九龍巴士, 曾幾何時的"優質企業"

九記見到有冧樹都照出車，會唔會出事係未知數
我只係知，大把老闆要求兩個鐘甚至更少時間要返到公司
九記唔出車搞到返唔切就肯定出事
咁係咪唔應該插九記，應該插D老闆？

我會覺得，因為之前太多單抽九記水，或者鬧到過晒火既新聞
而令到有部分板友開始唔識分乜野叫抽水乜野叫抵鬧

原帖由 hkbw 於 2012-7-26 10:38 發表
今次單野九巴雖然有點責任, 但其實路面上惡劣情況又有幾多人知?

如果你有係落波前一小時出去的話, 你就知道, 今次十號風球塌下的樹一定唔止政府公既千三~

路面情況惡劣到不得了~ 消防, 漁護署, 食環署下的外判工人 ...

可以講塌樹唔止千三,條街到今朝都仲未清理晒,可想而知塌樹情況幾
嚴重,當然唔明梁特首打完風除左去左上環走左轉外就無點提過風災

講真每區主任會自行判斷條路係咪合適行車,無事發生還可以,有事發生
邊個可憐,做花生友容易但落場做邊可能完全顧得晒,安全保障乘客幾時
重要過有無車,無車坐咪改搭第二條線,架車唔安全有上無落你話邊樣緊要d

樓上幾位講到咁口響，咁點解咁多營業者
(新城 + 小巴) 出到車又無事，淨係九巴 (喺嗰度) 做唔到？

我覺得九巴同你哋可能都高估咗「危險性」。

原帖由 orange 於 2012-7-26 10:56 發表

講真每區主任會自行判斷條路係咪合適行車,無事發生還可以,有事發生
邊個可憐,做花生友容易但落場做邊可能完全顧得晒,安全保障乘客幾時
重要過有無車,無車坐咪改搭第二條線,架車唔安全有上無落你話邊樣緊要d

落波出車，可能出事爆穫
落波明明行到都淆底唔出車，就肯定出事爆穫
乜咁樣比較左，仲需要考慮D乜？
除非你覺得叫人行路出市區，又或者等兩個幾鐘小巴係「冇事發生」…

原帖由 hkbw 於 2012-7-26 10:38 發表
老實講, 有人話打完風仲停廿四小時會令經濟有好大損失~~
乜個d億億聲既錢有你份袋? 有冇諗過路面情況, 不同地方滿佈既危險?  

版友，好多時經濟損失數字，我地呢啲普羅大眾唔會即時感受到
而且呢啲損失數字係會有，只係唔會明顯、亦唔會即日見到
難道你個銀行戶口啲錢會因為打風即時冇左筆？
經濟係長遠睇嘅
好似歐債危機當年亦唔係即時反映到出嚟
係呢兩三年先浮現
換句話講，因打風而停市停工、經濟活動全部停止嘅損失一定會有

公司損失左，咪隨時搵打工仔開刀囉
咪即係一條數

而且你真係覺得經濟數據會真係反映到普羅大眾嘅真實情況咩？
香港2011年人均GDP夠話有3萬幾美金啦，事實又係咪咁？

我個人都贊成十號波落波後可以唔駛即時復工架
最多延長少少時間，由而家2個鐘加到3個鐘內返到崗位都得架
駛乜停多24個鐘咁誇張？
駛唔駛幫閣下執靚番條路、執清番好似打風前咁樣先復工？
講要求都要合邏輯少少啦

原帖由 238X 於 2012-7-26 11:02 發表
樓上幾位講到咁口響，咁點解咁多營業者
(新城 + 小巴) 出到車又無事，淨係九巴 (喺嗰度) 做唔到？

我覺得九巴同你哋可能都高估咗「危險性」。

而家冇出事, 大家可以大大聲話人地高估左既~~

但如果出左事呢~~就唔係咁架啦~~

當然, 呢個世界冇如果~

原帖由 ~誰@359~ 於 2012-7-26 10:51 發表
九記見到有冧樹都照出車，會唔會出事係未知數
我只係知，大把老闆要求兩個鐘甚至更少時間要返到公司
九記唔出車搞到返唔切就肯定出事
咁係咪唔應該插九記，應該插D老闆？

我會覺得，因為之前太多單抽九記水，或者鬧到過晒火既新 ...

小弟一向同意要插既係老闆~~打風之後兩個鐘以內還更短要返到公司個d叫刻薄, 唔係叫合理~

有唔少大公司規定係 asap, 或係 if feasible~

d老闆繼續咁刻薄法, 係時候要為惡劣天氣下的工作安排立法了~

原帖由 238X 於 2012-7-26 11:02 發表
樓上幾位講到咁口響，咁點解咁多營業者
(新城 + 小巴) 出到車又無事，淨係九巴 (喺嗰度) 做唔到？

我覺得九巴同你哋可能都高估咗「危險性」。

紅van甚至少部分綠van响八號波發出兩個鐘後仍然能夠行車，
同巴士冇可比性。
而家冇事發生當然可以話人高估危險性，馬後炮邊個唔識，
如果最尾結果係出事，怕且說話又會唔同晒。

原帖由 ~誰@359~ 於 2012-7-26 11:03 發表
落波出車，可能出事爆穫
落波明明行到都淆底唔出車，就肯定出事爆穫
乜咁樣比較左，仲需要考慮D乜？
除非你覺得叫人行路出市區，又或者等兩個幾鐘小巴係「冇事發生」… ...

冇出車既爆鑊最多係怨聲載道，
有出車既爆鑊係人命傷亡。

我絕對覺得，板友同埋九記車務
都係畀東鐵果晚出左事，而影響左對於九記落波唔出車一事既判斷

但大家要搞清楚，兩件事本質上係有分別
不論係時間、當時天氣環境、以至係乘客搭車既目的同原因，都係完全唔同


唔少人只係睇到「出左事邊個負責邊個可憐」
但一直都忽略左「唔出車已經出左事」呢個事實
一係可能衰，一係一定衰，點解唔pick一個令自己可能唔洗衰既option？