輕鐵506線正式玩完

原帖由 Megabus 於 2012-8-18 01:13 發表

甩班呢樣野其實客好有責任...

D人見車就算就滿，門都閂唔到都要照迫，就算見後面有車都係咁。司機如果想控制一下就咁閂門走一定俾人老投。但其實成條龍咁長，要上晒都要兩三分鐘，加埋燈位，成日未到新屯中都拖緊卡，搞到新屯中同龍門等一班就等如變左兩班...

由於係循環，呢D情況在西鐵站(往屯碼方向)係最明顯...試過去到富健可以有三部車...

所以其實係D人積頭一兩站勁上，搞到之後D站的人上唔到，就似覺得冇車...PEAK HR就係兜左個圈返屯碼好多時已經唔夠時間，甚至冇車可以開，呢堆問題一累積，唔係一個鐘就會出現好似甩班咁...  

又係呢個話題...B3已經討論過,
見板友你冒險連帖, 黎引用我言論回應 禮貌上都回覆返你

真係好有趣! 客多搞到甩班 係客既問題?!
明知條線多客, 仲用巴士黎行, 賴客太多?
明知巴士上落要遂個黎, 實拖慢晒....
輕鐵3對門, 又唔洗睇你俾錢, 上落係咪快好多先?

架車滿 都上唔晒d客, 咁即係巴士唔夠載......
輕鐵載客量多一倍, 用輕鐵是否可真正解決這問題?
搭得車都趕時間啦, 你好鍾意同享受等車既過程? 不斷有客留站上唔到車, 係咪要加強服務?
506話就話4分鐘, 但506常客 見506一定會跑, 唔係4分鐘好重要 (如果係, 咁搭506輕鐵一定比506巴士快)
而係 506既所謂繁時4分鐘一班, 現實根本難以實現 (除左甩班既拖卡)
因為個個都怕下一架係要等成15分鐘, 所以都見車就要跑! 你估個個都好鐘意跑咩?

循環問題, 咁點解唔可以加個"總站"作短暫停留? 等夠鐘再開
拉左落兆麟, 比以前少左好多客搭回頭車, 非繁市中心落兆麟 車上面5個客都未必有
K75又可以無限循環停天水圍站等夠鐘先開既?
講到尾咪就係肯加車落車程25分鐘既K76 都唔肯加落車程50分鐘既506囉 (25分鐘係指天恆經天水圍返天恆)
K76同506用車數量一樣咁濟, K76仲有大把私走車 同 特別車
港鐵寧願做全車天水圍免費駁客, 都唔想做市中心返美樂俾錢客, 將d客流失去小巴, 咁唔爭氣 無計!




506輕鐵行一轉友愛再返碼頭半個鐘, 506巴士就接近一個鐘
板友你都識講, 用巴士行506無效率, 客多、燈多、循環線、總站無車搞到成日甩班,
遲晒大到返總站, 又唔夠車再開下一轉, 又再甩班, 不斷循環, 搞到時時刻刻都甩班, 何解仲係巴士好?
巴士一個鐘先行得一轉 (計埋休息時間啦), 4分鐘一班, 咁要起碼用12架車行啦都
8月底話加多架車, 9架車行506....... 得啖笑  車長做到有氣無掟抖, 仲要日日俾人問候
如果唔係506靠害, 我諗港鐵巴士準時率100%呀, 哈哈-.-



有時真係唔明, 點解506既客, 要被受白眼
想要求巴士唔好成日甩班又話無得搞, 想要求轉返輕鐵黎穩定班次又話新車唔係俾你用
想要求巴士加車唔洗成日飛站又話巴士都無車用, 想要求用多一倍載客量既輕鐵又話無線可以改
想西鐵拉落屯門碼頭 舒緩507、506又話人大想頭...
大佬.. 506輕鐵1988年通車已經存在, 本來就係輕鐵一份子
成日話人謀d輕鐵車卡, 點解唔係後期d 705、706謀左晒d車?
大家都知506一直都有問題, 大家都想解決問題,
巴士甩班、唔夠載 原因你地又講得出, 咁有咩方法解決先? 一定解決唔到架咩?

原帖由 catwalk 於 2012-8-14 23:08 發表
輕鐵又剝削屯門既車卡進貢天水圍

咁又唔係喎, 起碼 507 多左拖卡行,
今個月開始 0745 到大興北個班轉左,
暑假前搭呢班實迫到嘔

[ 本帖最後由 exspeed 於 2012-8-18 22:33 編輯 ]

506老實講，行輕鐵完美好多.....上落都快好多啦！巴士以香港規格，跟本做唔到黎種高流水性，唔甩班就有鬼

拉，我俾多D幻想，506巴士計入輕鐵系統，你拉線個個站整個個出入站機，上車可以中門上，我包快好多.....

