讚
4. 跟2情況倒轉
5. 跟3情況倒轉

我就覺得, 城巴基本上係幾搏, 尤其咁既路面情況下, 唔出事真係算好好彩~

所以究竟係咪九巴問題呢? 我有保留~