[全港計算]TCU/1823 第二季投訴數字榜首為970/970X

原帖由 樂仔〞 於 2012-9-14 23:07 發表
其實 970 970X 我覺得既客量好似無底深潭咁 .. 做極都咁多 ...
新巴不斷加車，但依然成堆客留哂係到 ...
某程度上我覺得 (104) 904 905 970 970X 971 應該要玩大重組，否則只會累鬥累 ... ...

其實104可以改線..  反正堅尼地城>九龍要到入境大樓先多客..
金鐘/中環搭地鐵快過104最少15分鐘..

我覺得最好將DA全數撤出970/970x，以10xx/11xx取代。眼見DA通常只會企倒< 20人就會頂閘，相反10xx/11xx至少都迫倒30個或以上先會頂(下繁水街站實際經驗)。

原帖由 053h4 於 2012-9-14 23:16 發表

重有，西港島線起緊，下繁平時班班車都上好幾十人
單層未到堅城頂閘
971有繁時cut車？改彌敦道唔夠時間行，微調班次就真
根本佐敦擺幾多車落去都塞死
繁時拎D攝車，最好跟油尖跨境，行窩打老道+上海街避開塞車位回車快就快D先解決問題
當然咁行ban硬，如果可以經培正中學，公主道，亞皆老街調頭或者回車快先可以解決問題

971的最繁忙時段一定短過970/X好多，最繁忙時段開10分鐘一班已經可以，
反正970/X改做兩邊相同總站的話，有協同效應，又少左班數碼港客，
理論上抽返一兩架車俾971，970系都仲可以應付到需求。

出西隧最唔塞一定行窩打老道，但係如果話亞皆老街調頭的話，
我想講亞皆老街西行一樣塞到唔郁得，情況絕對唔會好過佐敦道。
如果係行窩打老道的話，倒不如正正經經搵條去得遠少少的線，
例如113改行西隧，順手尾站幫970/971清客啦……
http://www.hkitalk.net/HKiTalk2/thread-717988-1-1.html

原帖由 neosan 於 2012-9-14 23:21 發表

其實104可以改線..  反正堅尼地城>九龍要到入境大樓先多客..
金鐘/中環搭地鐵快過104最少15分鐘..

104晨早應該縮去中環，起碼慳到八架車，
我當佢九巴新巴各慳四架，四架車已經可以做到好多野，幫西區清客。

當然問題係西區靠104來往紅隧口。
但係長遠來講，只要堅城維持到一條全日紅隧線，唔會慢過104，已經好夠。
而西區出發，除非來往土瓜灣，否則一定係行西隧快。
因此呢條西區紅隧線只需要去到土瓜灣/九龍城就得，唔使用好多車，
幫下111清客已經可以。

其他西區過海線應該盡可能改行西隧，否則西港島線通左就好難生存落去。

而事實上，西區去紅隧口，101/104時間相差無幾；
係紅隧口返西區一定係104最快而已。

970情況係有改善空間… 但係咪真係咁嚴重呢？
我近年經常放工時間大約六點o係港大等車落山/過海，
970、970x 車海咁o黎，就算冇車，等幾分鐘一o黎就o黎兩三架，
有時窗口位都坐唔滿就過海………
970、970x有時都會o係港島尾站等一陣客先開車…

原帖由 053h4 於 2012-9-15 00:19 發表

971頂閘時間短
但而家無數碼港客都叫做啱啱好
加數碼港客，加一兩部車一定唔夠

而你話改113，中環，灣仔繁時113都可以頂閘
我唔反對你縮線，但重組都只係夠車開短棍 ...

如果971真係縮去數碼港，實際派幾多車係可以按需求再調節。
但係我相信繁忙時間10分鐘一班已經好夠，真係唔掂咪加到7-8分一班都得。

但係971非繁有幾差，大家有眼見。
根本971非繁開20都應付到數碼港班客，
而970的問題並不止於繁時，非繁一樣會兩三架970先有一架970X或者調轉，
咁我覺得無理由因為971繁忙時間果一個鐘，而拖低成盤970/970X/971重組，
提昇返970系的服務。

至於113，頂閘好大程度係因為皇后大道東<->紅隧口，
呢班客本身搭109都得。
如果113改行西隧兼縮去金鐘（回程可以繞經灣仔盧押道）的話，
中上環過海起碼快10-15分鐘，西區去九龍城/黃大仙更加可以快20-30分，
更可以幫西區<->油麻地清客，到時條線兩個方向都會有客，
唔使好似而家食之無味、棄之可惜。
條線短左咁多，減四架車、拉上慈雲山都得，
加返兩架車俾109做大道東、何文田已經搞掂。

其實西區紅隧車唔改好大程度係因為老人家太多

D老人家一改線真係會屋企都唔識返

D阿婆寧願搭101都唔會搵原來有西觀紅VAN

點解? 因為已經坐左40年LOR.......

原帖由 053h4 於 2012-9-14 23:16 發表

971 非繁最疏15分鐘一班？
當年下繁開密都好似16：30 後開15~16分鐘班，當年我間中坐佢去南昌
當然太耐可能記錯

重有，西港島線起緊，下繁平時班班車都上好幾十人
單層未到堅城頂閘
971有繁時cut車？改彌敦道唔夠時間行，微調班 ...

我記得我個時假日係大口環坐佢過海
班次最疏都係15分鐘(或者係20分鐘)，等一陣就有車，唔似依家要等好耐

不過又咁講

970係數碼經歷左兩個年代
第一係數碼港入伙撞正貝沙灣起樓
個時的確有唔少裝修工人

依家差唔多起好晒，其實需求細左

早繁為例

970出車海入數碼港，但每架車最多都係得十零個
往九龍數碼港段多數得3~4個

上繁出巿區時段數碼港搭30X既客多人過970

下繁
970開到5分鐘1班，我本身返數碼港又撞正收工時間
970如果唔脫班，5分鐘1班大概每車得三十人，多則四十人
有時新巴一次過開兩部，後車得幾丁友都試過

非繁都係寥寥可數，但無石排灣咁差

我一向都覺得數碼港服務應該好似30X咁，搵一兩條線專登服侍佢地算數

30X依家下繁開20分1班，唔脫班都係岩岩好坐滿
過海線理論上15分鐘1班可以應付到數碼港，留定D企位接晒域多利道班客應該仲得
大前提要全雙層行走

而且好多公司都有穿梭巴士免費接走D員工
我個間公司收工時間會有3班免費車出旺角，個度講既載接近180人

不過計埋域多利道班工人，開12分都仲得，好過依家971下繁得20分鐘，仲要一脫班變1個鐘1班
971都係無論咩時間都可以脫班

971早年未改經彌敦道個陣，下繁開過15，之後一野cut到20，就無再加返

而970/970X問題係佐敦有一定比例客源

971仲有另一個功能就係西區返南區，亦係重組死結

[ 本帖最後由 kay 於 2012-9-15 08:15 編輯 ]