談城巴9頭豪性能

9頭豪係城巴車隊內最重要既車型之一,主力派往東區77,,85,529及南區往返薄扶林道既路線.而我本人日日搭901-910@85返學,我對呢十架車既'性格"可謂十分熟悉




不喜長文者可拉至最底.



901:中一時(約2007-08年)時巳頗為好力,嚮阿公岩道(往北角方向)長期上到1波高轉(35km/h),後來09-10年左右性能下滑,至11年時表現最差,海防上東廊只有1波中轉(25km/h),近期再好番好多,上阿公岩上到2波,而由阿公岩村道
轉上阿公岩道唔熄冷氣都13-16km/h(算幾好)


902: 表現長期平穩,靚聲,但起步較慢,熄左冷氣上柴斜東行有成3x km/h(超好力).
903:  初期(07-09年)相當一般,引擎聲頗難聽,自11年起變得勁好力,熄左冷氣上東廊(東行)有2波中轉(35-40km/h),但引擎聲仍頗難聽.一次搭903@529上炮台山道有21-23km/h,不錯!
904: 07-09年左右表現係10架中最好-1波長,高轉-往北角方向上東廊唔熄冷氣都有4xkm/h ,後來卻十分一般,11年tune改過,超快轉3波(約43km/h,似8xx),熄左冷氣上東廊(東行)有2波高轉(約45km/h);最近表現一般.
905:  長期一般,靚聲,handbreak聲最特別,但年中時波箱打柴,落斜長期唔識轉波,拖到成2200-2250轉(接近紅區),但一直冇人整,最後連副engine都虧埋,由阿公岩村道上阿公岩道熄冷氣都只有5km/h)!!!!上柴斜熄冷氣得9-10km/h,海防上東廊熄冷氣only 18km/h,
表現極差,不少85師兄揸905時例牌過鐘,最近又多次於高速行駛時車擔鬆脫左右亂西,嚇怕不少85師兄及乘客,上星期復出後表現有所改善,由阿公岩村道上阿公岩道唔熄冷氣都有8-10km/h)


906: 長期好力(youtube片是個別例子),每次上阿公岩都上到2波,上柴斜80%以上班次熄冷氣下有26-30km/h,開冷氣都有22-25km/h.水箱聲超大聲和響;車尾長期大眾財務廣告.
907: 長期一般,引擎聲頗特別,稍尖,表現時好時壞.
908 : 長期好力,引擎聲係典型CTB VOLVO 聲,熄泠氣海防上東廊有2波高轉,但水箱聲頗大,車頭較熱.


909: 長期一般,聲似黄廠TD,近期仍然一般,較特別係波製在dashboard左邊,而且係2,D,N,R,不是1,2,D,N,R
910: 長期好力,聲較散亂,冷氣不俗.由阿公岩村道上阿公岩道熄冷氣有15-20km/h),表現十分穩定.




至於黄廠,印象中931,933,942,946都超好力,更有85師兄話揸過916@85上柴斜有50km/h,不知是否屬實?

唔知大家有冇其他有關城巴9頭豪既難忘,有趣經歷/回憶?不妨在此分享及討論!

[ 本帖最後由 tobyhokh 於 2012-10-26 21:35 編輯 ]

前晚(24/10) 我坐過915@72華貴開尾班車
起圍唔錯，入香港仔隧道後踩盡有80km/hr，推住前面部的士

至於933，同樣是24/10晚搭，行M47
起步和上斜都OK，但部車避震極差，條路有少少唔平，已經凳到傻，坐得勁辛苦；
同埋師向右扭軚時，扭盡少少就會發出怪聲。感覺大遠之期不遠矣......

901今年暑假期間突然間好虧, 但係去到9月之後表現已經明顯改善
同埋呢架車係特別遲轉波既

902基本上係衰在起步慢, 之前數過一次, 架車試過要成12秒先上到2波
不過上斜都算唔差

903應該算係十兄弟之中最好力既一架, 以前覺得架車好一般, 但係今年變得勁好力

904以前係最勁既一架, 不過呢兩三年表現一直走下坡, 表現變得普通

905個人認為都係特別在手掣聲好似放屁咁 呢架車表現都係冇咩睇頭, 不過最近都冇坐過佢, 唔知佢而家搞成點

906表現一直都算不錯

907應該算係最笠果架, 之前坐過上柴斜熄冷氣都係得5km/h
最近架車已經好番少少, 另外此車平路表現不錯, 分分鐘仲好過904
另外小弟有位朋友同我講過, 佢試過一次冬天坐呢架車係東廊落斜衝到95 (平路就85)

