投訴前, 先諗諗咩事

樓主,投訴係應該既
好多時你地同行玩野做成,碌車,有燈吾過等等
等到火囉....真係...

我都做過服務業,洋腸同蝗蟲投訴我都見過,
洋腸投訴多數講啲粗口,或者質問你幾句,解釋完俾佢知,佢就黑面,唔耐煩或者無奈咁走,
蝗蟲,就恐怖得多囉,粗口滿天飛不在話下,
手指指,拍抬,大聲質問,嘈得成間舖雅雀無聲個個都望住佢,
以上係我嘅見解,就算投訴文化係鬼佬傳過嚟又點?
投訴係可以令人,服務性行業有警愓作用,係件好事,
問題而家係香港人有理無理都要投訴,正如樓上板友所講無同理心,
你要投訴,得!但係要有合理投訴架,而家,好多投訴都唔知為乜?甚至有啲投訴原因令人啼笑皆非,冇它嘅,學JT4686兄話齋,生活壓力大,要搵野發洩

原帖由 3av188 於 2012-11-7 18:48 發表

我總結一下你既文章：

你既邏輯係，當巴士公司甩班脫班，唔應該有不滿

巴士公司冇責任改善服務，冇需要開發新系統(如GPS之類)提供其他大城市都有既巴士路線預期到達資訊
巴士公司唔應該考慮請後備車長，唔應該有後備巴士，有 ...

唔係唔可以有不滿，只係話有不滿唔等於要投訴。
或者我嘗試幫貼文者解釋下當中混亂的觀點，佢定義的「投訴」應該係指未經了解事件就嘈一餐，將矛頭指向其中一方(文中所指係車長/巴士公司)，試圖搵一個負責任者比投訴者發洩
成篇文章貼文版友都強調要忍讓之類說話，我理解就係響一D無法避免的延誤下，大家應該遷就一下。
我睇唔出文中有講「唔應該不滿」，「唔可以投訴」，「巴士公司唔洗改善服務」之類的說話...

我就咁樣睇。其實每一日都有好多令其他人投訴的事，有時一件錯事，你唔投訴，其他人都可能會去投訴，所以話「我唔會去投訴」，個車長都唔一定無事。我就好簡單，我知道服務性行業一定要受到某一部份人的無理對待，所以我係非常體諒佢地，打顧客服務熱線我會盡量禮貌地同佢地講野，大時大節我都會祝佢地，因為佢地真係好辛苦；以巴士為例，我認識一位以前於城巴任職巴士車長(現已離職)的租車司機，佢都話有D乘客的要求標度無理，試過有乘客問候佢祖宗十八代，我地聽到都睇唔過眼，佢又話有乘客要佢開快D，佢就故意開慢，因為佢話公司指引係要安全駕駛(所以千其唔好比車長的感覺你好趕時間，佢會玩你兼投訴唔到)；我當時坐過佢兩次車，因為佢實在太好人，所以第二次坐佢時我地都特登幫佢搵私人地方比佢免費拍車，等佢唔使比人抄牌(其實第一次都想幫佢，但上司命令無法)。

我就非常簡單。以巴士黎講，做錯事在所難免，始終佢地壓力好大，我見過好多車長使用粗言穢語鬧前面的車，我唔去投訴，因為讓該車長發洩他的不滿，起碼佢順返條氣。我之前搭某路線打鐘落車，車長忙記停站，我叫一聲「唔該」，佢立即停車兼道歉，我唔敢打電話去九巴讚佢，因為我驚佢會出事；又一次搭巴士，行錯路，我問一問車長，佢承認行錯路，我就話：「唔緊要，我幫你。」之後我問其他乘客有否需要在受影響車站落車，我問下問下，有信差稍為不滿，但他不滿有理，始終車長行錯路，全車乘客會受到影響，最後車長話：「得架啦，我有方法，坐返埋去先。」咁全車人坐返埋位，之後車長竟然違規轉右(該路口只可直去)，經過兜兜轉轉，最終返回原線。我偷偷地同坐我旁邊的老伯伯講：「希望佢唔好比人投訴，佢錯得太明顯啦。」本來我想打去九巴要求唔好處分該車長，但最終無做，因為我驚會越搞越衰。以上兩件事我無作出投訴，你問我係邊條路線我都唔會講，我只能祝果兩位車長好運，尤其是行錯路果位，始終佢地係無心之失，我都唔希望車長們有事，我都希望佢地平平安安過日子，但無論如何，我唔去投訴，亦都唔等於無人去投訴。

