點解八十年代的港島區居民較多用電車?

記得八十年代中記有多條流水線或半特快線 , 港島區居民都會多乘電車由中西區至北角
到筲箕灣不等  ! 但時移世已 ,而家電車變成短途流水客 , 反而長途客就唔多搭電車 .
會否在八十年代香港人的工資唔多關係而乘搭平過中記2 , 10 的電車呢 ?

THX!

電車一來平,
二來那時既巴士都係非空調,同電車分別不大.
而當時既人對舒適既要求唔大, 所以都願意坐"長途"電車

o個時大部份人o既收入僅可糊口，搭巴士已經係尊貴享受。

仲有當年中記路線0既「優質」服務（從乘客角度0黎講），
亦都將 D 乘客推哂俾電車。

當年中巴的服務, 其實不多不少都已經將北岸的流水乘客奉獻晒俾電車紅小同
埋地鐵, 當年城巴接辦26線, 就將一半原本在北岸流水的紅小推到西隧線, 紅小
的生意不及當年一半.

當年中巴的流水線係就係有好多, 但係都好疏車下, 2號線最密都係十分鐘一班,
5B更加係只服務早上至黃昏, 成廿分鐘才有一班, 唯一較密的都只是10號, 但10
號都只是經皇后大道東及禮頓道這些非主流地區.

[ 本帖最後由 gordon 於 2006-3-5 14:00 編輯 ]

不過其實電車做流水客都比做長途客好 ..
例如筲箕灣 - 上環咁 ..
成程車中可以換幾批客 .. 不斷落完又上過
載客量一定比做長途客為主多

唉, 所以我都覺得新巴8號如果做番流水兼興利有站, 保証仲好過宜家囉

但係其實電車唔算得太慢, 以銅鑼灣崇光返太古為例, 電車都只係要20-25分鐘, 同2A差唔多
尤其是2A已經成為了「新巴轉乘王」, 一定多上落