908同906一樣, 表現一直不錯, 都算係見得人

909副偈不嬲都有D怪聲, 由未翻新到而家都係咁
不過呢架車力水一向麻麻, 只可以話係比907好D
另外值得一提, 呢架車冇得鎖1波, 而波箱擺位同其他9頭唔同

910可以算係表現較瓢忽既一架
今年前半年表現幾差, 同909不相伯仲, 暑假期間突然間變得好勁, 冷氣亦好凍
分分鐘仲顛過903
不過過左冇耐又笠番唒

[ 本帖最後由 GU8600 於 2012-10-27 00:25 編輯 ]

南區D10A 95x果批熄埋冷氣上置富段薄扶林道仲慢過人行

點解置富線(37A/B/X/40)極少用901-950呢批豪, 而幾乎全用951打後同90xx?
但係85又幾乎全用901-950

原帖由 HE7921 於 2012-10-27 00:30 發表
南區D10A 95x果批熄埋冷氣上置富段薄扶林道仲慢過人行

試過滿座冇熄冷氣上，全程不停俾車高速(相對)爬頭…

對 9 頭感情不深，但住東區，久唔久又入南區遊河，對 9 頭豪記憶重係有翻咁上下，只貼有印象既，其實好多都講過，重重覆覆又提多次先

901：
- 85 一路以黎最靚最差都唔係佢 (85 唔算自己既校車線，不過間中用佢黎駁腳同出入小西灣)
- 佢好早期試驗新式冷氣調較方式，司機只可以開/關；好似順便係個時換埋橙牌，901 副橙牌好似暗 d、隻色無咁黃
- 佢係城巴最後原聲 3波 TD 之二，另一架係 938，齊齊係 08年尾變埋聲
- 雖然佢用有鎖匙窿同里程計個款咪錶，但 08-09 年搭過佢 1波 2000轉扯到成 40kph，懷疑過佢尾牙比較細
而家諗落，尾牙可能的確偏細 (無鐵記 Plaxton 豪咁細)，但至少 1波 setting 一定係偏早期 1波極速較高個種

902：
- 以前唔知富豪車無鎖匙窿/里程計個款咪錶計得偏快而且有角度誤差，記得 03/04 年尾搭過，
重以為 1波咁易就上到 40 2波係咁意已經 60，原來只係角度問題
- 當日係陸運會散場，搭 85 由藍灣起步，唔太記得呢架混帳車竟然用左 16分鐘都未到定未離開杏花村
到則魚涌落車好似已經要 55 分鐘

903：
- E 廠十架最無印象就係呢架

904：
- 只記得十年八年前上左個白色廣告好似係"香港國際都會"之類
- 唔記得係咪 italk 當年有人講起 9頭豪，有人提出此車起步可以同 3波蠆 (諗清楚就知其實一 d 都唔快 ) 平頭
- E 廠十架車中呢架性能的確唔差，搭過早繁行 529 都完全無驚過上唔到 1號死火位
(根據早年報章訪問學生所得寶馬山第一死火位係炮台山道頂個 u-turn)
但以此型號黎講實在唔係咩快車，以 E 廠十架黎講亦唔係最 top

905：
- 02 年水運定陸運會就搭著呢架衰車，成車同學連埋都住係則魚涌既幾位老師一齊遲到
- 07 年尾終於到此車執過下機件，叫風光過一兩個月 (不過本身都入秋，天冷係豪偈車都生猛晒)

906：
- 02 年水運定陸運會另一位住東區同學就俾呢架車搞到遲到 (其實搭 82/85 前者頂閘後者就車慢，但初中年代又唔捨得搭 682/A12，
另外，以前出入學校最方便途徑就係城巴，所以一般男同學多少都會認得堆車隊編號)，
到 03/04 年有冷無意中同某司機吹過一兩句渣中 d 慢車，個司機都即刻回憶講起渣過 906，"簡直都唔行既"
- 07 年中搭過一次 85，個司機同坐順風車出去既同事講架車 brake 好衰，"一掂落去就舂"，所言非虛
- 08/09 年架車應該係咁意執過副偈，但可能 1波跣跣地，平路 1波極速較低，
拍得著九巴 TD 豪咁癲咁好力，不過唔清楚上斜性能又點，可能上斜得把聲唔識行都未定

