可憐的70後尾，長期「剛好」被政府和社會無視的一群

原帖由 EX-TL 於 2012-8-18 06:04 發表
每個年代都會有人歡喜有人愁, 唔係話有學歷/有經驗/有人撐......就得,
個人性格/了解自己/際遇/做人態度/心理素質......都會對工作/事業有唔同程度影響,
認清楚自己, 總唔需要愁前路, 即使由出世到畢業呢十幾廿年有 ...

各下一定做一D好有潛力既工種，香港好多工做死一世都係咁，起點低時老板看往績請你又講價

要理解人工上到1萬好把炮？但家下一斤菜貴97年3倍，當年5蚊一斤菜心，今日幾多

進修更是可笑的論點，第一，香港無最高工時，在座有幾多人唔洗加班，仲要花錢進修？月入唔夠出？進修左代表你可以趕得走上面班老野？人地都係中3出黎，你以為進修就是上流？不可能

就算進修仲要長期，知識型經濟？香港跟本就係偏垣金融行業，你睇所謂成功人士有邊個唔係炒炒賣賣？

專業人士年年一半錢交稅續牌去進修，人地炒炒就上報話識投資，前路？我就真係唔知前路點

香港好多行業都越做越虧，無他，一切金融地產行先兵，我覺得後生點解心態咁無所謂，唔上心

無他，努力為咩，進修為咩，做人為咩你做到識飛又點，就係唔愁前途因為無期望，先無所謂的態度....

社會唔係無視70後的人，只係老態社會控制年輕群體，又何來是個人問題？

原帖由 gordon 於 2012-8-18 00:23 發表
但家下70後尾果班仍在捱打狀態, 仲有班80後, 90後頭加入勞動人口, 幹勁我們不及人(過30歲了), 但奈何是有10年的工作經驗卻不及很多較後生的......

最低工資之後, 其實很多工種根本就請唔到人, 一個尖沙咀賣雞蛋仔阿 ...

錢多左囉，我會講生活基數好左，但社會單一化，你唔做果幾行好難發圍.....

邊同以前做咩都有路數，以前開貨車都可以買樓，今日開貨車賺到5位數頭己經好唔錯....


以前可以做工廠妹工廠仔，今日只可以做幾大集團既子公司.....

幹勁係要留係有機會時先用，唔通做老麥時日日幹勁咩.....做到你識飛，又咪個老麥經理仔

原帖由 DGCNYO 於 2012-8-19 17:40 發表

各下一定做一D好有潛力既工種，香港好多工做死一世都係咁，起點低時老板看往績請你又講價

要理解人工上到1萬好把炮？但家下一斤菜貴97年3倍，當年5蚊一斤菜心，今日幾多

進修更是可笑的論點，第一，香港無最高工時，在座有幾多人 ...

之前講o既係身邊唔同朋友/同學/同事o既經歷, 見佢地守得雲開見月明,
作為朋友好替佢地高興, 只係想o係度分享下.

小弟才疏學淺, 三年前停工退守家中, 兩年前開始做兼職, 大半年前先再起步,
進修係有, 但都係玩票性質, 寫落履歷俾人笑果隻, 所以依家邊得黎一個月搵萬萬聲丫,
11年工作經驗都不過搵四位數字月薪, 跑輸晒同期出道者, 前途呢家野更非小弟考慮之列,
但求安穩同開心而已, 呢種自我感覺良好, 俾閣下講中左:「唔愁前途因為無期望，先無所謂的態度」
不過呢句原意, 好似係用黎形容d自覺做到就死都冇合理回報o既人.

小弟由高中開始買菜煮飯十幾年, 棵菜同人工升幅差幾多好清楚.
照顧家人同時社交冇停止過(雖然離開左italk三年), 唔知我算唔算負擔大呢?

識得講「所謂成功人士」, 會唔會諗下點樣可以做一個「成功人士」呢?
(希望大家唔駛將幹勁帶埋入棺材)

「老態社會控制年輕群體」, 有本事咪群起推倒果班人囉,
而我就會用個人實力去贏得班老野o既信任啦, 你呢?

