投訴前, 先諗諗咩事

原帖由 656-HU3984 於 2012-11-7 06:13 發表

呃.....投訴文化呢樣野係鬼佬傳來的
你問下餐廳侍應驚洋腸投訴定係驚蝗蟲投訴多D?

求REFERENCE

如果做過服務業
最驚應該係香港人投訴

原帖由 69738 於 2012-11-7 00:24 發表
脫班, 正常下係唔會發生
1)有交通意外, 冇人想, 全世界谷等谷忍, 你係街, 仲可以4圍行, 係車上, 個司機, 唔通落車行下咩
見唔對路, 轉車喇, 香港出世既香港人係識轉車家

這點不太認同。

舉一個實例：
企喺荃景圍天橋站等58M，其他由葵芳或荔景開過嚟的車嘅班次全部正正常常
係得58M要等成25分鐘先嚟一班頂閘的，但資料上顯示班次係8-10分鐘一班的時候，畀著你，投唔投訴呢？
轉車？起碼要畀多$4.0，你係半個車長，仲可能話晒吓證就可以
小市民呢？拎最低工資嘅咁容易拎$4.0出嚟咩....

再嚟多一個，次次搭早上09:10的66M往荃灣，我已站在總站等
通常09:00會返車，但部車係要過去66X的(固定過線)
然後下一部返嚟嘅車，最起碼都要09:08先返到大興
結果，最離譜係原本開09:10的班次，結果要開到09:20。
你話無車咩？我又唔覺，調過去66X的字軌又係起碼開09:12
咁我又想問，畀著你，投唔投訴呢？
轉車？$7.6 vs $11.1，
仲要最重要的問題：你估一定有66轉嗎？
唔係唔知66的班次有幾疏喇嘛....
(唔好同我講塞車，情況係日日都發生的事候，就算係日日都塞車，係咪都應該正視一下個問題呢？)

P.S.：以上兩個情況我都係無向任何機構投訴過。因為，你投訴完就一定知個答案，而且係無改善的。

[ 本帖最後由 GD1570 於 2012-11-7 07:56 編輯 ]

脫班, 有人為的, 亦有唔係人為的.
脫班, 有常見的, 亦有偶爾發生的.

板友們不滿和經常批評的, 係前者.

至於係乜野原因導致前者情況發生,
既然樓主話自己一向有留心睇post,
冇理由會唔知.

原帖由 69738 於 2012/11/7 00:24 發表
我見:
脫班, 正常下係唔會發生
1)有交通意外, 冇人想, 全世界谷等谷忍, 你係街, 仲可以4圍行, 係車上, 個司機, 唔通落車行下 ...

因「收車」而脫班屬於「正常」定「唔正常」?

肯花時間投訴既人
起碼對間公司/機構有「期望」會改善

大家會投訴地鐵上唔到車嗎?
唔會，因為地鐵唔會改
(佢仲會用一大埋專有名詞話唔改得)

但路面交通(巴士,專線小巴)唔同
可以好靈活咁開特別車、中途站起載客(但唔係載空氣既鬼車)

原帖由 bustop 於 2012-11-7 09:18 發表
脫班, 有人為的, 亦有唔係人為的.
脫班, 有常見的, 亦有偶爾發生的.

板友們不滿和經常批評的, 係前者.

至於係乜野原因導致前者情況發生,
既然樓主話自己一向有留心睇post,
冇理由會唔知. ...

任何脫班都一定係人為因素,車長楂得快楂得慢,架車上落速度,
有輪椅運貨長者客,捉狗捉小朋友,有客要問路唔舒服,就算鐵路
行路軌,只要有輪椅客上落,時間距離可以相差最少30秒

批評投訴唔係唔可以,不過近年大家缺乏同理心,只要自己覺得利益受損,於是就要嘈,要爭取權益,有時連自己基本責任都可以放手就俾人.以前還在馬會做,聽唔少案例話跟程序覆核彩票,都一樣照投訴話職員落錯飛,結果職員甩身不過已經夠煩死,始終顧客投訴係無需成本,但處理投訴係要錢要人要時間,呢d全部都係成本

除了顧客態度問題,公司工作指引和制度有無令員工安心地工作,免除處理一d無謂投訴,都係重要課題.做服務行業帶祖宗廿八代返工已經係預期,有投訴亦都唔出奇,但公司本身點應對投訴,有無工作指引俾員工去跟隨,係是旦定封封都理,前者就俾人覺得無誠意,後者即係要員工受晒.

員工跟指引做而收投訴公司會唔會處理,要求員工解釋;員工無明確指引而招來投訴,公司本身又用那種準則,去量度員工是否有過失.一間公司制度文化可以影響員工表演,如果無制度有投訴只係要員工受,又或者只係照顧客感受,久而久之員工只會hea住做,因為怕投訴要處理.

慾望無限供應有限,要減少投訴只係痴人說夢話,就算員工跟晒程序做,都一樣會投訴,唯一可以做就係員工小心應對,無謂硬碰硬,公司亦應作出調整,不論政策制度程序上,令各方都找到一個合適空間

原帖由 69738 於 2012-11-7 00:24 發表
本來, 我都幾有心睇POST
點知睇到火都黎埋

1)好多POST話脫班
2)好小事, 就投訴到人地死

我見:
脫班, 正常下係唔會發生
1)有交通意外, 冇人想, 全世界谷等谷忍, 你係街, 仲可以4圍行, 係車上, 個司機, 唔通落車行下 ...

967/9經常有人@欖隧落唔鐘又唔同司機講聲(後者指閘長)，次次去到臨出站就話落車

N年前搭過某33A(熱車)，全程慢線+唔爬頭+勁碌(同學神差唔多速度)，去到美孚仲比後車過埋就打去投訴司機開到咁慢玩野(趕去葵興返工)，後黎係高速行錯路(上左荃灣路)先知司機跟本唔識路時都真係有少少後悔投訴，因為司機唔熟路就肯定九成係大公司訓練不足...(停係荃灣路天橋時到我前面嗰個阿姐打去叫九巴搵人帶個司機行)

原帖由 69738 於 2012-11-7 00:24 發表
本來, 我都幾有心睇POST
點知睇到火都黎埋

1)好多POST話脫班
2)好小事, 就投訴到人地死

我見:
脫班, 正常下係唔會發生
1)有交通意外, 冇人想, 全世界谷等谷忍, 你係街, 仲可以4圍行, 係車上, 個司機, 唔通落車行下 ...

我總結一下你既文章：

你既邏輯係，當巴士公司甩班脫班，唔應該有不滿

巴士公司冇責任改善服務，冇需要開發新系統(如GPS之類)提供其他大城市都有既巴士路線預期到達資訊
巴士公司唔應該考慮請後備車長，唔應該有後備巴士，有巴士請病假就應該冇左一班車，絕對合理
乘客唔應該搭巴士(香港出世既香港人係識轉車家)


另一方面，如乘客見到有人搭車唔俾錢、應該路見不平，幫巴士車長、巴士公司追收車資，
見到有BB車唔收、大行李應該批鬥該乘客，拍片上網公審，要搞大件事

我講得冇錯嘛?

原帖由 da93 於 2012-11-7 00:55 發表
根本公民教育失敗

前排國民教育議題咁激烈既時候,
竟然有香港人走出黎話自己公民教育好,
其實我真係好想笑...

近呢十年既香港人簡直不知所謂...

我同朋友講笑,
晌東京火車站車門一開就走入車廂既,
一定係香港人.. ...

噢，近十年有幾多新移民到香港?

而你又係唔係香港人呢?

你又係唔係不知所謂呢?