香港地鐵舊月台指示牌問題

對唔住，圖片質素欠佳
請問以上那款地鐵月台方向牌大概係邊年使用？
月台編號果個波波 係咪白色底 黑色框 黑色字？
有無人可以分享更多呢種月台方向牌既相？
感謝各位

無記錯85年拍緣份已經用緊

o甘呢種又係幾時用呀？ 呢個係無綫新聞檔案既片段，講緊1991年地鐵故障
呢種牌 路綫顔色係頭頂，唔係o係底
而且箭嘴係路綫顔色，唔係黑色
比較下D人既服飾 第一幅圖應該係九十年代中後期，遲過1991年？

根據1992年的地鐵指南，上圖那款是於當年開始於荃灣線部份車站應用（印象中是只限中環站至太子站），而港島線車站好像是最遲才更換（印象中於1995年所見仍然是最舊款的設計）。

[ 本帖最後由 hkaiw 於 2012-10-6 20:16 編輯 ]

原帖由 hkaiw 於 2012-10-6 20:09 發表
根據1992年的地鐵指南，上圖那款是於當年開始於荃灣線部份車站應用（印象中是只限中環站至太子站），而港島線車站好像是最遲才更換（印象中於1995年所見仍然是最舊款的設計）。 ...

唔該嗮
不過您講既“上圖”即係 一樓 定係 三樓幅圖？
同埋o係1995年後，港島綫車站既月台方向牌係咪就換成一樓幅相既款式？呢款又係用到邊年？

原帖由 ilsyuhin96 於 2012-10-6 20:52 發表
不過您講既“上圖”即係 一樓 定係 三樓幅圖？

第1篇那款。

月台號碼個底色係後來加上去

原帖由 Raymond 於 2012-10-6 21:04 發表
月台號碼個底色係後來加上去

多謝您既相
想請問 月台號碼底色係幾時加上去既呢？
同埋您既相 同 一樓既相既分別係咪淨係得月台號碼既底色 同 月台號碼既字形？

[ 本帖最後由 ilsyuhin96 於 2012-10-6 21:21 編輯 ]

大約到97、98年左右，月台號碼球加上線路色，最後用到舊年柴灣裝閘門為止
P•S 當年葵興、葵芳同杏花邨站並無換指示版，呢三個站的指示版分别用到舊年(葵芳、葵興)同07年兩鐵合併前(杏花邨)

原帖由 mak5052 於 2012-10-7 09:02 發表
大約到97、98年左右，月台號碼球加上線路色，最後用到舊年柴灣裝閘門為止
P•S 當年葵興、葵芳同杏花邨站並無換指示版，呢三個站的指示版分别用到舊年(葵芳、葵興)同07年兩鐵合併前(杏花邨) ...

無記錯杏花邨兩鐵合併之後仲用緊，近一兩年先換