中文大學校園穿梭校巴服務大改革

原帖由 mckhgc 於 2012-8-27 21:00 發表
幾點個人見解

1.1號線會因應兜定唔兜賽馬會研宿，而分成1A，1B，同樣，N號線亦有兜定唔兜研宿，H號線亦有分兜定唔兜39區，點解H同N號線就唔分兩個編號？如N1,N2.....

2.港鐵站分成三個上車點，「火車站」、「港鐵站廣場」、「康本 ...

關於第三點， 大部份司機係方樹泉樓趕人落車係方便司機轉行另一條線，只係想慳油。

關於第六點，「新下火」除了5:30pm-6:30pm既下繁外，上課天晚上19:00-23:00都會有「新下火」隱形車，每20分鐘一班。
如果開學後夜晚只有N線，「飯記對面」一樣清唔到人龍。

原帖由 yuetming 於 2012-8-29 22:01 發表


關於第三點， 大部份司機係方樹泉樓趕人落車係方便司機轉行另一條線，只係想慳油。

關於第六點，「新下火」除了5:30pm-6:30pm既下繁外，上課天晚上19:00-23:00都會有「新下火」隱形車，每20分鐘一班。
如果開學後夜晚只有N ...

以前一直有神秘班次由行政樓起載落山，開學後無埋怕且大家行落山仲好(呢個係校方終極目的...)

原帖由 053h4 於 2012-8-29 23:38 發表
其實行落去都應該只係十分鐘左右

行政樓計行新賤落火車站10分鐘都只係炆水得，番學時間肯定唔得，新賤部lift成日塞人，行得好快都要12-13分先得

原帖由 petcity 於 2012-8-30 12:40 發表


呢個係昔日部份司機順手人情，冇話咩神秘班次

如果有留意司機張功課紙, 會留意到 1600 - 2200 有唔少班次顯示係「政下火」，例如小循環果個5號字軌，做完最後一轉循環線開1740，仲會行1805,1820 開政下火. 1835,1850 開新下火之後先收工
而以前教學日1900-2300 亦有唔少「新下火」、「政下火」班次，因為以前正常編制除左3號同9號字軌 2 架車20分鐘一班對開之外，亦有 N1 字軌專開新下火、政下火呢D 時間表冇顯示既班次，亦有兩個 part time 司機（佢地張功課紙有埋固定開車時間），令實際上夜晚長期都開得好密

原帖由 mckhgc 於 2012-8-27 21:00 發表
4.最大進步：多年黎，點樣o係冇半個指示牌既情況下，由百萬大道行去「飯記對面」「落返火車站」，相信難到唔少第一次黎中大既人，甚至可說係一個另類入學試(最頂癮既係，作為全中大大門口，服務大量第一次黎中大既人既入學部門，居然唔放最就腳易搵既港鐵站旁，而放o係百萬大道)。而家，「加班車」全日化成1A號線，百萬大道終於全日有車「落返火車站」，真係皇恩浩蕩 。不過要鬧既係，點解官方時間表居然一粒鐘得兩班？雖然實際班次唔止咁少，但可唔可以唔好寫到咁？其實，10分一班都好合理。

5.另一進步：大家都知，以前「火上新」同「新下火」，雖然同為15分一班，但事實上只要港鐵站旁有返十人八人排隊，「火上新」就會加車，即所謂「隱形車」，實際班次比15分密得多。但反方向「新下火」就只會照時間表15分一班(除左5:30pm-6:30pm既下繁)，呢類「隱形車」永遠有上冇落，「火上新」完就吉車落山，結果o係「飯記對面」等「落返火車站」，就經常條龍排到田家炳樓，都可以四五六七架掛「火上新」牌既車(通常係強記車)吉著車過唔載人，真係睇見都眼火爆(亦唔明點解咁多年黎，各學生會同工會都冇出聲投訴過？定係投訴極都冇人理？)。

4. 其實一向中大 D 班次都係寫到好疏，例如以前星期日晚，寫20分鐘一班，實際上20分鐘入面已經開左4架車... 聽番黎既原因係話，寫疏D，就可以唔夠客果陣開少架車，而開少左架車都唔駛比人嘈


5. 以前學生會有質問點解有咁多「暫停服務」既車於校園周圍行又唔載客，但交通組迴避問題，學生會又唔知道其實 D 車係做完一單「火上新」就私牌落山，唔知點同交通組嘈落去，最後不了了之

[ 本帖最後由 kks 於 2012-8-30 13:46 編輯 ]

原帖由 petcity 於 2012-8-28 22:31 發表
題外一講，中大新車今日應該已經到左
冇驚喜，中港殼，但側窗跟頭兩架中港車身校巴一樣

由於由office望出去，睇唔到車牌，架車曾經短暫擺交通部出面
成班司機同車房睇下架新車 ...

車牌RP568, 側窗唔同以前既車

原帖由 DIH 於 2012-8-29 10:26 發表

即係用返全隻活動窗？
好囉，有次搭中架半截窗，好焗。

開學後相信中大馬路將會比以前更加熱鬧，繁忙程度堪比假日大嶼山。

部車既側窗同RA5606一樣分梗同活兩部份，但梗細窗係頂， 大活窗係底