巴士系統有巴士系統既極限，過左，你點加班都係咁....

吾理巴士定輕鐵,只要邊樣能達到為乘客提供最穩定及可靠的接駁服務的目標就得。506存在問題吾能夠只講服務的短陷而吾切實解決,巴士定輕鐵點都汲及資源分配難處,不過資源爭在點樣分配,其實用哩個作為不能解決理由有因噎廢食之感。

若堅持巴士方面,一係506改雙向總站,穩定班次,一係增設短途車來往西鐵站至碼頭,減少塞燈及兜路,令接駁服務得以提升,加快回車。

若選擇輕鐵,當罵吾夠車用同時,可吾可以諗下有邊D路線因協調上出現問題,以致不能騰空資源俾其他車?尤其614/615/614P/615P組合,有冇辦法,有冇潛質去重組?

拋問題出來純屬批評,問題依舊存在,晒D時間實際解決問題,別再用一D搵來鬧交既理由激化、加劇問題的嚴重性。

原帖由 lrv1092 於 2012-8-16 23:56 發表

感覺上505同507多左拖卡
要搞都搞615先... 又載唔滿, 又同p車拖晒卡

天水圍我認為751p cut左佢, 放返d車落循環線會好d


506 改no唔緊要, 巴士臨時一世都唔緊要,
改到甩班既問題, 改乜no都得 ...

順手唔該將706搬去天恆-天悅其中一個站，減少751拖住出屯門

高流水線，其實真係應該雙向總站黎維持班次，起碼車務調動都易D

原帖由 exspeed 於 2012-8-18 22:31 發表


咁又唔係喎, 起碼 507 多左拖卡行,
今個月開始 0745 到大興北個班轉左,
暑假前搭呢班實迫到嘔

暑假輕鐵用星期六時間表嘛
過咗暑假之後一切還原㗎啦

小弟唔係想搵交嗌, 亦唔係想保鐵
大家都知問題存在, 大家都想搵方法解決,
我無話506巴士係廢, 但佢的確係靈活到 有好多靈活因素影響到
如果巴士點改都改唔到 燈多、客多呢d因素, 咁巴士係咪唔適合行506?
506巴士改道又反對, 506A又反對, 506雙向總站又反對, 咁仲可以點?
輕鐵路線又唔俾人重組/優化, 輕鐵又唔夠車, 車廠又無位再買新車,
咁西鐵拉落碼頭係咪最實際, 可以減輕鐵同鐵巴 做接駁既負擔?
(客少左, 無得再賴客多喇掛?)

而另一方面, 小弟係對港鐵唔肯對症下藥黎改善 好憤怒
港鐵明知506有問題, 但一直推卸責任, 話無得改善, 繼續任由問題惡化落去
仲有有板友賴客多搞到咁... 要趕客先可以改善到, 咁不如接左條線


改雙向總站、重組615P果d, 我係贊成
上面已經有講到, 但港鐵係繼續採取唔理、唔肯對症下藥既態度嘛
我地集思廣益, 拋問題出來, 諗埋可行方法, 運輸署同港鐵都唔理,
佢地又無其他解決方法, 加完車又減返車, 唔嬲就假.....  

實際解決方法, 搵過港鐵、運輸署、交通投訴組區議會、傳媒 投訴同建議
港鐵: 506已大致滿足乘客需求、本公司沒有計劃...、會備息, 希望你能理解....
運吉: 會轉交港鐵、我們會密切監察... 會督促港鐵...
傳媒/交投: 港鐵發言人表示....
議員: 講左咁多年, 九鐵同港鐵都唔理人, 運吉又無能
d回覆背都背得出.....    早排我亦搵左另一個機構, 仲等緊回覆

原帖由 lrv1092 於 2012-8-19 19:52 發表
小弟唔係想搵交嗌, 亦唔係想保鐵
大家都知問題存在, 大家都想搵方法解決,
我無話506巴士係廢, 但佢的確係靈活到 有好多靈活因素影響到
如果巴士點改都改唔到 燈多、客多呢d因素, 咁巴士係咪唔適合行506?
506巴士改 ...