[ 本帖最後由 EX-TL 於 2012-8-19 21:14 編輯 ]

原帖由 DGCNYO 於 2012-8-19 17:40 發表
錢多左囉，我會講生活基數好左，但社會單一化，你唔做果幾行好難發圍.....

邊同以前做咩都有路數，以前開貨車都可以買樓，今日開貨車賺到5位數頭己經好唔錯....

以前可以做工廠妹工廠仔，今日只可以做幾大集團既子公司.....

幹勁係要留係有機會時先用，唔通做老麥時日日幹勁咩.....做到你識飛，又咪個老麥經理仔  

單係講公務員制度, 70後尾至80後頭已經蝕晒, 當年很多70後尾/80後頭大學畢業出來, 政府根本唔請公務員的長工位, 請親又啱做的都係合約職位, 乜福利都冇, 仲有部份政府機構根本主力外判職位, 例如食環署的潔淨服務, 康文署的圖書館助理/博物館職員(至今仍是外判, 文化博物館一個由新昌聘用的職員才數千元一個月, 以前未有最低工資, 月薪是6500, 仲要係行勞工假期, 入職仲要有一年經驗)

以前渣搵食車都可以夠供樓, 依家搵到8000算偷笑(黃大仙有幾條線日薪不超過300, 就算係進智公交一個特更做11-13小時都只係五位數頭, 冠忠一個9小時工作才月入9000, 九巴更甚, 一個月薪入職底薪才8000多, 係計埋安全金同補水才僅僅5位數)

很多70後尾/80後頭的苦況, 80後中至尾/90後頭根本唔會明白, 我教會有D 80後中期出生的姊妹, 一畢業就有一份底薪過萬另加佣金分成的工作, 返到教會就牙牙擦擦, 行路嘟長個嘴, 講野大大聲聲, 根本唔明白果班僅僅比佢地年長的弟兄姊妹的苦況.

如果你講際遇唔好，份工唔好要怨，我話你聽，當年辛辛苦苦儲埋廿幾萬三廿萬，諗住買樓夠首期唔夠裝修，諗住買 IBOND 又唔夠人抽孖展勁，得果三手，諗住買基金 D 管理費就貴到癲，隨時蝕死你，保本基金又要 HOLD 你舊錢五年，買大鱷基金，入場費要一百萬，美金！ 買股票？ 哈哈哈。。。。申請公屋，你又唔夠資格。 女朋友就嚟三十，催你結婚。
睇住個戶口 D 錢日日直線跌，真係問你點死！

[ 本帖最後由 smal 於 2012-8-20 10:49 編輯 ]

原帖由 smal 於 2012-8-20 10:48 發表
如果你講際遇唔好，份工唔好要怨，我話你聽，當年辛辛苦苦儲埋廿幾萬三廿萬，諗住買樓夠首期唔夠裝修，諗住買 IBOND 又唔夠人抽孖展勁，得果三手，諗住買基金 D 管理費就貴到癲，隨時蝕死你，保本基金又要 HOLD 你舊錢五年，買大鱷基金，入 ...

所以話，家下年青人就精，打份散，夠錢申公屋，用用清又如何，又無壓力唔洗日日諗點樣

好在家父當年買埋平價公屋，家下真係小康，所以話機會真係唔係自己控制，住公屋變有層樓超平入手仲升價十倍

但我更加上咁好運中多次六合彩，你話我無用都咁諗

原帖由 EX-TL 於 2012-8-19 21:13 發表


之前講o既係身邊唔同朋友/同學/同事o既經歷, 見佢地守得雲開見月明,
作為朋友好替佢地高興, 只係想o係度分享下.

小弟才疏學淺, 三年前停工退守家中, 兩年前開始做兼職, 大半年前先再起步,
進修係有, 但都係玩票性 ...