907：
- 902-910 中好似以 907 翻新後特別遲翻油，當年唔記得呢度定鄰板有人提及呢架車算比較好力，自己就完全唔覺
- 903 907 都無太大記憶

908：
- 早年呢度討論 9頭豪既一篇文已有人提及 E 廠 9頭 "上斜無力、落斜無 brake"，記得有人提及過一個驚人例子
搭 908 係東廊算好跑得，但衝上柴斜後可以十秒已經得翻個位數字
記得個陣架車係用上 Dennis 車既黃色針咪錶，某次搭 85 由柴灣東燈位起步
都慢到唔記得上橋前可以轉到 2波未，只記得當年望著咪錶，架車起步十幾秒都未夠力轉到 2波
- 06年尾大執過，半年內都算非常好力，早繁 85 坐滿成車人無乜助跑咁跟著成隊巴士上柴斜
可以 2波中轉衝上去即刻 cut 右線擒晒堆 3波蠆先 (當年大部分路線司機只要渣著 3波蠆一上斜好有自知之明即刻行埋一邊 )
並保持著 2波衝到去第一個巴士站 (85 無站) 先落翻 1波；可惜 9頭豪由海防博物館站起步總係快極有限，得 1 2 1 2 或者 1波盡，佢都唔例外

909：
- 近十年八年見過 E 廠最靚既 9頭應該就係 05 年尾/06 年初既 909，雖然 1波 setting 唔似九巴個堆咁短
但性能拍得著有凸 (無論換喉前定後，一向覺得城巴個種較原裝 setting 既 TD 豪起步一刻比九巴快好多，
個陣既 909 平路簡直拍得著吉偈車)
- 變聲後 (06 年) 此車每況愈下，07 年年中搭過一次由藍灣出則魚涌，空轉過低打晒冷震
好似俾唔到油架車維持副偈低轉既運作咁，起步望著司機隻腳踩油架車可以無反應，
轉數針由空轉上到中轉都要十秒以上，簡直覺得城記 hea 得將架可以就咁擺街既壞車夾硬載客
暑假尾得悉有 85 號係小西灣村總站離站撞死人已覺古怪，睇新聞得知係起步慢到油門當腳掣都未必有事既 909 更覺不可思議
- 08/09 年之後架車更長時間變成 E 廠最差 9頭，記得至少親眼見/搭過此車由柴灣東個路口起步上橋
係橋頂車速竟比學車更慢，第一次見重諗緊橋上又會咁塞車既，之後睇真 d 橋上其他大小車輛車速如常先知架車幾咁癲

910：
- 呢架都算最無印象既 E 廠 9頭，最靚最差都唔係佢
只記得差唔多十年前已見識過一次 k/d 起步，架車係英皇道上康山條斜路燈位起步，1 波足足去到 2200轉 45kph 然後到 2波已經中高轉
- 唔計得架車車尾係咪用左細數字牌，記得黃廠都有車係咁，例如 935

911/913：
- 唔算成日搭到，記得 911 上車門扶手係兩條好斜既似康偈豪年代咁既安排
- 成日見到佢地行 48 / 95C / 99，次次入南區遊河好似都見到佢地
- 有部分 9頭/ 4頭車頭四個導航位連對面兩個位同都係用窄凳

912：
- 一路好似都係慢車，06/07 年左右見過一次係薄扶林道消防局上置富一段頂著成村人，
後面成隊巴士頂著晒個個司機都望著右鏡想搵機會爬頭咁 ;P

914：
- 98 年見過一次行 99，中門閂門響左幾聲後先以極慢速閂埋黎，以當年黎講閂門咁慢既巴士其實算好新奇既事
當年就只有當日等緊既 19 號都普雞會拍得著，但都普雞慢極都係一扭個掣即刻閂同埋係摺門
(後尾見過 CityFlyer 同埋之後新巴九巴一大堆低地台車，已經唔記得自己幾時開始覺得中門數十聲先閂晒係理所當然了 )
- 11 年中無意中搭著行 73，架野 1波 setting 似九巴，1 波極速得 37kph 左右，遇著應該係司機既尾單
(夜晚8/9 點，到赤柱後佢私牌走) 由華富起下下 k/d 一路搏到盡，真係好過癮

