政府$2補貼老人坐巴士之後, 覺唔覺長途車站站停既次數多左?

原帖由 PJ9629 於 2012-8-25 19:05 發表
其實若果有非長者攞長者咭黎拍，車長係未完全吹佢唔著

你試下咪知囉

原帖由 syp 於 2012-8-25 17:54 發表
大家成日提「納稅人」乜乜, 「納稅人」物物, 咁小朋友學生哥都唔係「納稅人」, 咁係咪小童學生車船津貼等都唔應該存在? 咁如果這裡出聲當中不是「納稅人」的, 是不是無權出聲? 又那些享用兩蚊優惠的長者可能年輕時納 ...

如果班長者年青時工資長期低於免稅額(人工低)
的確唔可以叫做幫過納稅人出過力喎
當然如果計埋博彩稅就另計啦

離題一問，我有晚放工o係黃埔上 30X，我前面個細路 (around 十零歲）拍八仔，八仔機顯
示收 $2，但不是顯示 "長者 $2.00"， 而是 " <空白>  $2.00". 想問下係代表他用緊什麽卡?

原帖由 DGCNYO 於 2012-8-25 19:18 發表

密就代表可以額外承受多一班人？

咁其實不如話短途線都唔需要開啦其實....

我唔理佢對老人家幾吸引，線長途無理由補貼短途，因為這會發生有人有可能利用唔到長途的原意(唔好話多，1個半個浪費左就浪費左，唔係錢的問題，而 ...

我只係想問你一個問題:
西區往返中上環, 乘坐101/104/113 而唔坐1/5/5B/10, 你覺得有無問題?

巴士公司就係日日用長途線去 "補貼" 短途線,
君不見城巴大西北隧巴愈開愈密, 西區流水愈開愈疏嗎?
歸根究抵, 長途補貼短途線根本唔係罪過.
我想問, 點解閣下對於巴士公司這種做法隻字不提?

仲有,
咩叫有理, 咩叫無理先?
係咪非長者客坐長途線幾個站就落車叫做有理, 長者2蚊客坐長途線幾個站叫做無理?
如果係咁, 好顯得閣下的雙重標準.

原帖由 64K 於 2012/8/25 20:17 發表

如果班長者年青時工資長期低於免稅額(人工低)
的確唔可以叫做幫過納稅人出過力喎
當然如果計埋博彩稅就另計啦

咁你話點好呢, 有納過稅嘅就可以享有優惠, 冇納過稅嘅就不可以享有優惠 ?

我覺得唔應該全部線齊齊$2
而係應該長者優惠=成人價既幾多成之類

咁班精打細算既阿婆阿伯就會番去坐平車

原帖由 張偉沖 於 2012-8-25 22:00 發表


我只係想問你一個問題:
西區往返中上環, 乘坐101/104/113 而唔坐1/5/5B/10, 你覺得有無問題?

巴士公司就係日日用長途線去 "補貼" 短途線,
君不見城巴大西北隧巴愈開愈密, 西區流水愈開愈疏嗎?
歸根究抵, 長途補 ...

無必要制造不合理需求，巴士公司點做，有無人理我需唔需要理？

但黎個制度係有黎個問題...唔係條條長途線都想做短棍

你又唔諗下人地用A12做短棍又好好玩

原帖由 張偉沖 於 2012-8-25 22:00 發表


我只係想問你一個問題:
西區往返中上環, 乘坐101/104/113 而唔坐1/5/5B/10, 你覺得有無問題?

巴士公司就係日日用長途線去 "補貼" 短途線,
君不見城巴大西北隧巴愈開愈密, 西區流水愈開愈疏嗎?
歸根究抵, 長途補 ...

問題係西區返中上環嘅紅隧線已經係過咗海. 呢個論點根本就離咗題.

依家咁樣會令到短途線嘅老人走曬去坐密車嘅長途線, 形成車嘅資源分配失衡.
你都唔想坐啲點對點嘅红小嗰嗰站都有人落架, 係咪先?

仲有唔好唔記得差價係納稅人俾, 車費愈貴, 納稅人要俾嘅差價就愈大.
即係話老人為咗自己貪方便就話之你要俾幾多差價. 自己衝咗上車先算.

西區去中上環係搭九龍方向(未過海)o既紅隧線
而且101/104/113比1/5/5B/10貴三毫