脫班的可怕之215X篇

原帖由 neosan 於 2012-10-26 00:31 發表


今日放工6點係熙信上左架101.. 7點都未到土瓜灣...
唔敢想像觀塘會幾耐無車開..

101 夜晚返到觀塘後，熄燈私走既車我諗仲多過載客既車…

原帖由 3ASV174 於 2012-10-26 00:37 發表
101 夜晚返到觀塘後，熄燈私走既車我諗仲多過載客既車…

有兩條過海線都出現長期唔夠行車時間但又雙方唔肯加時既情況,分別係101和671.
據說101一直唔肯加時,係因為兩間公司傾黃金時間傾唔掂數,因為黃金時間各自有地盤(當然新巴個地盤多客D),而且加時會令堅城總站擺太多車,個總站太細放唔到
咁多車,寧願過鐘踢晒D車走(咁當年104又加時?),而101班車長好滿意現時安排,因為隨時私牌仲多過載客.

不過,非繁時新巴101班車長肯踩好多,通常70分鐘內可以行完一個單,然後到觀塘即走做返堅城,反而九巴就慢慢同你碌,過鐘中途起載就預左.

幸好101本身車多,所以大家唔覺其脫班的問題而已.

一到放工時間,裕民坊簡直壯觀,十幾架新巴一齊私牌走人,而同時半個鐘都冇架九巴開,搞到D乘客呆等.

至於671點解唔加時,我就唔知啦,只知鑽鐵站長經常踢車,成日踢九巴走,但同時城巴就跑死.

原帖由 ryulky 於 2012-10-26 00:09 發表


講開101, 兩巴網頁都寫全程時間65分鐘
但今日非繁忙時間試過來回石塘咀同裕民坊都要85分鐘

不過101勝在夠密, 港島有$3.4,$3.8的選擇,都大把人俾$5.7
有住觀塘同事就話,只要預番d塞車時間,101係比較穩陣,起碼唔駛點等.

原帖由 LF5502 於 2012-10-26 00:14 發表
呢個係咪 1972 年的時間 ?!?!

我諗係計紅隧入口同埋漆咸道北唔塞車時既情況。

留意紅隧入口同埋漆咸道北唔塞車既時段確實唔係好多，通常只在凌晨時段同埋星期日既非繁忙時段。

所以其實巴士公司要好好反省下當寫巴士路線既行車時間，遇著行經例牌塞車路段既巴士路線，係咪應該考慮塞車既情況而唔係考慮唔塞車既情況。

原帖由 paul2357paul 於 2012-10-26 09:12 發表




我諗係計紅隧入口同埋漆咸道北唔塞車時既情況。

留意紅隧入口同埋漆咸道北唔塞車既時段確實唔係好多，通常只在凌晨時段同埋星期日既非繁忙時段。

所以其實巴士公司要好好反省下當寫巴士路線既行車時間，遇著行經 ...

新巴自己已經將101放工鐘數既行車時間加到90分鐘,但都係一樣過晒鐘,而九巴仲停留係1972年的70分鐘.

根據小弟經驗,放工時間搭成個單101,坐底110-120分鐘先搞掂,平時都要85分鐘左右,但晚上10點後試過40分鐘行完成個單.

[ 本帖最後由 FBI2 於 2012-10-26 09:24 編輯 ]

原帖由 EX-TL 於 2012-10-25 12:48 發表

......正如上星期某早上油麻地停車場大廈天橋壞車全封, 交通消息話
龍尾去到太平洋貿易中心, 冇架喎, 根本問題就係道路飽和,
中九龍幹線又遲遲唔起, 一有起事上黎全世界企晒o係度,
巴士行得呢d路, 乘客就要預佢突然大斷纜架喇!