916：
- 早年試驗一隻青色電牌；另外記得有篇文有版友好似好不忿搭著架康偈車係薄扶林道俾富豪過頭，
當時有人提出可能本身 916 算幾好力既 9頭之一，一路印象中此車唔差，但同靚實在有一大段距離
- 08/09 年左右佢好似同 946 都上左個同大自然有關咁上下既廣告，記得某日想搭 946 遊河
點知兩架車好似前後腳咁上下時間由灣碼開，唔小心搭錯左 916，開車無耐先覺得唔對路
- 10 年左右好似到 916 大執過並常行 973，不過 1波 setting 無九巴個堆 TD 咁短，搭落唔太覺得有咩咁好力

917：
- 07 年中會考完左搭佢行 973，記得個司機由圓方個頭本黎鎖 1掣鎖上橋轉去西隧，但未過路口已經紅燈
司機已經轉翻 D掣，原來咁長條路都唔夠助跑，衝上去時都未轉到 2波；當時本身唔覺架車有幾慢，
因為俾新城"縱壞左"，根本十架車有八架都慢過九記同款，但偏偏淨翻既兩架好多時又係 d 神級靚車，
有時遊河簡直似買大細咁 另外，記得當日架車係用 15xx 咪錶，不過指針壞左亂指既
- 當日同司機傾過幾句偈，佢千叮萬囑個期一定要試下佢地架 932 另外提過當年 248 都係車皇之皇
可以 4、50 上置富，可惜自己搭 248 時架車已廢左好多，但 k/d 重係好癲好過癮

919：
- 懷疑自己係 05 年中搭過；記得當年批 5xx 性能差得令人驚訝，暑假某日 30度自己就係灣仔見過 515 561
行 1/962，起步蟻躝躝成半條街到電腦城對出條行人天橋先到 2波，一諗 1/962 上斜/高速拎呢 d 車都唔知點死
無耐就見 919 行 40M，係無期望之下架車冷氣出奇地好、性能完全過得去

920：
- 近年好似多左見此車，早幾年唔知點解雖然自己無特別留意 9頭行蹤，但諗落竟然完全無 920 既印象
唯一就見過一次此車係薄扶林道近薄扶林村南行試緊車定壞車，以行人速度上斜 (個段路南行根本都已唔算斜路)

921：
- 05 年尾係咁意遊河搭中行 40M，無意中就發現左呢部靚車，只記得佢 1波好似比較短 (只不過無九記個堆咁癲)
德忌笠街上斜可以好輕鬆 1波 1800轉 20kph 踩下放下推著前面成堆大車而明顯感覺到架車係大把貨去
- 之後幾年表現浮浮沉沉，加上有神車 932 搶晒風頭，但表現仍然偏佳，重係保留原聲特別耐既 TD 之一 (另至少 05年時 921 把聲聽落已經咁老)
行薄扶林道或者唔夠布牌 DA 黎但絕對抽得贏歐一二 DA 有餘，當年冬天早繁上石排灣道鎖 2波最快一刻可以有 60，空車可以 3波跌跌地速上完
- 08/09 年表現已經跌到一般，起步成日空轉過低虧虧地好似唔多俾到油行車咁
- 09 年尾大執過，令人喜出望外 (好少咁橫橫既車一旦衰退落黎可以咁快又俾人大執一次兼且更勝以前)
雖然只係行 40M 中環搭去港大既路程已經感到架車蠢蠢欲動要爆要爆咁，記得係般咸道轉出薄扶林道
(終於條路暢通 d) 架車一踩大油少少，正常轉數落 2波已經夠一路加著速一野衝到巴士站
當時爽得黎本黎唔覺一回事，後黎留意下其他車先發覺即使布牌 DA 係呢段路都好少咁好去
又搭過一次 40M 出市區，村口起步無 k/d 無剩可以 2波中轉推晒背咁剷上薄扶林道，莫講一般 9xx
DA 都唔係咁易有此表現
重搭過一次行 95C，遇著個鎖 2波碌車既司機，由田灣上石排灣道係天橋底已經 2波 50kph
之後一路吊下吊下全程高轉追貼前面架綠小，如果踩盡兼放翻 3波行應該甚至可以 keep 著速剷到上去

