1A 車長一個鐘食飯,之後拎唔返早上架車

原帖由 hkbw 於 2012-10-29 23:06 發表


連後果都未知清楚就繼續灌自己既思想， 真夠客觀~~繼而再極端化以令自身觀點顯得合理， 咁仲有咩好傾?

老老實實， 閣下有沒有駕駛商用車的經驗的? ...

會有咩後果? 我冇商用車駕駛經驗，但就港島返工，成日都要坐跳飛機運作o既城新，咁係咪唔可以用乘客/道路使用者身分評論?
睇你都係渣自己部Corolla多，唔知你又有冇渣搵食車經驗? 定係純粹以渣私家車角度直接套落渣搵食車?

原帖由 EH2674 於 2012-10-29 23:13 發表

講真，我相信作為一個專業既駕駛者，逼於無奈要揸自己唔熟既車型時，會比平時慢D，以此有更多時間去摸索部車，我個人就唔明點解會有危險，除非你揸住部車死衝爛衝... ...

馬生覺得唔係自己車好危險嘛，我覺得咁係貶低作為駕駛員應有o既適應能力，除非有人除o左自己部Corolla之外就連其他Corolla都渣唔掂

原帖由 nwfb1001 於 2012-10-30 10:03 發表

會有咩後果? 我冇商用車駕駛經驗，但就港島返工，成日都要坐跳飛機運作o既城新，咁係咪唔可以用乘客/道路使用者身分評論?
睇你都係渣自己部Corolla多，唔知你又有冇渣搵食車經驗? 定係純粹以渣私家車角度直接套落渣搵食車? ...

乘客/道路使用者見到既就係事實既全部?

原帖由 nwfb1001 於 2012-10-30 10:06 發表

馬生覺得唔係自己車好危險嘛，我覺得咁係貶低作為駕駛員應有o既適應能力，除非有人除o左自己部Corolla之外就連其他Corolla都渣唔掂 http://img.photobuc ...

我諗斜體既字除左曝露閣下自己既不足之外, 亦提供到一個gag俾一班跟小弟相熟的板友 (唔怪得有人笑著叫我幾忙都要上板睇下笑下放鬆下啦)

商用車經驗小弟唔算多, 應該得5個車款十來部唔同既車, 加埋跑過既里數都唔多, 得一般假日車一年行駛的總里數左右啦~
私家車方面, 手趾腳趾加埋夠唔夠數我都真係要認真數~

呢個世界, 有d野大家有眼睇既, 作為駕駛員應有o既適應能力? 以香港現時的學車考牌制度, 唔好話唔同車啦, 就算俾埋同一部車你,
一唔係考試路線上仲識唔識駕駛都成問題啦~

[ 本帖最後由 hkbw 於 2012-10-30 13:03 編輯 ]

原帖由 edhong 於 2012-10-29 23:58 發表


你又黎你既客觀理論?
ref : http://www.hkitalk.net/HKiTalk2/viewthread.php?tid=725174&page=4#pid2613227

就當本站無人駕駛商用車經驗, 那... 你又可唔可以分享下日日唔同車個惡果係乜呢? ...

wa....呢度有商用車牌既板友， 甚至駕緊巴士搵食都大有人在啦~~不過人地想唔想同你傾就係問題

- delete -

[ 本帖最後由 syp 於 2012-10-30 14:11 編輯 ]

原帖由 hkbw 於 2012-10-30 13:01 發表


乘客/道路使用者見到既就係事實既全部?

巴迷/乘客都唔係見到事實o既全部，咁係咪唔可以出聲?

商用車經驗小弟唔算多, 應該得5個車款十來部唔同既車, 加埋跑過既里數都唔多, 得一般假日車一年行駛的總里數左右啦~

私家車方面, 手趾腳趾加埋夠唔夠數我都真係要認真數~

呢個世界, 有d野大家有眼睇既, 作為駕駛員應有o既適應能力? 以香港現時的學車考牌制度, 唔好話唔同車啦, 就算俾埋同一部車你,
一唔係考試路線上仲識唔識駕駛都成問題啦~

你都話自己搵食車經驗唔算多，咁你憑乜野挑戰巴士車長? 唔通你會清楚得過巴士車長對自己/同業o既適應力?
中巴行o左幾廿年字軌車制度，98打後咪一樣可以轉跳飛機，而新巴o既跳飛機方式仲要強過九巴，咁新巴係咪因為安全/惡果執得?

原帖由 edhong 於 2012/10/30 13:28 發表


馬sir你在想講什麼呀? 又係你講日日唔同車有惡果既? 咁你應該懂什麼惡果呀?
你推比其他板友答者係點呀? 在做磚家嗎?

其實大家唔會否認, 同一個人揸同一架車走同一條線, 係會安全啲, 只不過在現實的情況下, 平衡利弊, 放棄呢個安排似乎亦唔見得引起好大嘅問題。不過既然馬高人話會帶來「惡果」, 咁真係希望佢具體地和「客觀」地講下會引起咩「惡果」囉。最好如果確實引用到顯著數量因為唔執行呢個安排就會出現交通意外嘅事例, 咁大家就信服呢個「惡果」真係好嚴重啦。在沉船事件中, 馬高人講過在外國的人群聚集事件被臨時取消都無發生過意外, 所以香港都唔會出問題嘛, 唔好低估香港人嘅質素同埋紀律部隊嘅應變能力嘛, 希望今次馬高人拎得出事例啦, 唔係就可能有低估香港人、香港駕駛者、香港巴士司機、同埋香港駕駛考試嘅質素之嫌o架喇。

PS: 馬高人即使不屑回文或者無能力解答點都好, 千祈唔好又亂 Imply 一通或者「無心討論行私刑做判官」地濫用評分制加我分喎。

[ 本帖最後由 syp 於 2012-10-30 14:09 編輯 ]

原帖由 nwfb1001 於 2012-10-30 13:39 發表

巴迷/乘客都唔係見到事實o既全部，咁係咪唔可以出聲?



你都話自己搵食車經驗唔算多，咁你憑乜野挑戰巴士車長? 唔通你會清楚得過巴士車長對自己/同業o既適應力?
中巴行o左幾廿年字軌車制度，98打後咪一樣可以轉跳飛機，而 ...

你用一個乘客身份， 忽視其他問題就話跳飛機冇問題，出聲冇所謂架， 只係一直俾人睇到你幾咁"有料" law~

你連商用車都未掂過， 又已經有司機講過有問題， 你憑什麼代表d車長話冇問題?

原帖由 hkbw 於 2012/10/30 15:52 發表

你連商用車都未掂過， 又已經有司機講過有問題， 你憑什麼代表d車長話冇問題? ...

大家不是只能代表自己發言麼, 為什麼會有人說代表其他人發言嘅呢? 是不是你「掂過商用車」就可以「代車長」發言?