講起中九龍幹線同埋加士居道行車天橋擴闊工程，其實唔覺唔覺已經計劃了6年：
http://www.epd.gov.hk/eia/chi/register/profile/latest/cesb155.pdf
http://www.central-kowloon-route.com.hk/chit/oos.htm

其實最大既問題只係中九龍幹線現有既走線規劃搞到油麻地警署既地基。

其實可唔可以再將中九龍幹線西九龍入口附近既走線規劃整得更彎同埋更深，從而繞過油麻地警署既位置，令中九龍幹線同埋加士居道行車天橋擴闊工程更快上馬？

[ 本帖最後由 paul2357paul 於 2012-10-26 11:14 編輯 ]

可以, 走線研究已經將40個隧道方案+9個天橋方案, 篩選剩14個可行方案, 全部為隧道方案,
其中方案11的走線應該符合閣下想法, 但工程浩大, 需要重建油麻地交匯處及填海,
現在因為不可在港內填海, 幾可肯定無法實行.
http://www.central-kowloon-route.com.hk/chit/sf_ckralignment.htm

題外話, 有幾個方案係由太子道連接君匯港, 可以解釋到早年某地圖將海輝道中間的迴旋處
標示為太子道迴旋處.

原帖由 FBI2 於 2012-10-26 08:55 發表

至於671點解唔加時,我就唔知啦,只知鑽鐵站長經常踢車,成日踢九巴走,但同時城巴就跑死.

城巴都有踢車，以前利樂街開1554既城巴尾車，到鑽石山經常過鐘被踢走，有時去藍田起載，後來城巴改車務，鑽石山開1642之班次由車廠私過去。

不過，踢車情況九巴嚴重得多，有時假日一轉四部車全部都過鐘，利樂街踢走兩部，整個九巴時段只有2班車。平日1030-1150既九巴時段，有車由鑽石山直接踢來利樂街，同時又有車由利樂街私走。

原帖由 loveandpeace 於 2012-10-25 22:53 發表
而家101行車時間,
真係耐0左好多.

我發現呢一兩年,
101真係多0左好多人搭.

其實呢一兩年新巴派車好似少咗,導致每班車乘客量增加和行車時間延長.可能新巴車源緊張

之前我每個禮拜六朝早(7.30am-8)都由麗晶去金鐘
2010年頭至2011年頭新巴101可以做到2分鐘1班(甚至更密),搭親都好快,通常都會拖卡,每部車通常只需停約一半嘅站,上咗30人就過海
2011年中開始,新巴101喺禮拜六朝早愈來愈疏,開頭5分鐘有班車,之後變咗10分鐘先有車,而無位坐嘅機會亦大增,後來寧願搭641,之後有一排唔洗

由上年3月開始,改咗喺每個禮拜六黃昏(6pm)由灣仔熙信大廈返麗晶,101班次一樣好精彩
搭親101,成日10分鐘都無車,9成都無乜位(或淨番車尾倒轉位),每次都頂晒閘過海
有次5.55pm去等,等到6.10pm 641到都未有車到,上咗641算數

其實政府係咪係時候取消quota制,反正巴士數目都可以因司機數目不足而被限制

原帖由 ma212223 於 2012/10/26 18:33 發表
其實呢一兩年新巴派車好似少咗,導致每班車乘客量增加和行車時間延長.可能新巴車源緊張

之前我每個禮拜六朝早(7.30am-8)都由麗晶去金鐘
2010年頭至2011年頭新巴101可以做到2分鐘1班(甚至更密),搭親都好快,通常都會拖 ...

又好難怪既,而家星期六朝早都好少人要去中環返工,新巴101自然會疏d啦.
另外,禮拜六下午紅隧咁塞車,101星期六黃昏返觀塘班次唔精彩至奇

原帖由 ~誰@359~ 於 2012-10-25 13:07 發表
如果加條天橋入公主道連接路的話
舊出口就只限於入加士居道而不上橋，車流量會少左
而漆咸道車輛cut線，都只限於最左手面果兩條線
對比起而家紅隧上加士居道天橋既車龍打橫截住漆咸道西行，情況一定會好好多

就算呢條天橋起唔成，其實最好都要由宜家開始限死由康莊道轉入漆咸道北西行既車輛一定要在漆咸道南出口或者衛理道路口既出口離開（即係淨係可以行加士居道下路），至於由紅磡來既車輛若要由漆咸道南出口離開，則限死佢地只准cut一條行車線，咁樣交通情況已經有改善。

反正將來加士居道天橋落實重建既話都有幾年時間完全冇得用加士居道天橋，咪就當要駕駛者提早適應囉！

[ 本帖最後由 paul2357paul 於 2012-10-26 20:03 編輯 ]