924：
06 年中搭過一次行 41A (全日車)，本黎中午見佢上炮台山道好似唔慢，點知之後搭個單就知中伏
只係熄冷氣錯覺下有 2字頭行完炮台山道至怡景道，最混帳係由怡景道後至南風道架車一路 1、2、1、2 無限次
雖然以 9頭豪黎講有排都未到廢車，但一定唔係靚車而且對比平時出 15xx 既 41A 簡直慢到講唔到野

925：
- 記得 2+2 車隊未有翻新計劃前一兩年城巴已開始有加添黑色行動，記得好早期 9020, 9040 度門已經油黑色
925 好似都係，但最令人記得既係右邊梯位中間油埋黑色，睇落非常有型

91x 92x 一向印象都硬係覺得性能稍差，只有一兩部性能好既可以見得下人，921 算最爭氣既一部
另外記得搭過 922、928 行 M47 全程不斷拖波行，將架無力既車都飛到好癲好過癮，可以七個字少 d 完成一單 M47 (搭過先知就算入夜後係西環一段仍然係好耐，又行下又停)
又搭過好似係 927 行 99，個司機由永興街扭出電車路時都扭到面容扭曲咁，一路好可憐咁同坐導航位既同事訴苦 "好重呀 " 個人一路以為富豪車算輕軑或者好好扭，睇黎只係一款款或者一部部

930：
- 07 年聽講此車強勁左好多 (無耐前先有架直頭係標青既 932，同期亦聽講有架 9018 點靚點好，一時間難以致信)
一搭之下此車 k/d 功能應該強制啟動左，點踩都波波盡，而架車本身性能亦甚佳；只不過搭過 932 後
9 頭行薄扶林道要達到某個車速好似都變得理所當然咁，唔係咩奇事
- 08 年中搭過一次行 973，西隧全程 3波 2500轉 85kph，上薄扶林道同其他巴士前前後後咁互爬
先係蒲飛路一段屈 1波較高極速爬 DA，之後停站俾佢過頭，再係心光一帶踩到 3波高轉過翻佢
馬可孛羅酒店上車 4 個字到華富出面，半個鐘過少少已係海廠落車，而家愈諗就愈後悔當時落車轉香隧線返家
如果唔落車過多兩三個字相信已經飛到赤柱，好彩的話即刻搭 14 出市區都唔會慢得幾多

931：
- 記得 07 年尾已經好少 9頭係原聲，但除左 921 呢個特別例子其他遲遲未變聲既通常性能都非常一般
931 直頭係慢，當年放學坐著架性能非常一般既電車一路同佢前前後後咁最後一齊到目的地

932：
- 之前 917 行 973 司機特地推介必定要試，當晚就喜見此車係華富出沒，足足等左一轉車先上到行 40
由華南前面條斑馬線踩大油少少已經推晒背咁過前面條暗斜，上置富、柏道一帶全部大斜都 1、2、1、2 輕鬆衝晒，係車靚但司機唔飛車既情況下半個鐘鬆少少行完一單
- 幾個月後某大熱天週日下晝搭行 973 出九龍，馬坑舂砍角大斜當然係 1波盡推晒背上晒
係香港仔一帶跟隊停站後齊齊起步都可以抽快線過其他巴士，石排灣道 2波高轉放到架布牌 VA 無影
(架 932 大站次次都好多人上，成架車上下層都係人聲，估計就算無人企都坐爆晒，但竟然爬到當年布牌 VA 最靚幾架之一既空載 VA11 )
總站開車一粒鐘已到太空館，落車後幾分鐘先驚覺自己身體慢慢"解到凍"

933：
- 07 年中第一次搭行 671，當時架車低轉有問題，由空轉踩上綠區好似要踩到盡先俾到油咁
好彩由綠區開始架車都幾好去，只不過感覺上就係要好大力狂俾油先維持到速度咁，極速得 65 (其實有機會係咪錶計慢左少少)
不過印象深既係司機全程隻腳好似打樁咁每一兩秒一下咁暴力踩到落底，而且轉彎時個動作都好似要同堂軑搏鬥咁，成程車感覺係渣呢架車係好辛苦既勞動工作
- 幾個月後再搭，1 波仍然係幾短下，但低轉執完完全唔同晒，一起步即刻已經中轉，由置富巴總起步之後個條段都可以 1、2、1、2 好輕鬆咁去
- 08 年搭過行 529 下繁黃廠攝車，都可以 22 kph 上唔熄冷氣上炮台山道較斜既初段，表現都算係咁

