九龍巴士, 曾幾何時的"優質企業"

原帖由 hkbw 於 26/7/2012 11:30 發表

咁講可能更精準: 我發現呢度多位人士對人命的價值看得十分低~

有啲嘢應該攞平衡，停多 24 個鐘根本係不切實際。

而且更加重要一樣嘢：你低估咗其他人對事件嘅判斷能力。
退一萬步講，就算我同 sea1986 兄思慮不周，
你亦唔應該假設大部份人都係咁。
大部份人都識自己執生、都會衡量出街風險大細。
雖則條命緊要過份工、無咗份工最多搵過
(而且如果因為咁而好多人無工開，暴動都似)，
但既然大家都行得出嚟，無理由大家都係戇居友吧？

只要有風暴後仍然能夠過到雙層車o既, 出入將軍澳o既道路,
無論任何巴士公司, 都應該盡快恢復當區服務.
哩度所指包括坑口道, 將軍澳隧道, 同寶林路.

所以我一早o係風暴服務篇文度,
提出話有返將軍澳工業村人士坐冠忠車,
朝早11點半返到公司, 而部車係60座旅遊巴,
證明並非環保大道近九巴廠有事.

就算真係環保大道出將軍澳全封, 令將廠無法出車,
點都可以九廠拉車入去將軍澳各村開車掛?
而假如只係入總站塌樹, 各線絕對可以擺街邊上客,
至多叫交通警幫手指揮.

所以另一樣要求證, 就係101, 601, 同各新巴將軍澳線,
當日朝早係咪迅速恢復服務,
而當日上晝10點半我已經見有新巴601由秀茂坪開車,
只差在無法求證架車係邊度開去寶達做生意.
另外要求證新巴以上各線當日朝早該時段有冇由將廠出車,
假如係, 即係有人玩o野.

估計玩o野者: (無限上綱模式)
一, 係運輸署飭令九巴要遲開, 務求為將軍澳線客量篤數爆燈,
二, 係九巴高層乘機放棄將軍澳市場一日咁多止蝕,
三, 係將軍澳廠管理層保障前線員工安全, 所以完全唔出車,
四, 係將廠司機同前線人員夾份乘機罷工, 抗議公司打風福利, 甚至日常待遇或福利不足.

以上我覺得, 第四點相當有嫌疑.

[ 本帖最後由 transbus 於 2012-7-26 11:50 編輯 ]

原帖由 sea1986 於 2012-7-26 11:36 發表

閣下似乎冇對所有事件以多角度分析
大家都有喺人命與服務仲有經濟之間取平衡
但閣下只一昧斟酌十號風球24小時內仍然停工同埋認為其他人視人命如無物
呢啲超乎一般邏輯嘅建議
當然不被眾人可以接受 ...

亦唔見得你有從多方面探討問題~
24小時只係一個普遍的講法, 要再講落去仲有一些準則, 不過咁, 我唔認為有人有興趣討論, 只係鍾意拼老命為大商家搵錢~
所以我都唔認為需要再詳細講下去~

我睇唔到呢度d人有係人命與服務仲有經濟之間取平衡~~
我只見到一堆人只向錢看, 盡其量只係考慮埋自己條命, 但冇考慮人地條命~

原帖由 hkbw 於 26/7/2012 11:44 發表

24小時只係一個普遍的講法, 要再講落去仲有一些準則, 不過咁, 我唔認為有人有興趣討論, 只係鍾意拼老命為大商家搵錢~
所以我都唔認為需要再詳細講下去~

我睇唔到呢度d人有係人命與服務仲有經濟之間取平衡~~
我只見到一堆人只向錢看, 盡其量只係考慮埋自己條命, 但冇考慮人地條命~

你講到我哋咁市儈？好囉，咁我認市儈囉，
你講哂囉，唔講囉

我都想知喺架車危險啲定係迫人喺條街度頻頻撲撲
(given 佢哋已經作出出街的判斷) 危險啲？
真係牛皮燈籠點唔着。

[ 本帖最後由 238X 於 2012-7-26 11:49 編輯 ]

原帖由 hkbw 於 2012-7-26 11:44 發表

我只見到一堆人只向錢看, 盡其量只係考慮埋自己條命, 但冇考慮人地條命~

o係成班人都要兩粒鐘趕返公司果陣
我睇唔到自己條命同人地條命有咩分別
因為大家都只係商業社會下既一個齒輪，都係返工搵錢過活，都可能係畀同一個大老闆糟質

當然，可能你唔係，所以你清高
我知你一定係良心顧主，有冇好路數介紹下細佬？最多你o係italk畀人圍果陣幫下你口囉

[ 本帖最後由 ~誰@359~ 於 2012-7-26 11:52 編輯 ]

原帖由 238X 於 2012-7-26 11:39 發表


有d嘢應該攞平衡，停多 24 個鐘根本係不切實際。

而且更加重要一樣嘢：你低估咗其他人對事件嘅判斷能力。
退一萬步講，就算我同 sea1986 兄思慮不周，
你亦唔應該假設大部份人都係咁。
大部份人都識自己執生、都會衡量出街風險大細。
雖則條命緊要過份工、無咗份工最多搵過
(而且如果因為咁而好多人無工開，暴動都似)，
但既然大家都行得出嚟，無理由大家都係戇居友吧？

八號風球後如果要多停工一日, 確實係不切實際~
但十號風球呢, 絕對係有需要~~再精準些, 都唔應該用十號風球, 可以的話應該用
風暴對本港各處做成的破壞而定~

好老實講, 有些事情不用假設, 而是看事實~
而你最後寫既問題, 我會好有保留~

原帖由 transbus 於 2012-7-26 11:42 發表
只要有風暴後仍然能夠過到雙層車o既, 出入將軍澳o既道路,
無論任何巴士公司, 都應該盡快恢復當區服務.
哩度所指包括坑口道, 將軍澳隧道, 同寶林路.

所以我一早o係風暴服務篇文度,
提出話有返將軍澳工業村人士坐冠忠 ...

印象中296系好早就重新投入服務，之後到中午98D／297都再次投入服務，
係寶琳路堆線要去到下晝先有番車。