九龍巴士, 曾幾何時的"優質企業"

原帖由 ~誰@359~ 於 2012-7-26 11:50 發表
o係成班人都要兩粒鐘趕返公司果陣
我睇唔到自己條命同人地條命有咩分別
因為大家都只係商業社會下既一個齒輪，都係返工搵錢過活，都可能係畀同一個大老闆糟質

當然，可能你唔係，所以你清高
我知你一定係良心顧主，有冇好路數 ...

或者你睇到既可能只係趕返工個班人, 但有冇諗下如果冇另一班人係老早都未知幾時落八號, 甚至可能係十號, 就因為要盡量確保
落左風球之後, 市民可以即時趕返工而要下的功夫? 有冇諗過個如果制度下唔係要十號風球剛過, 只要一落到三號風球就要
上班, 呢班人需唔需要咁樣搵命搏?

個朝八號時, 不論係警察, 消防還是其他部門的外判清潔工, 已經非常落力去做~ 到大家三號出來見到個環境時,
雖然都係惡劣, 但其實已經較早上更早時好好多~

老實講, 我會覺得九巴唔出車儘其量只係保守, 冇乜可以鬧~ 甚麼貪生怕死, 甚至無心服務, 我覺得係難以成立, 只可以話係fair enough~
城巴肯出車, 我只會講希望冇事~搏到讚賞佢可以慢慢享受, 但唔代表隔離公司保守係有罪~

原帖由 hkbw 於 2012-7-26 11:44 發表
亦唔見得你有從多方面探討問題~
24小時只係一個普遍的講法, 要再講落去仲有一些準則, 不過咁, 我唔認為有人有興趣討論, 只係鍾意拼老命為大商家搵錢~
所以我都唔認為需要再詳細講下去~

我睇唔到呢度d人有係人命與服務仲有經濟之間取平衡~~
我只見到一堆人只向錢看, 盡其量只係考慮埋自己條命, 但冇考慮人地條命~  

如果冇人有興趣討論
就唔會咁多人與閣下討論啦巧話？
你到底係眼大睇過龍定扮睇唔到我講嘢
我重申多次我唔係支持落波後即返工
而係可以將時間由2個鐘延長3個鐘
3個鐘點都出到去返工
咁樣都可以被閣下視為「只識拼老命為大商家搵錢」嘅話
我都好無言

而且，24個鐘…你話係普遍講法？抱歉，小弟不敢苟同
你試下出街問下打工仔，落波後再停24個鐘但冇人工
打工仔會唔會話OK?
再問下老細，落波後再停24個鐘但要照俾人工
老細會唔會肯？
俾建議麻煩都要合乎邏輯、合乎現實才會為人所接受

原帖由 hkbw 於 2012-7-26 11:51 發表
但十號風球呢, 絕對係有需要~~再精準些, 都唔應該用十號風球, 可以的話應該用
風暴對本港各處做成的破壞而定~

香港有幾大？視各處破壞而定？點定？
如果一個住天水圍但返中環、或者住九龍但返西貢工嘅人
點樣判斷佢駛唔駛返？
如果政府話天水圍情況惡劣唔駛開工，咁返中環果個天水圍人駛唔駛返？
又或者西貢冧樹令路面惡劣，住九龍果個又駛唔駛返？

搞清楚一點嘅係
香港好細，跨區返工好普遍
咁樣定駛唔駛開工未免高難度卦？

而且閣下所講嘅問題仍然無法為九巴棄客不顧一事而開脫囉

原帖由 053h4 於 2012-7-26 12:12 發表


咁講, 當連九巴可以私牌去到個總站, 重可以見著架車私牌走
又可以把架車擺街, 阻著其他自己公司的車正常出車

其實係唔係需要多d理由話條路有危險先?
九巴話條路危險, 重咩唔擺架車擺係總站啊? 而按其他站友所講,  ...

咁當晚十號風球剛落時, 新巴都有車係條街行, 係咪就係等於安全服務呢?

今次只係一個搏得成功, well, 大家讚個邊我覺得冇問題~~
另一個唔肯搏就被人鬧負生怕死云云~~well, 如果搏那個出左事, 呢邊亦可以被人讚保障員工/乘客安全~

至於你話咩私牌, well, 要返廠務先知咩事了~以呢間公司做事方法, 可能要私牌車行到條路先敢出車~
呢d又係另一個問題~

原帖由 053h4 於 2012-7-26 12:42 發表


新巴城巴一樣有線要停駛的, 23 改西摩道做總站, M47一樣唔開
無証據佢係危險下出車LOR

而690一樣有站友指出城巴開車都要改道
改道就解決到的問題, 係唔係真係開車就危險先?

私牌來私牌去都唔出車, 咁係唔係真係 ...

一句到尾, 唔值得信賴的交通服務, 冇人想用, 最後畀人放棄.
車收得就收, 班次不定, 通街碌車, 頂閘用單層, 行快線加左價先有得傾...
嬲一間車廠唔同佢出車, 又拖數.... (shhh....咁似當年中巴的??)

九記會點... 哈哈!

原帖由 tvcc 於 2012-7-25 23:37 發表

長期應該唔會(話晒歐洲大公司, 管理層一換人就無咁大牙齒印),
但係短期就要睇下以下因素:
1) 星洲果邊未來2-3年有冇足夠訂單俾富豪(賺夠$$就唔會多理KMB),
2) ADL會唔會大力晒命、大量出車俾九巴(話自己巿佔率高過 ...

據知新加坡個邊因母公司係富豪代理,所以比大discount,可能因為咁樣,富豪就賺得唔夠

其實,以人命睇,有部車殼保護,會安全過迫人行過樹底
至於當天要解釋既係
點解正常操車型行到,生意會做唔到
成六個鐘去等條路安全,不如今日都唔好出車,D樹都未林哂

原帖由 GA6072 於 2012-7-26 15:03 發表
其實,以人命睇,有部車殼保護,會安全過迫人行過樹底
至於當天要解釋既係
點解正常操車型行到,生意會做唔到
成六個鐘去等條路安全,不如今日都唔好出車,D樹都未林哂 ...

車身硬定樹硬？用腳諗都知係樹硬啦！你個理由都有問題.....