9/9/2012(日)2012立法選舉最新消息或結果：

其實新民黨唔差，反而工聯會就較危
王國興贏到都係靠曾鈺成同葉劉既票先勉強拎到席

公民黨相信都係玩明星效應先咁多票
如果只係郭家麒同陳家洛選多數死梗

同埋所謂既激進泛民，唔多唔多少令人反感，多班人投對家建制派
所以泛民如果整體改走人力等路線，後果真係難料

原帖由 238X 於 2012-9-12 09:34 發表
Nonono，真係有人落搭架
(唔好問我「消息來源」，我的確識人咁樣投)

咁新民自由識得放區議員喺隊尾
亦都有人會覺得佢地"夠中立專業"既
其實葉劉對住學民個咀臉，直情番到去廿三條嗰陣時，邊度會有人投佢個黨

不過公民黨都唔識咁做...成日旨意民主女神個大名食老本...
(定係知道但唔做...?)

原帖由 FBI2 於 2012-9-12 10:30 發表
吳文遠企出來,似玩野多過似做野,做好D地區事務先啦!
佢既形象,同黃洋達差唔多,不過黃洋達仲要衰到一輸左就賴地硬,呢D人入到議會,真係整衰香港,都係返去做戲子吧.

起碼而家既社記冇派系鬥爭
用四年做番好地區事務，又可以俾人認識佢同社記
(最緊要可以俾街外人分番開社記同人力)
其實唔係冇機會

原帖由 HF3204@243M 於 2012-9-12 21:45 發表
咁新民自由識得放區議員喺隊尾
亦都有人會覺得佢地"夠中立專業"既
其實葉劉對住學民個咀臉，直情番到去廿三條嗰陣時，邊度會有人投佢個黨

不過公民黨都唔識咁做...成日旨意民主女神個大名食老本...
(定係知道但唔做...? ...

如果社民連真係靠地區工作就可以保住個位

舊年就唔駛係區議會比人一鋪清袋

其中一個仲輸比空降既白韻琴

原帖由 238X 於 2012-9-12 11:05 發表
港珠澳無咁大 impact，
至少我個人雖然覺得佢哋有心阻住地球轉，
但亦都唔係咁鍾意亂咁起嘢。

港珠澳都話亂咁起野? 你知唔知而家虎門橋日日塞車塞到喊架? 唔通真係廿年如一日,仲要坐又慢又貴既雙體船咩.

原帖由 AVD1 於 2012-9-12 16:10 發表

總之起我眼中佢地個底已經花哂,
根本就投唔落 ~

基本上我諗唔多唔小都有人好似我咁,
支持泛民, 但又唔投白鴿, 公民,
最後 D 票去左邊, 大家都應該估到 ~ ...

港珠澳單司法覆核高院判左環保署報告唔合法例要求,
我唔想好似大陸咁盲目既大興土木而破壞大自然,

而依件事亦都印證左三權分立既重要性, 係我心目中公民黨有加分添

原帖由 Anpretext 於 2012-9-13 01:42 發表
港珠澳單司法覆核高院判左環保署報告唔合法例要求,
我唔想好似大陸咁盲目既大興土木而破壞大自然,

而依件事亦都印證左三權分立既重要性, 係我心目中公民黨有加分添 ...

但最尾政府上訴成功
好明顯政府份環評有無唔合乎法例要求只係觀點與角度問題

公民黨話有問題，但政府唔認為有，咪交比法庭去判

不過搞完一輪，大橋照起，社會亦有迴響，係公民黨始料不及

原帖由 kay 於 2012-9-13 07:32 發表

但最尾政府上訴成功
好明顯政府份環評有無唔合乎法例要求只係觀點與角度問題

公民黨話有問題，但政府唔認為有，咪交比法庭去判

不過搞完一輪，大橋照起，社會亦有迴響，係公民黨始料不及 ...

真誠詢問：公民黨始料不及乜野？

我諗佢地唔會單純到以為一單司法覆核可以阻到一項醞釀多年的基建。
港珠澳都算係有好多消息、無乜政治意味、無野好隱暪，頂多係有技術遺漏，
政府既然第一步行得到，即至少係「有得拗」而唔係錯晒。

「社會有迴響」，不正正是公民黨想做到的嗎？
引起人去討論、去追究政府，我諗已經達到目的了。

保皇派口誅筆伐都係預左架啦，公民黨已取代民主黨，成為左界陰謀論第一主角。

[ 本帖最後由 DIH 於 2012-9-13 09:12 編輯 ]

原帖由 DIH 於 2012-9-13 09:08 發表

真誠詢問：公民黨始料不及乜野？

我諗佢地唔會單純到以為一單司法覆核可以阻到一項醞釀多年的基建。
港珠澳都算係有好多消息、無乜政治意味、無野好隱暪，頂多係有技術遺漏，
政府既然第一步行得到，即至少係「有得拗」而唔 ...

公民黨其實係幫左政府,等政府日後唔可以求求其其,要玩野都要小心D玩.

原帖由 kay 於 2012/9/13 07:32 發表
不過搞完一輪，大橋照起，社會亦有迴響，係公民黨始料不及

我都同意, 我覺係嘅係公民黨以為大橋事件可以好似高鐵事件咁搞起來, 始料不及嘅係搞唔起, 做唔到想要個效果反而俾人指返佢係阻礙建設和浪費公帑。

原帖由 syp 於 2012-9-13 11:25 發表

我都同意, 我覺係嘅係公民黨以為大橋事件可以好似高鐵事件咁搞起來, 始料不及嘅係搞唔起, 做唔到想要個效果反而俾人指返佢係阻礙建設和浪費公帑。 ...

講開又講，其實高鐵果陣搞得起
我估無非都係因為起高鐵會令到個別地區鄉民迫遷、改變生活方式，
呢個point已經可以觸動到唔少人的感情。

相反，香港人似乎唔太care環保，所以港珠澳大橋事件搞唔起。

不過，我自己係認為，無論由環保角度，定係居住生活質素角度都好，
港珠澳大橋同高鐵二揀一的話，一定係揀高鐵，而唔係港珠澳大橋。
始終我都唔想咁多左汰車入來香港，影響道路安全同空氣質素。