原帖由 dippy 於 2012-8-11 23:26 發表 http://www.hkitalk.net/HKiTalk2/images/common/back.gif
條路好靜咩?唔覺囉, 至少山上面啲人都行左咁多年, 你話行"捷徑"落長沙灣又真係幾靜既
但又未見有人俾人扑喎
早出晚歸既問題, 86/87都唔係途經澤安服務時間最長既巴士線
龍翔道既38/42C已經比86/87系更加夜收啦
要喺呢啲"特別時間"出門既人, 用黃大仙接駁港鐵(對比旺角)唔見得有問題
拉番勻, 其實每程接駁成本增加>1蚊
比起70V.S.紅綠小既價錢仲有好一段距離喎
頭車方面, 86系南行頭車都要過左6點先到澤安, 唔見得比2D頭車早
小巴都一樣係6點幾開頭車
如果要俾個夜間接駁俾澤安, 應該係2E 23:00後九龍城開既班次上到澤安先清客
而唔係為左少數人(佔86/87系比重)而去搞山頭主義
其實你知唔知乜野係交通工具?
的士小巴巴士渡輪港鐵邨巴係公共交通工具
私家車貨車客貨車泥頭車田螺車坦克車都係交通工具
http://zh.wikipedia.org/wiki/%E4%BA%A4%E9%80%9A%E5%B7%A5%E5%85%B7
依家係咪某啲時間唔可以有任何交通工具接近澤安邨範圍?
你唔會讀咁多書連啲咁簡單既道理都唔明既
如果你住澤安, 係供應裕足, 補償足夠既情況下, 使用率偏低既路線被改道係好正常既現象
你自己都話左小巴係合理替代啦
依家得大角咀, 馬鞍山, 美孚係由直逹變成要轉車
去醫院, 街市, 旺角, 深水埗都有直車
好唔夠用咩?
深宵時份，巴士真係無客既話，小巴係合理替代，
咁又係咪代表小巴全日都可以取代到巴士？
87A/87B，我當每班車平均7個客，咁一小時都有大概60個客，
如果全部用小巴取代，咁小巴每個鐘要開多四班車，
但係小巴而家最密都係25分一班，原因之一就係唔少人真係走左去等更頻密的87A/87B。
咁你話小巴食唔食得晒呢班客？非繁都好勉強，繁忙時間絕對無可能。
但係綠小牌價咁貴，你估想加車就加到咩？
澤安客可能佔87A/87B的7-10%左右，但係無左一條，
咁比重即刻倍增，變成14-20%，對於一個無鐵路直達的地區，呢D算係少咩？
你咁改係令到呢14-20%人無左個合理途徑往返囉。
又，落旺角果班唔一定係駁鐵路，駁鐵路的晨早駁石硤尾站啦，又平一大截，
咁用38/40/42C取代87A/87B作為澤安村對外巴士服務，又取代到D咩？
我再強調，而家唔係唔俾你改線上青沙，
但係留返86A/87B/86X，再加埋80變87之類，
都能夠成就到青沙有線去大圍 (286X)，有條線去巿中心/第一城/小瀝源 (86)，
有條線去大涌橋路/馬鞍山 (86C)，又唔影響石硤尾/澤安村，已經好夠用，
咁點解要畫蛇添足，進一步淘空晒成個石硤尾同澤安村，
搏俾人大力反對？有無需要咁做？
淘空佢地，咁沙田/長沙灣又得到多D咩？
呢個問題我問左好多次，你答唔到我，你根本說服唔到我
點解晌有其他可行方案時，需要令到石硤尾、澤安村被淘空。
當年87係沙田市中心, 美田美林-大角咀獨市喎
你話依家大角咀需求多左, 俾番條線都仲講得通
但點解87會差唔多無獨市位呢?
87取消前, 非繁時都可以坐滿部AV下層+上層窗口位
只係班次太趕客姐
如果80M重組成87, 咁火炭就變相用石硤尾深東換走左旺角以南既一段彌敦道有服務
我諗大部份區議員都寧願80M同81重組而唔係令87復活囉
而家80M變青沙線的offer都無見光擺上枱，
你又知道穗禾苑見到80M變87，又一定會唔接受，
唔識見好（有條線去深水步旺角）就收，死都要條青沙線？
又，你又敢唔敢寫包單，瀝源禾輋接受到81同80M重組，
令到佢地少左條總站線，條線又被迫大車變細車兼且好大機會減班
（穗禾苑條路本身支持唔到開咁密）？
當年87點同而家80M變87？沙田巿中心無吸引力，
沿途出旺角都有其他選擇，變左係得美林 - 石硤尾，同埋大角咀 - 美林/巿中心/瀝源禾輋係獨巿，
而大角咀當年真係無咩客。
但係86改上青沙，80M變87後，火炭出深水步/旺角獨巿，
新田圍出旺角又快好多、保證吸到客，兼且取代埋86做巿中心<->石硤尾
呢個必然有客的組客，點同？
況且80M變87後，新田圍都無必要留住條87B，87B可以改去第二度做總站，
或者拉條286X上新田圍都得。
86/87系改路後, 原有既深水埗長沙灣客車程快左, 石硤尾客受惠於里程較短既M線
價錢可以平啲
深水步根本快得唔到五分鐘，大南西街塞一塞已經無左；
至於石硤尾？我都話左，唔係唔俾你抽線走，
佢地最基本係一條87系落旺角，一條86系落美孚，
再加一條入沙田巿中心，你俾條81M/88M合併落石硤尾，
但係要班入沙田巿中心的人兜多四個字，對石硤尾人又有咩用？
當然，新田圍/大圍/顯徑少左條線落石硤尾，佢地真係會嘈，
正如87A變287X，沙田一樣嘈生晒。
我都係要再問多次，點解有其他方法
可以令到青沙個network覆蓋晒差唔多全個沙田，
又唔嚴重影響石硤尾的情況下，係都要拉走晒石硤尾咁多條線，
而又唔能夠令青沙個網絡增加d咩額外效益？
你答唔到呢個問題，即係你無充份理據支持到點解一定要跟你咁重組。
6D最近地鐵咪得彩虹, 石硤尾囉
其他直係好近咩?