937：
- 記得轉橙牌個期好多 TD 豪都有停完車鬆手掣起步個波箱未入得切波既問題，以 Plaxton 4xx 尤甚
06 年中某大雨天搭過 937 係薄扶林道余振強對面個站起步幾次都係未唔到波成架車溜後，要重新入波慢慢踩油試先成功有波起步

938：
- 05 年中第一次入南區遊河搭佢，從此展開間中放學後躝街遊車河生涯 架車性能一般，
估唔到係最後兩架變聲 3波 TD 之一，記得當年佢係原聲得黎而且好似未翻油，車身仍有白線

939：
- 上車門扶手同 911 一樣係比較斜 (最遲 04 年已經係咁)，早年已試驗新款死氣裝置 (甚至可能係新車時已經係咁)
當年有部分巴士書錯寫此車為 D10A 偈，直到 06 年開始全線城記 TD 開始變成咁既聲就真相大白
- 07 年中搭過一次，副偈把聲聽落執過，但顯然波箱壞壞地，雖然一起步已經成架車彈上綠區
但之後一路躝著中轉加唔到速，唔趕時間睇著佢一路維持著此轉數由消防局至薄扶林村都幾有趣

940：
- 04 年中搭 23 號巴士跟著 940 停站，本黎無留意該車，點知一起步好似三扒兩撥已經到高轉咁
隔著玻璃都聽到引擎聲同埋望著架車一起步就已經抽左去快線拋離自己架車；從此係東區等車都渴望見到佢
(個陣 99 以黃柱 TD 為常用車) 好多時碰正同 85號前後腳埋站，明明一出站已經係暗斜都可以睇到明顯分別
85 堆車普遍連落暗斜都快唔起，940 就波波盡得黎好快已經衝到近太古坊個頭

942：
- 以前有住南區多年既版友提過自己搭過最快既係 922 942，但睇黎顯然已係多年前既事
由 05 年起自己搭過此車唔夠十次，意見不能作準，但兩架車應該只算中下水平
唯一由 942 勾起既印象有 S 廠車車內望埋車頭水箱個堆傍板，S 廠車係較 E 廠車靚，深灰色油得好靚，周圍好乾淨
車頭八仔機、錢箱之類都安裝得比較穩陣，導航位坐墊厚好多，一坐落去舒服到有少少唔慣；
E 廠個堆傍板油淺灰兼且一撻撻跡，車門同導航位之間塊玻璃成日有怪聲好似互相拉扯著咁，內籠明顯較殘較污糟

943：
- 07 年初搭過一次行 99，1波 setting 同普遍 9xx 一樣偏低轉 (九巴個堆 1波極速明顯較低，同一速度下轉數明顯扯得較快)
但司機全程踩 k/d，一早左轉波即刻剷到佢夠翻 2200轉先夠本，下下 1波 45 2波 60 咁去，只講速度都拍得著九巴個堆 TD 咁癲
- 近一兩年搭，本黎預左唔會咁多年都重係咁易 k/d，點知估中之餘架車重比一般 9xx 低轉得多
又變聲個幾年開始城記 TD 1波通常只會到 1800-1900轉，2 波一唔踩盡就中高轉轉波，但 943 簡直拍得著紅柱 9xx 咁早轉，而且轉波個下柔順得多，感覺完全係搭緊 D10A 豪咁 :o

944：
- 記得此車都係上車門扶手較斜；07 年初搭過一次行 99，又係起步空轉過低打晒冷震好似唔多夠油咁，1 波較短，上燿興道可以 1、2、1、2 上
當日係燿東巴總落完客走人，暗斜下一扭軑已經無晒轉數死埋火，搞幾次先夾硬捱到翻筲箕灣
(雖然就知道唔太關事，不過搭一架一路已經壞壞地後尾重死埋火爭 d 行唔翻既車衝斜路落山其實都有少少驚會出事)

945：
- 03/04 年某晚搭過行 529 下繁黃廠攝車，上斜一般，好穩定保持一定轉數但車速無乜驚喜咁去
但司機全程好似好趕咁，下下落緊客已經踩定油等鬆手掣；落山唔算快，但落山後平路有得去盡就玩到盡
由北角官小個站起步後一路踩盡抽快線一野過左三架蠆去到尾先插水埋 960B/962C 總站對面個站 :o

