『我地對依D嘢好敏感』

司機:
『你影人定影車呀』
『唔好行緊影我地』
『停咗車就任你點玩到得 (影架車)』
『你食緊早餐我兜口兜面影你又得唔得呀』
『我地對依D嘢好敏感』


你喺街就實比人影到架la
仲大條道理佢啱哂
又幫其他司機講埋──「我地對依D嘢好敏感」

P.S. 架車第二轉入天瑞時有兩個行家影佢入站
唔知有冇比佢話

我覺得司機錯唔晒wo
無啦啦被人影知唔知其實有壓力
人地唔想被你影到姐
做巴士司機唔係奉旨要被影的
你有你影, 佢有佢開工
大家互相尊重咪幾好

“你喺街就實比人影到架la
仲大條道理佢啱哂”

好一個本末倒置o既好例子！
難道樓主你影架巴士果陣可能會唔小心 / 無意地影埋個司機入鏡就義無反顧地覺得自己o岩哂？

本人深信樓主呢種絕對係一個百份百“巴敗”o既心態同諗法…

我覺得香港人普遍都係比較怕上鏡既，甚至乎有d巴迷都係

不過遇着個唔想上鏡既師傅都真係冇乜辦法架bor...搞到咁僵咪盞兩敗俱傷

香港人嘅投訴文化, 有理無理, 有時候自己無道理係手 ,
都會拎手機相機拍一餐, 放上YOUTUBE/ sd比公司投訴..

本身司機 渣車呢份工就大壓力,一坐上架車就打醒十二分精神 , 呢家仲要面對呢班咁嘅人,邊有法子唔大壓力 / 唔敏感..

你影相果陣唔好阻住人地開工咪得囉

=DEL=

唔見得司機咁做好有問題
只見樓主敏感左


俾著你返緊工，突然俾幾廿支鏡頭影住
你會舒服咩?

唔好以為自己鐘意影巴士，就唔需要理人感受

[ 本帖最後由 happykeroro 於 2012-7-27 09:20 編輯 ]

佢在法理係唔岩，公眾地方你有權影唔係滋擾人的相。
但係在情佢的確有佢擔心的權利。

其實做到情理兼備係唔係無可能呢？
司機問左咁多問題你又點答佢呢？
你又有無嘗試解決佢的擔憂，例如詳細解釋你影相的目的、俾返相佢睇令佢地放心呢？

如果你令佢感受到被尊重，佢同樣會尊重返你。唔好只係諗人地有無尊重你....

用同一道理你對住女性講...

你估女士們會唔會大巴大巴咁扯落你度?