九巴車長搵乘客較飛 巴士玩手機雙手離車太6秒

一名九巴車長昨晨駕着載有30多名乘客的巴士，由天水圍開往觀塘途中，多次在快速公路及隧道內，一手扶軚盤，一手拿着iPhone手機玩WhatsApp，更一度雙手離軚達數秒鐘，嚇得坐在車頭的乘客目瞪口呆緊握扶手，並掏出手機將車長惡行直擊拍下，幸一個鐘的車程中有驚無險，惟認為該車長罔顧乘客安全，盼九巴作出適當處分。

涉事車長姓黃，花名叫「阿喜」。據悉他為全職九巴車長，主要行走269C路線，穿梭來往天水圍至觀塘碼頭，事件被乘客揭發後，公司已即時停止其駕車工作，等待公司內部調查。
乘客林先生憶述指，昨晨7時45分，他由天水圍公園登車，坐在車頭旁的乘客位，剛好對正車長。惟巴士開車10分鐘後，甫抵達元朗博愛醫院對開時，即見車長左手扶着軚盤，右手從衣袋中掏出iPhone手機不斷把玩。當車輛駛至大欖隧道對開長直路時，他更變本加厲，雙手離軚達6秒，雙眼緊盯着手機，並用右手起勁按動，似在玩WhatsApp。

目前已被停職
林見狀一度欲喝停對方，惟因車上老弱婦孺較多，為免觸動大家神經，遂只握緊扶手在旁監視。但車輛途經大欖隧道及駛至彎位較多的龍翔道時，仍未見收斂，繼續盡情玩手機。一小時後，途至新蒲崗四美街時，林終忍無可忍，認為車長行為離譜，遂取出手機拍下對方劣行，影片全長1分17秒。可見阿喜多次眼望手機，未有主動察看現場交通狀況。

巴士途至九龍灣時，林對終能安全落車抹一把汗：「我見到之後，當然第一時間係非常驚，同之後捉緊扶手，原本以為一次半次，點知佢一而再、再而三咁做，諗番起都驚。」
九巴發言人指，公司嚴禁車長行車期間使用手提電話。公司亦非常重視，強調會嚴肅處理，該車長已即時停止駕車工作，交由有關部門調查，及作出適當的紀律處分。 


有乘客目擊九巴車長駕車途中不斷玩iPhone，罔顧乘客安全。

抵死 (我講個司機)

p.s. 實情小弟有唔少朋友, 但真係唔知whatsapp/手機有咩咁好玩
只係普通傾計駛乜成日對鬼住部手機, 有時間先打個電話俾對方, 感覺仲親切,
打字打到手攰頸攰眼又攰, 都唔知為乜, 多言了.

原帖由 tonytsang_hk 於 2012-10-28 09:11 發表
一名九巴車長昨晨駕着載有30多名乘客的巴士，由天水圍開往觀塘途中，多次在快速公路及隧道內，一手扶軚盤，一手拿着iPhone手機玩WhatsApp，更一度雙手離軚達數秒鐘，嚇得坐在車頭的乘客目瞪口呆緊握扶手，並掏出手機將車長惡行直擊 ...

呢D車長,調查都浪費時間,可以即炒.

原帖由 FBI2 於 2012-10-28 09:44 發表


呢D車長,調查都浪費時間,可以即炒.

大公司做野，係有規有矩嘅
就算明知炒硬，都要做個樣調查下
之後先可以正式炒人

如果件事唔係由傳媒報出來,
而係有板友報上來投訴
我諗「唔好攪到人地無咗份工」之類的說話, 實會多過「抵炒」的 reply

一向覺得呢類莽顧乘客安全的行為 應該從嚴處理

咁少事都抄...??

係就嗱嗱聲呀~!
最好即抄出多個月糧可以去旅行~!

原帖由 FN1967 於 2012-10-28 11:19 發表
咁少事都抄...??

係就嗱嗱聲呀~!
最好即抄出多個月糧可以去旅行~!

斷估你唔係覺得咁叫小事掛
唔通我真心左?

原帖由 FN1967 於 2012-10-28 11:19 發表
咁少事都抄...??

係就嗱嗱聲呀~!
最好即抄出多個月糧可以去旅行~!

都唔係少事，法例都有禁止司機在行車期間使用手提電話。
對於巴士公司，就更加嚴格，基本上除咗壞車停低咗打返廠之外，坐得上個司機位同埋工作期間就唔應該搞自己部手提電話。

原帖由 FN1967 於 2012-10-28 11:19 發表
咁少事都抄...??

係就嗱嗱聲呀~!
最好即抄出多個月糧可以去旅行~!

嚴重違規即炒係唔駛補水的