但，無論我點體諒服務性員工的處境。以巴士黎講，只要係無心之失，唔激起我把火，我都唔會去投訴，只會心裡祝佢好運；即使投訴都好，我故意唔講車牌，時間講到模凌兩可，只是希望佢地搵唔到個投訴對象，只要佢地注意。如果激起我把火，我就一定投訴。之前9月尾，我果到我要上架巴士停站，該巴士站停左兩架車，我係坐後面架車，前面架車上晒客就只有我一個人。我已經向後車的車長提供信息我要上佢架車，當時佢未開門，我亦都企係上車門，好快前車開走，該車站只有我一個人，咁我以為佢會開門，點知佢開走，咁我心急之下拍門，佢停左2~3秒先開門，我上車本來想講「唔該」，但該車長鬧我「你拍咩門姐，架車都未到站」，我當時極度憤怒和不滿，因為這是無理指責，但我無出過聲，之後我返到公司，第一時間，簽完薄，立即打1823向運輸署投訴(本來想向交通投訴組投訴，但我記錯左交通投訴組隸屬運輸署，事實唔係，1823接線生指交通投訴組是隸屬警務處，但佢積極幫我開檔案)，投訴佢有飛站意圖。運輸署兩星期前已回覆要求九巴注意，但因為我仲有問題，所以檔案未完結。有時針唔桔到肉唔知痛架，我自問我搭車必伸手，落車必打鐘，郊區等車，不是我要上的車我會向佢指示不要停車(但佢係都要停又唔落客就無得講)，我受到極無理既對待，我係非常憤怒。所以我無後悔為呢件事作出投訴。

總之一句：只要無心之失，我不會投訴，只希望該車長不要被其他人投訴；但如果好似上一段咁激起我把火，我就一定會投訴。只要自己做好本份，被人投訴都唔使驚。

原帖由 GD1570 於 2012-11-7 07:55 發表


這點不太認同。

舉一個實例：
企喺荃景圍天橋站等58M，其他由葵芳或荔景開過嚟的車嘅班次全部正正常常
係得58M要等成25分鐘先嚟一班頂閘的，但資料上顯示班次係8-10分鐘一班的時候，畀著你，投唔投訴呢？
轉車？起碼要畀多$4.0， ...

因為 66M 架 3 車編定 08:30 先係荃灣開，去大興係比較趕（尤其西鐵站盞燈真係可以食左 5 分鐘有多）
不過行車時間不足都唔係問題，荃鐵個站長放車放到亂哂龍先係問題
小弟不下一次望住班 66M 開早 / 開遲幾分，搞到同前車太密 / 太疏 ...（59M 60M 68M 都有咁既情況 ..）
不論早更定夜更站長都係咁 ... 所以小弟而家寧願等 66 ... 仲好等過 66M

[ 本帖最後由 樂仔〞 於 2012-11-7 21:52 編輯 ]

原帖由 FP6003 於 2012-11-7 19:59 發表
樓主,投訴係應該既
好多時你地同行玩野做成,碌車,有燈吾過等等
等到火囉....真係...

有燈唔過好多時都係怕相機，或者怕有 D 九巴私家車係到影相 ...

原帖由 656-HU3984 於 2012-11-7 06:13 發表

呃.....投訴文化呢樣野係鬼佬傳來的
你問下餐廳侍應驚洋腸投訴定係驚蝗蟲投訴多D?

一定係驚蝗蟲。就算醫生律師會計師都係會驚蝗蟲。
鬼佬你EQ夠高有道理, 總有方法可以拆掂佢,
但蟲蟲係唔需要同你講道理！

原帖由 樂仔〞 於 2012-11-7 21:51 發表
因為 66M 架 3 車編定 08:30 先係荃灣開，去大興係比較趕（尤其西鐵站盞燈真係可以食左 5 分鐘有多）
不過行車時間不足都唔係問題，荃鐵個站長放車放到亂哂龍先係問題
小弟不下一次望住班 66M 開早 / 開遲幾分，搞到同前車太密 / 太疏 ...（59M 60M 68M 都有咁既情況 ..）
不論早更定夜更站長都係咁 ... 所以小弟而家寧願等 66 ... 仲好等過 66M

雖然離題，但都要講吓：

其實我唔介意佢幾點放車...
但最大問題係：該段時間係只係畀得40分鐘佢由荃灣入大興
(照計應該係跑M仔而唔係P仔啦)，一定唔多夠WOR..
我由大興總站去到愉景新城都要40分鐘啦
咪忘記回程D燈位係難等D架WOR...
而且，唔係無機會畀佢定返好D個班次
無端端拉咗部車去66X，其實只要調轉拉咪得囉
66M又準時，66X又可以準時少少...
66X該段時間只係10分鐘一班，66M就08:55開完尾班P仔後就已經去到09:10
如果拉後開09:20，下一班卻開09:30，玩咩...
一係，就索性08:55後全部玩20-25分鐘一班，
反正改咗時間表後，09:30起都已經25分鐘一班車架喇...
提早玩20分鐘一班，可能有機會畀客66架...

唔好怪我市儈
好似小弟先前比九巴收多5毫子個單
佢的確唔啱，我一定力爭到底
至於等車耐或者行車慢
我只會覺得唔好彩
小弟網名64K已經係人辦
一係等極無車，要嚟就拖卡到，你話唔激死人呀
無辦法塞車等燈位我都遇過
巴士咁大架，唔似小巴咁靈活
無數小巴司機一路闊佬懶理
見到人地唔「醒目」D就問候人地祖宗18代
我見巴士司機多數好克制啦
打份工啫，何苦要玩人呢？

原帖由 3av188 於 2012-11-7 18:49 發表


噢，近十年有幾多新移民到香港?

而你又係唔係香港人呢?

你又係唔係不知所謂呢?

你認為呢D CASE真係新移民做成?