大家搵工時 會否以興趣為主要因素

如題. 想知各位想法

本人自己由細到大都喜歡行街行商場, 所以找工作時便嘗試零售業,
結果現時就在一間商場內的百貨公司當sales / 店務員. 每次返工都可以行
商場行公司, 現在開始生厭了, 甚少再行街shopping.
以前自己做顧客, 現在就服務顧客.

原帖由 virus 於 2006-3-5 19:01 發表
有誰人不會和不想。
只是，當大家不懂得將工作之苦與興趣分開時，
就非常危險，
會連興趣都失去。

最初老豆說做 sales 或者從事零售業, 沒有前途沒有大志,
但我都照做. 因為我是為興趣, 而非上班等下班.
工作不算辛苦, 還可以苦中作樂.

自從做這份工作後, 對我來說絕非苦差. 學懂了合作, 溝通技巧 同 改變了自己性格.
從一個沈默怕事兼被動的人, 培養到健談, 主動兼沙膽, 以及控制情緒得宜. 總言之令我獲益良多.

[ 本帖最後由 winston 於 2006-3-6 01:11 編輯 ]

好多時理想同興趣
同現實係不符既
如果真係堅持要搵同自己理想同興趣既工先做
分分鐘真係長坐響屋企
尤其係遇著經濟不景氣既時候
果陣真係乜都要試下做

有機會咪試下llaw
講真
打份工
真係好難話完全開心
但做自己最like既野
又,真係會令自己開心好多

不時都會有人問小弟：
「你諗住搵乜o野工做呀？」
小弟就話：
「冇所謂，只要唔係興趣所在就得。」

聽親小弟咁講o既人都「 R 爆頭」，
完全唔明點解小弟咁諗，
小弟就以「釣魚」做例子……

閒時釣魚，
一條魚絲、加多個鈎都 OK o架啦！
（當然最好有埋魚餌）
釣幾耐、釣幾多，
隨心隨意；
但係當「釣魚」變成職業就不得了喇～～
工作永遠都係「務求以最短時間得到最多成果」，
咁就冇得話「釣幾耐、釣幾多，隨心隨意」，
必然要諗方法「達標」－－
即係釣到返o黎o既魚，
無論數量定係質素，
總之賣出o既價錢係足以糊口，
（都唔好話賺幾多）
到其時可能為求「達標」，
要落本買過Ｄ勁Ｄo既工具，
又可能要出遠門、搵水清魚美o既地方釣靚魚，
甚至「釣魚」變「捕魚」……
（唔再係一條半條）
呢Ｄ事都係一般「閒時釣兩條玩o下」o既釣魚人士唔會預計o既。

為張羅工具、搵地方呢Ｄ事煩惱，
當然唔會開心啦，
（至少都「唔係舒服」o卦～～）
唔開心，咪做自己鍾意做o既o野囉！
「自己鍾意做o既o野」，即係「興趣」啦！
但係「興趣」已經變成「事業」，
而「事業」又係煩惱o既來源，
又如何再以「興趣」開解自己？

所以小弟有句格言：
當「興趣」同「事業」二合為一o既時候，
死期將至……


或者大家會話：
「興趣唔止一種咁少嘛！」
當你將其中一種興趣變成事業之後，
無疑係一件樂事、值得恭喜，
但係工餘時候，
又會唔會繼續做、當係娛樂呢？
換言之，
呢份工只係令你「樂在其中」，
同「興趣」始終差一截……


小弟呢套理論，
都係源小弟係巴士迷，
自細就俾人問「大個有冇諗住做巴士司機？」問到大，
大大o下，
識o左好幾位巴士司機，
知道「返早更就天未光要起身，因此冇可能有夜生活」、
「Ｄ客係又鬧、唔係又鬧，明明係佢錯都屈到係我唔o岩」……
縱然小弟對「駕駛巴士」係好有興趣，
但係要同時面對呢Ｄ唔開心o既事，
又應該點算呢？
反正咁煩，
倒不如另覓一Ｄ自己完全「唔知頭、唔知路」o既工，
話唔定會發掘到自己潛能同樂趣都唔定～～