內地人霸佔座位

昨天坐港鐵東涌線的時候，看見內地人霸佔座位。

類似情況每日都在港鐵各線上映
而且手法有過之而無不及

吓? 呢種情形從來都唔罕見, 而且唔分大陸定香港人. 問題只差在有人企近時佢地會唔會主動移走物件, 同埋有人要坐時佢地會唔會移走物件

[陰謀論MODE] 似乎樓主想透過標籤某類人而引起罵戰

其實樓主啟動左阿姐mode, 見到汪阿姐都唔讓位, 想死呀?!

我反而覺得樓主應該將呢張相post上去一d反大陸人既facebook群組

貼上黎呢度只會比道德高人圍插

人多, 佢拎返走d 野, 我覺得ok

咩地方o既人都有壞分子, 樹大有枯枝.

香港人搭巴士仲多……唔使為少事而「鋪」

我搭開K5x既車就知，個個都以為自己好早落，坐出面個位，再放少少野。
大佬…你D「行李」真係多我就覺得你都擺唔到上自己既膝頭上，但好多都係輕到死，細到死既袋。以為自己早落車，點知大把人早落過你地！！整到D乘客唔敢坐，上車速度變慢，架車可載客量又變少……

我早兩日見到3個15-16 歲, 著住國際學校嘅白人男仔, 旁晚7點幾喺港島線車廂裏面拎住罐加士伯啤酒喺度飲, 一來青少年飲酒就算唔係犯法都係唔應該; 二來車廂內就不准飲食, 飲下水都算了, 仲要大搖大擺飲啤酒, 未免太過份。
所以話要無公德起來, 咩族群都會, 只係程度之別, 對事而不對人會更好。