個人覺得一切都是天時地利人和

命生得好，老豆有水、買六合彩中到....要做成功人士唔難

但你話沙紙都無張、朋友又咁上下，不如無所謂算啦.....

進修這種迷思，我就唔識啦！進修本來是一些專業人士的行為，我唔知點知搞到家下做個office boy都要話自己會進修....

所以家下既人話後生無大志，我又唔覺得，佢地幾叻包裝...但唔上心，你想佢地幾上心先.....上心係好辛苦既事，由其未來咁灰.....


講翻點樣做成功人士，先諗下計中番次頭獎、2獎都可以，先諗下點做投資達人，而要我諗無中生有而成功，我怕諗到跳樓都諗唔通


我更不需要老野認同，點解我要搵老屎忽認同？我有我做，佢有佢做爛市，好既人我會樂於溝通，賴死無能既會整獲佢金

但現實D講，社會控制高層機會的，都是戰後果班....就算佢地認同又如何，我都係月入緊緊入5位數，打份工無大志我就過得好開心，日日諗點樣上位做成功人士就認真傷身


我只能講，發夢不如現實，做人開心好多，要我日日進修不如搵少幾千好過，我就係咁既人，老係果句，社會當然想工作群有上進心...點解公務員做野咁慢，因為跟本唔洗上進心嘛


但上進心不代表機會.....認清自己斤兩幾多仲好，有人可以進修到上左專業人士，但更多是進修到半天吊，上唔到去，無左幾年人生，職場衰左，咩都無，我都識幾個幾年進修完又係咩都無

「進修」呢樣野其實都幾自欺欺人，
自己要返正職，part-time你有幾多精力讀？
如果連份工都辭埋去全職進修，例如讀個Master，
讀完都唔擔保會搵得返同以前有得比既工。

對上司而言，其實好多人話去進修都係
A. 無精力所以hea讀
B. 根本個program都係廢既昆水科
所以張沙紙都只係在見工時揚兩揚的道具。

唯一得益的便是搞進修課程的機構。

我自己也不會為了「進修」而花無謂錢讀無謂科，裝備自己幾時都可以，
學陳少琪話齋，平時自己要識得執子彈，到有需要時就可以用。

利申：
我在教育界工作，進修的人有甚麼心態我也略知一二，
真係上進想學更多野既一定有，但亦有唔少係為張沙紙升職or轉工，
人到心不到，甚至有一些人係完全浪費緊自己金錢時間仍然樂此不疲。

[ 本帖最後由 DIH 於 2012-8-21 21:00 編輯 ]

原帖由 DIH 於 2012-8-21 16:44 發表
「進修」呢樣野其實都幾自欺欺人，
自己要返正職，part-time你有幾多精力讀？
如果連份工都辭埋去全職進修，例如讀個Master，
讀完都唔擔保會搵得返同以前有得比既工。

對上司而言，其實好多人話去進修都係
A. 無精力所以hea讀
...

我對實用系進修不否定，例如電工牌、一D特別牌，or一D限制性的證書

但有D咩爛鬼進修野，仲要美名話update....我好反對

我總覺得如果你想生活好，還是由下而上去包裝，而唔係浪費時間去讀一D跟本只有張沙紙有用既野.....

你呃到老世，亦只能呃到老世見工果一時....

原帖由 DIH 於 2012-8-21 16:44 發表
我在教育界工作，進修的人有甚麼心態我也略知一二，
真係上進想學更多野既一定有，但亦有唔少係為張沙紙升職or轉工，
人到心不到，甚至有一些人係完全浪費緊自己金錢時間仍然樂此不疲。

呢D就係現實......

我諗係人都想不勞而獲, 但現實社會想工作o既係咁都冇法咯,
仲要只係有機會, 唔係一定得, 但如果連呢少少機會都唔俾自己.....

今日睇報紙都係, 有個升中六o既女仔參加暑期軍訓接受洗腦,
目的唔係想俾人洗腦, 亦唔係想體驗d乜, 只係將呢次活動寫入
「其他學習經歷」, 呢個女仔咪就接受現實囉!