946：
- 當年呢度討論 9頭個 post 就有人大讚 973 個堆 94x，其中呢架就係點名力讚既識行識停靚車
可能自己一路就無緣嘗試；幾年後先開始較易搭到部車，性能已經回復普通，但仍算中上級
其實如果去多 d 非新城地頭遊河，就會知道新城車唔計期期唔同個堆神車之外，"普通"級數其實已經係好內強中乾
以華富為例，冬天或者睇唔出大分別，但一天熱少少，批車由瀑布灣道口到華中個度斜少少都要落翻 1波
由村口衝出薄扶林道就算順燈無車阻都可以未到一本已經得 1波兼且唔盡
946 呢類中上級既車，起碼係夏天表現下跌得黎仍然有個譜
- 07 年尾"輪到"此車變成黃廠車寇，1 波躝十世先到 2波，冬天早繁上石排灣道連 15 都無
唔知點解城記堆虧車虧得黎"症狀"好相似，而且每期唔同車，簡直令人懷疑根本只係驗車時零件互換過骨
- 08 年初，此車變成車皇 (而同一時間就有架 948 "步佢後塵"  :o)
記得 09 年夏天搭 40 遇上好進取既司機熄冷氣上紅棉道 (佢由太古廣場就開始熄晒全車冷氣 :'()，
無乜助跑都可以 1波盡衝到大半，到最斜最慢個處仍有 20-25kph

948：
- 02 年上繁搭過行 85 同下繁黃廠攝 529，尤其後者更係無力得驚人，連車上顯然唔係巴迷既都搭到有少少不滿
落山去到渣華道，後車 103x 已經高速爬頭再放到自己架車無影，連車上女學生見到都頗有微言話架車太慢

紅柱 9xx 普遍無架靚，比起近年愈執愈靚既 12米版 3波 D10A 豪，前者水箱聲又嘈又難聽之餘力水都竟比後者差
感覺上呢堆車都好得意，總係令人凝著成批車較大 number 個一半會比較好力 (但事實上好似真係咁)

967：
- 08 年搭過，水箱共震好似攪拌器或者電鋸咁聲 空轉較高，接近 800轉
(見到空轉特別高既富豪通常好大機會係靚車) 性能拍得著九記同配置既 AV

968：
- 08/09 年搭過行 671，好似 943 相反，943 波箱行到似 D10A 豪，968 就調轉
1 波扯到成 1900轉先轉 2，而且次次轉波都幾 chok 下；可能波箱有少少問題，
每逢 3波收油一跌到 4字頭架野已經一野 chok 上 2波，比正常收油拖波程序急同早
部車本身就唔算特別好力，只算中規中舉

969：
- 10 年下繁貪得意搭過一次行 973 南行，由尖沙咀上車，本黎已經搭到訓著
但去到香島道一開始劈彎已經俾架車搖醒左，之後就睇著個司機將架本身無乜力既車點樣照樣去到盡
實在極度驚訝呢段路配合當時路面繁忙程度可以用上此速度黎行，由海廠後至過左赤柱廣場落斜轉去市集先係接近 15分鐘
當日遊盪赤柱一輪後搭 73 出去，個司機渣著架短豪都唔敢咁快，反之去到淺水灣已經又見到同一司機渣 969 行 73 又劈緊一個大彎跟首衝上斜

979 又係同 967 一樣，空轉較高，以紅柱 9xx 之中算好力，但反而拍埋 12 米車分分鐘好多 12米豪都有此性能
02/03 年間新城未合併，每朝寶馬山學校線仍然係車海嘯咁出，529 有大量 3xx/5xx/6xx/982-999/22xx 加班
成日都搭到 16xxx 員工編號 (之前聽講係車房轉職) 既司機渣 982-999 上山，記得當年批車同埋 1000-1020
波掣盒已改左錶板左下角 (1021-1040 已改既就改錶板左邊)；最記得批車有指揮燈回彈功能，成日打完燈未入站或者一回軑已經敏感得濟熄左燈
但 529 加車加攪牌 9xx 只限 ZF 版，Voith 版無論繁時定特見都甚少出現，多年黎僅有幾次搭中 Voith 版行 529
都係慢到想死，表現連 12 米版都好過佢地