506 甩班根本就係連鎖問題
上客耐，塞埋燈，過鐘搞到下班車唔盡時開係連帶關係
唔好話咩巴士，輕鐵一樣會咁，君不見 507 返學時期一樣日日甩班甩到飛起
有時唔係話咩港鐵唔想改善 506，而係成個環境難以令佢改善，例如三聖個邊無位做總站，附近無車比佢救到命
而家就話巴士爆煲姐，過左個麻煩野比輕鐵後，你估輕鐵個邊唔會爆煲咩？
為左你條 506，之後到屯門既輕鐵線減班，一樣無好處
話就話 615P 呢個要快 D 重組，但早繁黎講，佢既客量一樣唔可以睇少，就算拖埋 615 行都係兩班爆住走
強行將 506 轉輕鐵，碼頭區（包括龍門居）既人或者受惠（不過堆班次都唔方好睇），但良景既人又要陪你受罪
好一個山頭主義呀 .......

所以我#17咪話西鐵拉落碼頭 長遠黎講係最實際
咁碼頭區無左班接駁客, 輕鐵同鐵巴得返區內客
506同507都減輕了負擔吧?
只不過之前有板友話, 巴士線憑乜野可以用重鐵黎取代

615方面, 在屯門區繁時確實可打爆, 多得班學生
不過過左兆康, 得返約半滿
另外我亦留意到615元朗返碼頭, 係有客會專程等佢 由元朗落良田
但車過左青雲, 車又係得一半滿, 非繁仲有大把位坐
咁又可唔可以留615p, CUT 615 元朗段?

咁又點解可以假臨時巴士10年, 令506客受罪10年又得? 依家甚至轉埋no行足一世, 呢d又唔係強行?
506係一條輕鐵路線, 客一直有增無減, 又因咩理由可以強行降做巴士線?
敢問615p客多定506客較多? 資源未能發揮到最大 就應撥俾其他更有需要既線
(無論放落506又好, 505又好, 507都好)


至於話改善506, 兆麟站做cp 以穩定班次, 等夠鐘再開很難? (難在 相信是唔肯再放車落506)
成日預到d車識飛咁, 半個鐘行一轉? 輕鐵506先做到吧?!
板友你話北行無車救命, 其實港鐵都有keep起架放響萬能閣/市中心, 等屯鐵站長call
只不過, 放果度...又要等到10分鐘都未有車先黎call, 黎到都15分鐘, 下架甩班既正車已經到
我見到港鐵有玩特別車、有"靈活"去救命, 不過效用就....
我好理解成日15分甩晒班 先有車係正常, 因為有好多因素造成
與其係咁, 不如以後一次過15分鐘3架 (30分鐘6架 / 1個鐘12架) 一齊黎,
咁樣 預到時間, 又唔洗令乘客日曬雨淋
再唔係 碼頭開到屯市之後, 跟44小巴咁 落碼頭算

原帖由 lrv1092 於 2012-8-19 22:22 發表
所以我#17咪話西鐵拉落碼頭 長遠黎講係最實際
咁碼頭區無左班接駁客, 輕鐵同鐵巴得返區內客
506同507都減輕了負擔吧?
只不過之前有板友話, 巴士線憑乜野可以用重鐵黎取代

615方面, 在屯門區繁時確實可打爆, 多得班 ...

喂估唔到除左 dippy 外呢個壇又多個地圖王
想將西鐵拉落碼頭？唔該成個湖景邨拆左佢
如果 615 無乜客去碼頭，咁應該係踢佢入山景北做總站，505 趕返出黎，而唔係一野 cut，呢條線客量都唔係少，甚至高過 610

講真啦，當年 506 真係比 615 更加拍蚊，開到疏一疏都無乜人搭，點解開巴士又可以差咁遠？
先諗返當年 506 要兜新墟街市，第一個吸客點
二來，506 停屯門市中心總站，D 客行地面直接去屯門市廣場，第二個吸客點
三來，506 既設站都比輕鐵方便，第三個吸客點
單係呢三樣，已經可以做旺左 506
無錯，而家 506 已經唔再兜新墟街市，不過客就留哂係到，買完送就行返去西鐵站搭 506 返歸，想行少 D 既又可以兜下兆麟先
又的確黎講，506 唔認該再拉去兆麟，但奈可無位調頭，焗去
你所講既兆麟定時點，聽落好有用囉，但明明甩班源頭係兆麟前，架車去到兆麟都過哂鐘，你整個定時點同無用無分別
最有效係應該整另一邊總站，D 車可以隨時私去其他車站救忙，而唔係迫架車行足全程先算
但係咁，三聖豐景園仲邊到有位比 506 做總站？唔係呢個問題，506 點會依然做循環線？