探討隧巴601晚上客量

其實我一直都想問,為何隧巴601不論係平日定假日,
晚晚8至11點往寶達方向梗有d班次爆到7彩,
真係好想知d乘客由邊度黎,我坐同時段同方向既601
十次有8次有北角客無法上車

銅鑼灣行完街的人.....
亦唔只 601，好多東隧線都係咁

原帖由 da54 於 2012-8-27 22:57 發表
銅鑼灣行完街的人.....
亦唔只 601，好多東隧線都係咁

許多時在晚上21:30-22:15時段（無論平日或假日），
途經的601, 619抵達北角英皇道（近電廠街）經常頂閘飛站，
有時在教會聚會完畢，在該站等車至少要第3至第4架巴士才能上車，
甚至趕時間的話，會改搭690或692過海，寧願用$13.40過海（多付$4.1），才能去到藍田轉277X，
更甚者，當270A延長至尖沙咀後，鑑於以上601, 619登車困難這個情況日益加劇，
小弟多了改乘港鐵去尖沙咀轉270A回家。

所以，當今年RDP建議取消690及692的時候，除了會令將軍澳居民過海被港鐵壟斷外，
更會導致601, 619無法吸納部份因該線經常頂閘而改乘690, 692過海的乘客！

琴晚搭692全車坐滿

港鐵北角到藍田 $8.6之嘛

原帖由 Gary_B 於 2012-8-28 15:47 發表
港鐵北角到藍田 $8.6之嘛

雖然如此，但缺點是要轉線兩次。
601及619就是因將軍澳線通車，導致由觀塘線過海轉線次數由一次變了兩次
部份唔想轉線的乘客改乘隧巴。

原帖由 ahwo1933 於 2012-8-27 22:51 發表
其實我一直都想問,為何隧巴601不論係平日定假日,
晚晚8至11點往寶達方向梗有d班次爆到7彩,
真係好想知d乘客由邊度黎,我坐同時段同方向既601
十次有8次有北角客無法上車 ...

咁你就真係要試下八點後等下 601 睇下有幾疏車，你就知點解啦。

無錯，港鐵又抵又識得飛又鑲左金，但係你試過企係裕民坊或匯景個平台下面（夏天焗桑拿焗半個鐘／冬天食半個鐘風），都上唔到綠 VAN，係裕民坊等綠 VAN又有人打尖，打交，打荷包同博懵 （俗稱非禮），而 D 所謂區議員同 D 差人（俗稱警察）就好似晚晚約埋一齊去左食宵夜咁，無事你係唔會見到佢地，出左事咪係咁咦巡兩次。我諗都唔需要再講埋裕民坊果三條行車線嘅混亂問題，你已經有個答案；

晚晚8至11點往寶達方向梗有d班次爆到7彩.................

其實港鐵真係咁唔方便？
北角同油塘都係跨月台轉車
係北角長d
但係可以預到時間

港鐵將綫初開時, 最令觀塘人印象深刻就係十次有九次送車尾,
之後要等四/五分鐘先有下班車, 今時今日情況係好左, 但大部分乘客已經一去不返.

況且601只有藍田站同港鐵完全重疊, 過觀塘法院後就上到和樂邨,
再下一站就係秀茂坪, 601在價錢, 時間, 方便程度都有優勢.

兩個方向服務都係咁垃圾週末晚銅鑼灣已經頂閘
北角冇得上車
行完街淘大等619又係等夠三四個字先有車