另外，唔知自己有無記錯，自己都算睇著 77 線開，唔覺有用過 9頭
以前一提起城記 77，下一秒個腦影像已經係架紅柱 plaxton 豪
近年就係 plaxton 豪/9021-42 個排唔好力個十幾架 (好力個幾架當然留翻黎玩 529/102/N102 )
再近年就無晒癮，變晒 81xx

原帖由 偉文 於 2012-10-26 17:25 發表
點解置富線(37A/B/X/40)極少用901-950呢批豪, 而幾乎全用951打後同90xx?
但係85又幾乎全用901-950

感覺上城記雖然無字軌/掛牌，但 9xx 都唔係雜亂無章咁派，都有少少規律

901-910 唔使多講，不過感覺上拉去做其他東區線既通常都唔揀個期最廢個部

91x 頭幾部印象就係 48、95C、7/71 (靚車好似總係無佢地份，司機亦特別碌) 後幾部 40系好似幾易中

其餘黃柱 9xx 好似無乜特別，不過大 number 的好似較常係鴨島出現

40 系好似黃/紅柱一半半不過只限 Voith 版，ZF 版都有但好似較少

37 系好似以紅柱版較多

48 / M47 好似好難見到紅柱攪牌車，前者通常見黃柱，後者通常出 90xx，夜晚先會有黃柱

99 多年前主要係黃柱，近年變晒 ZF 版，再後期少少主要就 90xx

海怡半島堆線硬係好似 90xx 較多

摩頓台好似較難見到黃柱 9xx

N72/N90 好似較少見到 ZF 版 9xx/90xx

以前 73/973 雖然三隻都有但好似黃柱較多，同埋通常都會拎到靚車 (感覺上 40系同 73系特別易有靚車咁)
但近年 (即使未有咁多 70xx 前) 好似已經係乜車都殺，好多時嚴重乏力既都會拎黎行

6x/260 間中都見，週末好似較易見 90xx，平時如果出 11米車好似通常都係橙牌尤其紅柱版

師兄,我琴日搭中905行789返學,我覺得架車嘅表現好左好多,架車嘅起步都較有力,有進步架啦!

東區果10部黃柱9xx我好少坐, 唔多講. 南區呢批近排整整下已經冇乜邊架特別標青, 不過94x果10架表現平均比較好係真嘅, 不過有個別已經差咗. 例如948, 大半年前坐呢架行M47, 遇着車手, 上斜過彎都好爽. 早1, 2個月有日又坐中佢行73, 心稔遇着好車, 點知載半車人左右上石排灣道竟然全段得一波中高轉. 其它就一般般,

91x普遍都一般般,

92x, 920大半吉上斜都冇乜力. 921最有印象係個1波幾爽, 之後都係一般. 922早幾年搭冇冷氣又冇力, 而家就唔知. 其它普遍都係一般.

93x大部分性能又係麻麻地, 近排坐過幾次932, 係跑得下, 但都唔係標青.

紅柱9xx, 3波果批有D早幾年都ok嘅, 坐過962, 966呢2架都算跑得下, 近排冇坐過966, 962相對之前差咗D, 964, 967呢2架都ok. 95x果批近排只坐過959, 表現一般, 唔多想去咁, 968呢架野長期俾我嘅印象都係虧車一部, 一係有D冷氣但冇力, 一係兩樣都冇. 97x果10架, 970, 971, 972印象中比較好, 其它都係一般. 980呢架就長期都麻麻地, 搭佢最好就係唔駛俾電視嘈住晒.

反而我早幾年憎到死嘅981-999 / 9000呢批, 有個別近排稍為執返好咗, 990, 993呢2架上斜比之前好力返D, 9000早幾年搭過冇乜冷氣, 而家就唔知.

原帖由 偉文 於 2012-10-27 01:25 發表
點解置富線(37A/B/X/40)極少用901-950呢批豪, 而幾乎全用951打後同90xx?
但係85又幾乎全用901-950

901-910呢10部長期常見於85同其它小西灣線, 你見85好多黃柱9xx係正常, 但911-950呢堆應該比較少出現. 40早期多數係出TD豪嘅, 印象中係08年開始多咗紅柱, 而家直頭大半都出紅柱咁滯, 37系近年間中都見有黃柱9xx行. 我只能夠話以前911-950呢批比較集中響40系, 紅柱就37系, 90B之類, 可以話係一種派車pattern, 不過而家睇落好似冇咗呢種pattern咁.