(AMN) 「浪漫」車長 路線牌示愛受查

你地誤會晒啦，其實最大問題唔係玩牌，而係九巴呢間公司根本完全唔愛惜乘客，作為司機嘅又點可以大大隻字話九巴LOVE U呢啲同事實不乎嘅嘢呢？

如果佢出CHEAT U可能無事喎，都係講事實啫。

原帖由 hkbw 於 2012-11-13 20:48 發表

小心呀~~呢度真係有人覺得係完全冇問題， 係傳媒小題大做，係九巴反應過大架~~~

得喇, 全italk既人都知閣下係全italk最有道德最守紀律既判官黎

[ 本帖最後由 s3n354 於 2012-11-13 21:01 編輯 ]

if it displays "ROADSHOW" or "QBUS ROCKS" will KMB be that nervous?!

呢度有好多版友真係輸晒
因為佢地真係好認真...

Lite Vision電牌係可以自行輸入顯示內容, 九巴見到傳媒報導係一定會做野(搵人出數), 加上呢單野真係出左通告禁止顯示非授權內容, 所以我不認為認真就輸......

(打緊呢篇文時, 我真係聽緊雨僑的《認真你就輸了》  )

[ 本帖最後由 gordon 於 2012-11-13 21:26 編輯 ]

原帖由 s3n354 於 2012-11-13 21:00 發表


得喇, 全italk既人都知閣下係全italk最有道德最守紀律既判官黎

唔敢當， 不過係d任意妄為的人當中，相對既事自然明顯~~~

同一種人， 自然同聲同氣~~不過咁，鍾意任意行的，記著隨時有後果要受，唔好到時話人嚴~~~

睇到傳媒主要都係將成件事渲染為「示愛」, 其實亦有可能只係司機一時貪得意之作! 當然, 佢當時並唔係載緊客, 唔係做緊生意, 只係私牌, 對乘客影響基本上近乎零, 雖然係咁, 之不過佢咁做的而且確衰左, 衰左就係衰左, 斷正就點都走唔甩架啦, 放過你係人情, 處分你係道理, 因為呢D字眼雖然唔係粗口, 但係呢D並非係九巴官方認可0既訊息, 所以絕對不能同官方指定0既節目祝福語相題並論.  就正如平時大家0係公司做野, 即使你打錯一隻字, 老細係要捉你你都冇得推卸責任, 因為你錯就係錯.  既然呢位司機做錯左, 公司管理層下令「做野」根本完全合理, 亦都係對公眾0既一個回應同交代, 如果九巴方面不作任何回應, 又或者唔作出任何相應行動的話, 到時一樣會有位俾人入, 後果可能更嚴重, 因為作為一間為廣大市民提供公共服務0既公司, 向市民交代係非常重要0既一環!

如果我係九巴高層，我會答會調查下佢點解咁做。可能係司機太愛我地公司，可能只係想話愛乘客，樂意為乘客服務。但之後會強調如果係作私人用途，即使無傷大雅，都不應鼓勵，以免對其他員工不公平
至於內部點做，都係出封內部警告算

這個世界冇鬼就死唔到人, 即係咁講你見到某某名人同某某名人出現於某某酒店內又比你見到, 你又好唔覺意週圍同人講你見到某名人同某名人在酒店出現, 好自然這件事就會一傳十十傳佰.

有些事情如果唔係過左火位又或者對任何人沒有傷害, 見到咪見到囉, 又何必打鑼打鼓呢?

如果你要每一樣事情都要睇到最低最透徹, 你就會好失望.

巴士司機個人操守問題都可以被寫上報, 遲下可能話某巴士司機去完廁所唔洗手開工, 有病唔請假, 咳又唔戴口罩,
罔顧乘客安全都得咯, 電牌show跟營運無關o既字句, 相信巴士公司本身唔會鼓勵, 甚至應該係禁止, 除非九巴鼓勵員工玩牌......

至於傳媒大肆鋪張報導, 睇該傳媒立場o者, 香港大把人睇新聞淨係睇標題, 大字標題寫九巴乜乜物物(負面野),
俾受眾知道九巴衰野層出不窮, 連旗下員工開工晌度玩都唔理, 矛頭好明顯係直指管理層......

而事實上, 任何面向公眾/傳媒o既公司, 一遇到同員工操守問題而引起大眾談論, 「調查」都係固有做法, 冇乜特別.