Scania 再現 171R.......

原帖由 DA15 於 2012-10-20 21:14 發表

上年書展105R / 111R都鬧大交

做咩要嗌交兼打交?

原帖由 FX7476@73A 於 2012-10-21 08:39 發表
做咩要嗌交兼打交?

據聞九巴於九巴時後將近完結時，見有大量乘客候車，而九巴就有車但係上唔切，就五架九巴一齊上，上到九巴時候完結仍然賴死唔走，仲搵車閘住 171R、629埋位上客，想喺城巴時段繼續上客。結果就係城巴職員趕九巴走，而樓主相片中金雞車長首先用粗口問到城巴職員，引發稽查當場互相指罵，至於有否出手就不能證實。

原帖由 kendrew6749 於 2012-10-21 10:50 發表


據聞九巴於九巴時後將近完結時，見有大量乘客候車，而九巴就有車但係上唔切，就五架九巴一齊上，上到九巴時候完結仍然賴死唔走，仲搵車閘住 171R、629埋位上客，想喺城巴時段繼續上客。結果就係城巴職員趕九巴走，而樓主相片中金 ...

籠裡雞作反！不知所謂！
對住行家都以粗囗對待，唔怪之講粗口鬧客都時常發生

原帖由 petcity 於 2012-10-21 17:21 發表

據知架九巴車的確有跟指示搞到阻到629，但同時一名身穿便服，冇出示任何証
件既城巴職員要架車走，結果車長當然唔聽呢個職員指示

當然，呢D都係聽返黎，我亦不在場，誰對誰錯，不便判斷喇 ...

根據本人連環照片：
1. ASU 前車走左之後，第一個同九巴車長對話的城巴職員係一名督察 (即上面 ASU 最後一張相的情況)
2. 跟住有最少兩個九巴稽查先後到 ASU 前門外
3. 一名城巴無制服主任一直企係 ASU 前門外約兩米的位置
4. 到第一個城巴督察開聲後約 30 秒個主任先至行去 ASU 車門前
5. 再過 10 秒後 (即城巴第一個督察開聲後約 40 秒)，部 ASU 開走
以上係我憑遠距離拍攝相片的觀察，並唔知道談話內容。

事後雙方個別制服職員確有對罵，但及時被其他職員制止，沒有正面肢體衝突。

今年小巴同巴士情況如何?

原帖由 aPower 於 2012-10-21 21:07 發表


要玩串個場
就算係對家著制服既伙記都可以大條道理唔聽
問題係車長自發會甘做既機會唔大
你話無前因或者內情搵鬼信

事實就係個有車長同稽查自發爆粗開拖, 本身兩位當事人都係火爆格,
如果咁都可以講到咁攻心計既話大家既想像力都幾豐富
成件事既火頭係阻塞同埋爆粗鬧交, 事發時並唔係交場時間

事發後兩日, 除左兩位當事爆粗既仲係執著住當日既事之外
其他人都已經抹走哂當日發生既野, 因為大家都明白打仗梗會有呢d情況
今日你塞住我, 我第日有機會實塞番你, 呢d所謂既鬥紅隧口日日都上演緊
至於所謂既前因內情當日身處現場既人就最清楚, 邊個岩邊個錯連班稽查都唔再追究既時候
講出黎既結果就係撐九既繼續撐九, 撐城既繼續撐城, 大家只會鬧到沒完沒了, 無意思
而今日所見, 當著住便裝既人唔插手稽查工作既時候, 成個場一切正常
總結: 其實做野不論對內對外都唔踩過界就唔會有衝突, 例如稽查既事就應該稽查做番,
因為坐冷氣房既人唔會有處理稽查工作既經驗, 插手只係會加深矛盾

上面呢位朋友咁清楚前因後果，
似乎係當晚（或者係咁多晚）其中一位局內人。

著便裝既同事唔代表會插手督察既工作，
如果一間大公司制度成熟，
大家團隊一條心做好件事，
各人有不同職責崗位分工，
事前有溝通 briefing，
就唔應該會有呢種想法。

依我個人推斷，
只會係極少部分著住制服既人覺得被著便裝既人控制住，
至會有呢種想法。