至少今時今日我都未見過有地鐵喺青山道出現
反而"牛頭角"既"牛頭角鐵路站"就喺正觀塘道同牛頭角道以上
即使麗港城都有feeder去藍田站
荃灣又有全天候有蓋天橋貫通荃灣至荃灣西, 愉景, 千色店等地
葵芳葵興既葵涌道同地鐵站只係差左一條馬路, 仲有哂有蓋天橋連接大連排
步行環境同深水埗可謂天差地遠
6D/40現時各自既班次都同86系相約
但受影響乘客呢?受影響程度呢?
6D/40乘客, 改道後原有乘客要轉車就係為左成全依家有全天候接駁, 將來有埋啟德輕軌, 慈雲山行人接駁系統, 大河道行人天橋既"居民"
當然, 仲有"牛頭角可以左擁特快40, 右抱廉價6D/2A既
但依家既乘客連一條直逹觀塘既線咁卑微既要求都比人話應該用轉乘既時候
只能話牛頭角主義何其偉大
唔好有口話人無口話自己，你呢d條條線長沙灣尾站上青沙，莫非唔係長沙灣主義？
如果牛頭角安基苑、振華苑、彩霞村一帶行去九龍灣站路程合理的話，
咁點解青山道行去長沙灣/深水步站又唔得？
40改特快，受惠唔止係沿線，仲有慈雲山/觀塘山上/西貢/將軍澳/荃威/深井/麗城/海濱花園/梨木樹/安蔭，
通通都有或者會加轉乘，受惠人數肯定過百萬，
但係86系改上青沙，雖則沙田加深水步區人口都係過百萬，
不過只係長沙灣明顯快左，深水步優勢已經唔明顯，石硤尾仲要倒蝕，
實際受惠人數邊有咁多？尤其是，有其他方法，
令到受惠人數無分別，但係拎少好多人祭旗果陣，咁點解係都要拎多多人祭旗？好好玩咩？
85系改行大老山後可以快左既85C咪改左囉
仲變埋85X潻
89系入面, 89, 89A(泰石以西)都唔見得會快左
所以有89, 89B, 80, 80P服務番佢地
快左既地區有80X, 83X, 89C, 89D, 89X, 74X, 277X
呢啲地區去黃大仙有(行獅隧快啲既89B), 82X, 84M, 85M, 286M, 75X同因歷史原因繼續行獅子山既70X
有乜人受影響?無囉, 因為黃大仙, 九龍城, 觀塘可以支持到分開嚟做吖嘛
同埋果陣時係無車隊配額既
相反, 長沙灣+深水埗/旺角+油麻地+佐敦/旺角+太子+深東/尖沙咀都有能力分開做
但係石硤尾有能力嗎?依家86/87系已經採最直接路線都係得咁少客
唔見得佢有本事起5條沙田線囉, 一條河東, 一條河西都未必做得住啦
(81M+88M//86A)
你知道85/89系點解無全部掟晒上獅隧就最好。
不過呢，樂富/九龍城其實都唔見得有能力分開做，
唔係既話85A/B中段都唔會咁少客，搞到要建議85B取消啦係咪？
樂富其實又咪係同石硤尾差唔多，樂富+九龍城+土瓜灣實際未必大過石硤尾+深水步
或者石硤尾+旺角囉。好老實，樂富一樣唔見得有本事養咁多條沙田線，
得85（最多加埋天馬苑出面條89）真係比較多客，
咁又有冇因為話樂富唔能夠獨立成線，想其他區快少少，
就cut晒途經樂富直入沙田的巴士，一條不剩，反倒令到好多人兜左搭耐左？
同樣道理，石硤尾夠唔可以獨立成線，咁又可唔可以
因為想其他區快D就cut晒途經石硤尾直入沙田的巴士，一條不剩，
令到d人一係兜圈一係坐耐好多？
如果根據你個邏輯，一條線途經某獨巿但係唔能夠獨立成線的區，果個區少客，
就要搬走，咁樣914係咪全日過左南昌站就要直入西隧，唔落富榮花園/渡船街？
2E經過既區全部唔可以獨立成線，係咪要cut左，或者白田直接經界限街落土瓜灣跟住陰乾？
12號線又係咪因為富榮花園唔可以獨立成線，所以過左南昌站就要直飛連翔道落尖咀？
A21西九龍新區唔夠客獨立成線入機場，又係咪可以因為咁而取消西九龍新區入機場的唯一全日巴士，
改A21上公路，叫人轉車？
[ 本帖最後由 S3BL100 於 2012-8-12 00:39 編輯 ] |
