多年來, 荃灣區基本上係九巴天下, 城巴只得一條930線入荃灣西站, 最近才延伸至愉景新城。
不過, 城巴係荃灣地鐵站, 竟然set了一個更亭。既然冇路線停荃灣地鐵站, 更亭仲有咩用??
其實, 城巴所指的荃灣地鐵站, 並非南豐中心ge巴士總站, 亦唔係西樓角路、眾安街, 而係大河道北!
荃灣地鐵站外的行人天橋, 往大河道北的入口。
荃灣地鐵站 (大河道北)。繁忙的荃灣地鐵站, 都有一個咁寂靜、荒涼的「荃灣地鐵站」巴士站。
東行(往城門隧道方向) 只有51途徑此站。51接近半小時一班, 所以好難見到巴士入站。
大河道北 (西行), 往荃灣市中心方向。留意圖中的城巴更亭。
要去對面, 就要落返下面行人天橋, 兜去另一個天橋入口前往。
大河道北(西行)的入口
大河道北(西行) 巴士站。由於落橋後有紅綠燈, 所以有「巴士必停站」告示提示司機。
相對北行, 西行巴士站有較多巴士線停靠。848為馬場線, 單程往葵芳地鐵站。另有往屯門的邨巴線, 由其他旅遊巴公司營辦。
上一次去呢個站, 更亭的門係打開的。今次來到, 唯有眼看手勿動。
更亭內的指示牌「此班次途徑樂湖居」, 印證了這裡曾開辦往嘉湖山莊的城巴非專利線。
同時, 更亭仍保留行車班次簽到簿, 還有97年員工、家屬證sample。
翻查歷史, 原來城巴的非專利線73R(往屯門置樂花園), 901R/921R(往嘉湖山莊)都曾經以大河道北為總站。隨著非專利部撤出置樂花園和嘉湖山莊, 這個更亭亦都荒廢了。
據聞不只更亭, 巴士公司豎立站牌, 都要向政府租地。對於呢個神秘更亭, 不知城巴仲駛唔駛交租? 更亭仲有冇電力供應?
小弟有以下疑問: 1. 當年d巴士離開屯門公路後, 係咪經惠荃路兜入大河道北? 出站ge路線係點呢? (大河道北=>沙咀道=>大涌道=>青山公路??)
2. 睇落大河道北似係分站多d。當年城巴的巴士會唔會泊係站頭休息? 定係上客後即走, 做大循環線?
謝解答!!
[ 本帖最後由 edylau 於 2012-8-27 23:04 編輯 ] | 
