九巴 86, 281A 調整班次

過去大半年，我一星期至少兩次喺彌敦道栢麗至山東街各站等車，
無論平日又好假日都好，下晝五點至十點之間，
所見嘅281A十次有九次係有位坐，班次亦比81C同87D密得多，
難為呢兩條線最嚴重時可以埋柯士甸道新樂之前已經要企人，
281A減一架車（定如樓上所講正轉蛇）真係咁過分咩？
講真，我好耐冇見過281A喺過獅隧時會頂閘。

原帖由 epsilon 於 2012-9-26 23:19 發表
過去大半年，我一星期至少兩次喺彌敦道栢麗至山東街各站等車，
無論平日又好假日都好，下晝五點至十點之間，
所見嘅281A十次有九次係有位坐，班次亦比81C同87D密得多，
難為呢兩條線最嚴重時可以埋柯士甸道新樂之前已經要企人，
281A減一架車（定如樓上所講正轉蛇）真係咁過分咩？
講真，我好耐冇見過281A喺過獅隧時會頂閘。  

我自己所見，如果係下繁七八點
281A通常去到山東街都無會位坐，頂閘都不時會出現(如果跟前車隔得耐)
我自己都親身試過星期日傍晚響新樂酒店上281A無位坐
架車過左油麻地就全部飛站...

不過，如果要跟81C同87D比
我都覺得281A既班次平均黎講算好

自從45分食飯開始, 81c 87d 281a 呢3條線開始疏車到左60分食飯, 更疏!


最疏既係81C>281A>87D
而家等87D 都起碼8分鐘, 時間表班次其實又係呃人的


以前夜晚番沙田, 通常都係3架87D 先黎一架281A,
87d轉左60分食飯之後就變左 1-2架87D先黎一架281A,

睇落晚晚281A 車內既人都係多過87D 架,
281A 放夜晚10分班都覺得耐..
而家仲要更疏10-13分, 即係蛇車收晒工之後13分班車啦
我諗夜晚山東街個站班班都上唔晒, 什至飛站

原帖由 LN6487 於 2012-9-27 10:13 發表
自從45分食飯開始, 81c 87d 281a 呢3條線開始疏車到左60分食飯, 更疏!


最疏既係81C>281A>87D
而家等87D 都起碼8分鐘, 時間表班次其實又係呃人的


以前夜晚番沙田, 通常都係3架87D 先黎一架281A,
87d轉左60分食飯 ...

正字軌食緊飯先會 13 分鐘一班
食完飯到蛇車收工反而無咁疏

原帖由 tamm2005 於 23/9/2012 10:56 發表
86就無計la
鬼叫佢行曬兩條橋
廣源人除外繁時
...

走線問題
（間接導致）近似路線競爭

以下分析來自樓上你所講　而分析到的

走線問題

86 面對最大的問題在於自總站一帶起開出後路線的中間車程（沙田區沿城門河流域往隧道口）之間的走線實在非常迂迴：
就沙田小瀝源獅隧對內路線走線作比較分析顯示
地鐵站線：82M 廣源>愉翠> 威院> 第一城> （城河東）富豪> 博沙乙 >新田圍>  獅隧
南九龍線：281A 廣源>…> 一城> （不停站之沙田路）> 獅隧
九龍東南：85A 愉翠> …> 一城> （城河東）富豪> 博沙乙 >  新田圍> 獅隧
西九龍線：86 黃泥頭> …> 一城>  （城河東）大涌橋路第一城站> （城河西）禾、瀝> 大會堂> （城河東）新田圍 > 獅隧

86 需要行經的地方實在比當區其他三條路線要長且停靠更多的紅綠燈，一方面這是自86 早年兩度更改總站由禾輋輾轉遷往黃泥頭後，以不改動原路線部份作為前提進行延長所累積下來的走線基礎。早年的構想是合理的，但相信今日而不合時而！該構想是希望將服務引入小瀝源並前往一個近乎荒蕪的地方：小瀝源村，透過86 的區內走線作為間接接駁（道理如同49X 離開城隧返回服務區份時提供$5.2 作為區內接駁的分段機能）；同時，當年的86 仍然行經大埔公路九龍水塘段來往西九，故此路線不構成兩度渡河的不合理走線，路線離開帝豪後，經大埔公路大圍段並服務美林區，故此，早年的86 走線有其合理性。然而，這卻是為今日減班或走線導致行車時間無法相應下降繼而減班的無奈局面。

近似路線競爭

這問題顯然將進一步導致86 的班次下降，基於乘客流向其他路線，勢必導致86 搭乘人次下降，形成減班漩渦，受害的乘客顯然是廣源、愉翠及威院乘客

這是來自72 及86C 的競爭而來的
由車站分佈去看，72, 86C 與86 北行時在青山道的行車路線與分站近乎並排，由此可以反映到兩線會帶來怎樣的分流作用。
72 沿大埔道回沙田，誠如上段提到的舊86 的行車路線，72 現時所採取的行車路線與當年的近似（並且不經石峽尾，至於當年86 是否需要經石硤尾？待考）實際車程比經石峽尾沿獅隧往沙田的86 至少快十五分鐘車程
72 在1705-1912 開15-16 分鐘一班，實際上肯定比86 發車時間來得準時，尤其1745 以後
價差不大，車程變快，落車地點雷同，肯定會加劇三區乘客被72 挖走的情況：市中心、瀝、輋的乘客故然傾向在遇到72 時使用72, 反方向候車時亦然！即使價差更大，這$3.4 在乘客眼中仍是合理，省去步行來往沙田站或任一西九的地鐵站之有關步程。

86C, 在大涌橋路第一城分站，可於本站等候86, 86C 往西九龍，然而，悉如我剛才及樓上所講，86 的班次與行車路線之迂迴會嚇阻乘客搭乘的話，由第一城中央的銀城街步行前往大涌橋路，也不應該是一件十分不便的事情。以往未有281A 的時候，第一城的搭客也是如此步行至本分站等候81C/ 87D （想不到，本文集中探討86, 居然會與281A 扯進來）。更甚的是，秦石新田圍的乘客了解到86 的班次與實際情況，不得不往邨口（車公廟路）等86A/86C，這樣又少一群乘客。

基本上，重組路線或研究行經八號幹線的新線來往西九以服務小瀝源區比維持86 的爛局更為理想。或者透過重組路線，讓86 延長至火炭，而小瀝源區由新路線並同時協調86A, 86C 以至86X 的資源，使行車路線與班次更合理、便捷。歡迎討論。

早日夜晚響沙田見過281A搭12到, 下一班搭3到, 再下一班搭半, 下下一班就搭11先到
另外好多時夜晚都有坐入沙田, 去到佐敦都無哂樓上位, 我坐上層, 當然唔敢講下層情況, 但估計都要企

原帖由 238X 於 2012-9-26 01:30 PM 發表
嗯，其實呢...
我係喺界限街等過 281A，經歷唔係幾好。
個人喺白楊街站附近觀察，
呢條線過咗旺角大部份車要飛站並唔奇 (下繁尤甚)，
如果係我要由鴨寮街入第一城，我唔會俾 281A 太高 preference ...

86C會唔會係個方便選擇?

原帖由 cktse 於 28/9/2012 11:09 發表
86C會唔會係個方便選擇?

睇你去邊一邊。如果好似鄙人當時嘅出發點 (近界限街)
同目的地 (近馬鐵的一邊)，86C 並唔方便。