[London-Midland, GB] 橫跨三代港人都熟悉的第一代後置引擎巴士

到英國接近第 3 年終於影到一堆珍寶 (無細心考究有無貼錯車，但相信唔係 Atlantean 又唔係 VR 系列)

本文先貼成架野體積細少少既相先，相片質素一如以往咁差劣


恕沒有清晰的版本，即使未縮相都睇唔清 d 字，只可以靠輪廓慢慢砌上文下理出黎


屎忽


簡單的底盤


傳統操作式手掣及錶板


看來底盤移動時曾經撞爛過，順手做零件車


細細個油缸，珍寶 (若此車真係珍寶) 耗油量以同期雙層巴士算非常低，即使放到今時今日慳油至上既目光計亦絕不失禮 (以英國營運數據計)


成條底盤好似好簡單，乜都無


望唔慣呢種睇落較新款既指揮燈，不過引擎散熱網爛左一頁，睇落異常親切，如果整翻好反而好似有失特色咁


單層版


引擎散熱網睇落唔知係陰影定係凹凹地，見慣以前香港凹/爛版見到太新淨反而好易唔慣


左邊車身


星期六係整車日，所以星期六入場可以順手睇埋館內巴士整車試車片；例如影完佢屎忽，
行轉背入展覽館兜個圈出黎，車房前面撻空地同一位置泊係度既巴士已經變魔術咁換左車，架珍寶變成車頭向外


架單層珍寶配 Marshall 車身，旁邊架雙層係單門 Titan，即係中巴 TC1 姊妹車



紅色個架係 BMMO S12 (全寫相信係 Birmingham and Midland Motor Omnibus Company, Single-decker 12型)
英國中部可以話係幾款經典車廠既發源地，不過更屈機之處係中部既巴士公司自己都生產過幾款獨特既單雙層巴士


事隔太耐，唔記得係咪架單層珍寶錶板 (不過應該係)

以上攝於 Wythall Transport Museum，大約係 Birmingham 市郊既鄉下地方某處，落左火車係郊外行半個鐘左右就搵到
網址：http://www.bammot.org.uk/


係英國唔難搵幾十年車齡既古典巴士，但有 d 經典車型似乎令人意外地難搵，例如 DMS


細個唔知點解好似好少上珍寶上層，睇落唔算太有親切感


睇唔慣珍寶唔拆引擎蓋上方兩邊個隔音/修飾欄，調翻轉都唔係太睇得慣 Atlantean 拆去該兩個欄


即使 DMS 模型其實都唔見得易搵，不過可能自己無買開模型少留意吧


可能比例較大緣故，架 DMS 車門做得算神似；對本人黎講，大部分巴模門位甚至全車最主要缺點就係對門唔似
車門唔似，好比畫生物/人像畫對眼畫得唔夠神似，呢點做唔得好，成架車其餘再像真都硬係差咁 d，正因如此本人從來都好少對巴模睇得上眼


實在形神兼備非常似真車，當然本身 DMS 車身應該唔難整


這模型其實係展館內互動玩具之一，模擬巴士傾側測試既效果


雖然底座同車轆一早固定左，但只固定支點一方，不過有少少意想不到模型都同真車一樣起碼傾側幾十度先真正翻側


背景係見慣見熟既 Plaxton Dart，停係總站/定時點司機落車抖
對此地方又愛又恨，拍攝前剛好一年前諗著到此地親前城記哈哈笑 B6 退役前搭翻下，後尾因事遲左一星期啟程，
竟然成批車連埋同區一手 B6 剛好係該星期全退，白行一躺  :twisted:

以上攝於 Coventry Transport Museum，正正係 Coventry 巴士總站隔離
網址：http://www.transport-museum.com/


倫敦交通博物館、倫敦巴士博物館普通展館內分別都無倫敦寶，要等前者車廠開放日先終於有架真車摸下望下
上車投幣符號唔知係英國抄香港定香港抄英國呢


技術差劣而且人阻處處，即使外國普遍禮讓，但實在無法望清邊個人影緊邊架車，特登避開一兩個人自會阻到另一堆人



駕駛室，細個分別有半年搭單頁門版 XF@85 同埋另外半年搭 圓頂寶@10、ALX LF @ 38/99 去北角返學
對後者既駕駛倉同內篇記憶較深，而前者由錶板至成架車彷佛係完全唔同年代產物咁，坐感都好得多


後面係 ALX 車身 B10MD


無論車定係人都好得意，個人偏好膚色無咁白既種族

以上攝於 London Transport Museum Depot
網址：http://www.ltmuseum.co.uk/whats-on/museum-depot

[ 本帖最後由 HW8373 於 2012-11-21 10:23 編輯 ]

第一個底盤如無意外應該是珍寶，看引擎室和轆軨顏色應該是前WMPTE的車輛，
WMPTE當年為了支持West Midland的車廠，大手購入珍寶，沒有買過阿特蘭大
(有錯請指正)。

睇返圖三, 其實已經可以解答到另一篇文章既問題

圖三可以見到尾擔既 U 形  drop axle 係唔對稱
睇返圖一可以理解到, 轉彎牙較近中央而唔係後期設計得更貼近右邊大陣
所以車廂內近尾轆既地台, 需要有突起既圓形物體避開

嘩, MIDLAND CLASSIC 部TITAN !
我仲係英國時去左幾次都搵唔到

單層珍寶我睇唔慣..
因為車輪太大, 一望就好似特登俾人削左個頂咁...